Mette Frederiksen formaður danska Jafnaðarmannaflokksins baðst í morgun lausnar fyrir hönd ríkisstjórnarinnar. Líkur eru þó á að henni verði falið að mynda stjórn að nýju
Formaður Hellarannsóknafélagsins segir að efla þurfi eftirlit með íslenskum hraunhellum. Ein heimsókn geti skemmt hellana mikið.
Kaffi og kleinur fyrir aldraða og ferðir í Fjölskyldu- og húsdýragarðinn verða dýrari í Reykjavík á næsta ári vegna víðtækra hagræðingaraðgerða. Gjald fyrir ruslatunnu hækkar um sjö þúsund krónur milli ára.
Þeir sem hyggjast taka út séreign í lífeyrissjóðum gætu fengið minna í sinn hlut en þeir hefðu fengið fyrir hálfum mánuði. Virði sumra sjóðanna hefur minnkað vegna fyrirætlana um slit Íbúðalánasjóðs.
Yfirdýralæknir hjá Matvælastofnun óskar eftir vinnufriði til að sinna dýravelferðarmálum. Eftirlitsmenn hafi mætt dónaskap og óvægin orðræða bitni á starfseminni.
Stuðningsmenn fráfarandi forseta Brasilíu lokuðu þjóðvegum til að mótmæla ósigri hans. Sigurvegari kosninganna hyggst mæta á loftslagsráðstefnu Sameinuðu þjóðanna.
Eitt þrettán upprunalegra eintaka, sem vitað er að til séu af stjórnarskrá Bandaríkjanna, verður boðið upp í næsta mánuði. Búist er við því að á fimmta milljarð íslenskra króna fáist fyrir plaggið.
Og undir lok fréttatímans lítum við inn í Háskólann í Reykjavík þar sem hundar hafa verið fengnir til að hlýða nemendum yfir við prófalesturinn.
