Seðlabankinn hefur ákveðið að lækka veðsetningarhlutfall fasteignalána fyrir fyrstu kaupendur. Seðlabankastjóri segir að tilgangurinn sé að bregðast við hækkandi fasteignaverði og mikilli skuldsetningu ungs fólks.
Veiðar á þorski dragast saman um sex prósent verði farið að veiðiráðgjöf sem Hafrannsóknastofnun gaf út í dag. Hins vegar er lagt til að ýsukvótinn verði aukinn um nærri fjórðung.
Atkvæðagreiðsla um rammaáætlun stendur nú yfir á Alþingi. . Tillaga minnihlutans um að Héraðsvötn og Kjalölduveita verði áfram í vernd en fari ekki í bið verður sennilega felld.
Evrópusambandið hefur höfðað mál gegn Bretum vegna áforma Bretlandsstjórnar um einhliða breytingar á útgöngusamningi þeirra úr ESB.
Tillögur spretthóps matvælaráðherra til að bæta stöðu bænda eru vænlegar til árangurs að mati forstjóra Kjarnafæðis - Norðlenska hf. Fyrirtækið hækkar afurðaverð til bænda um að minnsta kosti 20%.
Leiðin inn í Glerárkirkju á Akureyri er nú prýdd regnbogalitunum. Sóknarprestur segir það til að sýna að allir séu velkomnir í kirkjuna.
Óvissa er með stöðuna á Elínu Mettu Jensen landsliðskonu í fótbolta. Hún fór meidd af velli í leik Vals og Selfoss í gærkvöld.
