Skrifað hefur verið undir meirihlutasamstarf í Vestmannaeyjum. Góður gangur er í viðræðum Sjálfstæðisflokks og Framsóknarflokks í Hafnarfirði en myndaður verður nýr meirihluti á Akranesi eftir að slitnaði upp úr viðræðum .
Þrjú eru særð eftir stunguárás í norskum smábæ í morgun. Meðal fórnarlamba er eiginkona mannsins sem grunaður er um árásina.
Lögregla segir kynferðisbrotamenn nota Snapchat í síauknum mæli í þeim tilgangi að reyna að tæla til sín ung börn. Rúmlega fimmtugur karlmaður sem var dæmdur í sex ára fangelsi í gær reyndi að nálgast mörg þúsund einstaklinga í gegnum forritið.
Gerhard Schröder, fyrrum Þýskalandskanslari, hefur sagt sig úr stjórn rússneska ríkisolíufélagsins Rosneft. Eftir innrás Rússa í Úkraínu hefur hart verið sótt að Schröder vegna tengsla hans við ráðamenn í Rússlandi.
Sóttvarnalæknir segir að fylgjast þurfi með þróun apabólu sem nýverið hefur gert vart við sig í Evrópu. Enn sem komið er þurfi ekki að hafa áhyggjur hér heima.
Húsnæðisverð á Akureyri hefur hækkað um allt að fimmtíu prósent síðustu ár að sögn fasteignasala. Eignir vantar á skrá og yfirboð eru algeng.
Heilbrigðiseftirlitið telur nauðsynlegt að hreinsa mengaðan jarðveg sem hefur verið sturtað í fjöruna á Fáskrúðsfirði. Ekki var brugðist við ábendingu um mengunina því í henni kom ekki fram hvar í firðinum hún væri.
Valsmenn eru komnir með yfirhöndina gegn ÍBV í úrslitaeinvíginu um Íslandsmeistaratitil karla í handbolta sem hófst í gærkvöld.
