Enn er ekki ljóst hvort Demókratar eða Repúblikanar ráði öldungadeild Bandaríkjaþings, eftir þingkosningar vestanhafs í gær. Demókratar eru taldir hafa unnið varnarsigur, þótt Repúblikanar virðist hafa náð völdum í neðri deild þingsins.
Umboðsmaður Alþingis krefur ríkislögreglustjóra svara um verklag við brottvísun fimmtán flóttamanna í síðustu viku.
Félagsfólk í Vinstri grænum þarf að vera óhrætt að láta í ljós óánægju sína vegna ríkisstjórnarsamstarfsins. Þetta segir stjórnarkona í flokknum. Hún segir að flokksfólk hafi skilið sátt eftir samtalsfund við ráðherra flokksins um útlendingamál í gær.
Afkoma ríkissjóðs er sextíu milljörðum hagstæðari í ár en gert var ráð fyrir í fjárlagafrumvarpinu.
Engar hreyfingar hafa orðið í hlíðum ofan Seyðsfjarðar þrátt fyrir mikla rigningu þar í gærkvöld og nótt. Veðurstofan fylgist vel með vegna áframhaldandi rigningarspár.
90 prósentum af öllum málum er varða þjóðlendur á Íslandi er nú lokið. Um 200 þjóðlendumálum hefur verið skotið til dómstóla frá því óbyggðanefnd var sett á laggirnar fyrir tæpum aldafjórðung.
Níutíu ár eru í dag liðin frá Gúttóslagnum svonefnda, blóðugum átökum milli verkamanna og lögreglu í miðborg Reykjavíkur.
Körfuknattleikssamband Íslands hefur framlengt samning við Craig Pedersen, landsliðsþjálfara karla, sem hefur þjálfað liðið í tæpan áratug.
