Talsvert hefur verið um seinkanir í innanlandsflugi í vikunni eftir að ein af fimm vélum sem sinna innanlands- og Grænlandsflugi bilaði. Icelandair hafnar því að flugflotinn sé of tæpur.
Formaður Félags hjúkrunarfræðinga segir það hræðilegar fréttir að fjórtán hjúkrunarfræðingar hafi hætt á bráðamóttöku Landspítalans í gær. Hún óttast að stjórnvöld hafi misst af tækifærinu til þess að bæta vinnuumhverfið.
Launakröfur upp á þrettán milljónir króna hafa verið sendar eigendum veitingastaðanna Flame og Bambus vegna ásakana um launaþjófnað. Lögmaður eigendanna segir málið byggt á rangfærslum.
Ábúandi á Lækjarkoti í Borgarfirði segir að eigandi vanræktra hrossa úr Borgarnesi fái ekki hagabeit þar á næsta ári. Hrossin voru flutt þangað í fyrrakvöld eftir umfjöllun um aðbúnað þeirra.
Ráðherra í ríkisstjórn Bretlands og hátt settur aðstoðarmaður í breska forsætisráðuneytinu eru sakaðir um kynferðisofbeldi í frétt sem Sky News birti í dag. Tvær konur segja frásagnir sínar engin áhrif hafa haft á starfsframa mannanna.
Rússlandsstjórn fagnar heimsókn eftirlitssveitar í kjarnorkuverið í Zaporizhzhia í Úkraínu. Úkraínska ríkisorkufyrirtækið segir Rússana hafa afvegaleitt eftirlitsfólkið og miðlað röngum upplýsingum.
Formaður VR segir það sláandi hversu margar konur verði fyrir kynferðislegri áreitni eða ofbeldi í starfi. Mikilvægt sé að taka á vandamálinu og breyta vinnustaðamenningu.
Íslenska kvennalandsliðið í knattspyrnu mætir Hvíta-Rússlandi í undankeppni HM í dag og kemst með sigri í efsta sæti riðilsins.
