Tveir bílar lentu í aurskriðu sem fór yfir Grenivíkurveg snemma í morgun. Annar þeirra barst niður fyrir veg með aurnum en engin slys urðu á fólki. Hlíðin er enn mjög blaut og vegurinn gæti jafnvel verið lokaður til morguns.
Ekkert lát er á eldflaugaárásum Rússa á borgir í Úkraínu. Það er farið að snjóa í Kænugarði og spáð fimbulkulda á næstu dögum.
Skerða gæti þurft heitt vatn til höfuðborgarbúa á köldum dögum í vetur. Hitaveitur víða um land eru komnar að þolmörkum að mati framkvæmdastjóra Veitna. Þörf fyrir heitt vatn á höfuðborgarsvæðinu gæti tvöfaldast á næstu 40 árum.
Tekist var á um leka Íslandsbankaskýrslunnar á Alþingi í morgun. Stjórnarandstaðan segir sjálfstæðismenn sem óska eftir rannsókn vilja drepa málinu sjálfu á dreif.
Lunginn af ráðstöfunartekjum öryrkja sem eru á almennum leigumarkaði fer í húsnæði. Þetta leiðir rannsókn Félagsvísindastofnunar Háskóla Íslands í ljós.
Repúblikanar hafa tryggt sér meirihluta í fulltrúadeild Bandaríkjaþings, þótt enn sé eftir að ljúka talningu í nokkrum kjördæmum. Erfiðara verður fyrir forsetann að koma stefnumálum sínum í gegnum þingið.
Allt bendir til þess að stofn íslensku sumargotssíldarinnar við landið sé að styrkjast mikið. Sýking, sem lengi hefur herjað á stofninn, virðist horfin.
Guðmundur Ágúst Kristjánsson tryggði sér sæti á einni sterkustu mótaröð heims í golfi, Evrópumótaröðinni. Hann er annar íslenski karlkylfingurinn sem nær þeim árangri.
