Ríkisstjórnin samþykkti í morgun að veita tveimur og hálfum milljarði króna til að koma til móts við bændur vegna dýrari aðfanga. Kjötafurðastöðvar fá tímabundna heimild til samstarfs. Matvælaráðherra segir að samfélagið allt verði að standa með bændum.
Breytingatillögur meirihluta umhverfisnefndar Alþingis um að færa Héraðsvötn og Kjalölduveitu úr vernd í bið eru alvarlegar og illa rökstuddar, segir fyrsti varaformaður umhverfisnefndar. Virkjunarkosti í vindorku er í fyrsta sinn að finna í tillögu meirihlutans.
Lilja Alfreðsdóttir ferðamálaráðherra íhugar að beita tímabundnum lokunum í Reynisfjöru til að draga úr hættu. Of mörg banaslys hafi orðið í fjörunni á síðustu árum.
Utanríkisráðherra Bretlands segist ætla að gera allt sem hann getur til að frelsa breska liðsmenn Úkraínuhers sem hafa verið dæmdir til dauða í Donetsk.
Umdeilt jöfnunarmark Ísraela varð til þess að leikur þeirra við íslenska karlalandsliðið í fótbolta endaði með jafntefli. Liðið á enn möguleika á umspili um laust sæti á næsta Evrópumóti, árið 2024.
