Forseti og forsætisráðherra Finnlands mæla með inngöngu landsins í Atlantshafsbandalagið. Framkvæmdastjóri NATO segir að umsóknarferli Finna og Svía eigi ekki að taka langan tíma. Stjórnvöld í Moskvu líta á inngöngu ríkjanna í NATO sem ógn við Rússland.
Útlit er fyrir að efnahagur Úkraínu dragist saman um þrjátíu prósent á þessu ári vegna innrásar Rússa.
Þórólfur Guðnason lætur af starfi sóttvarnalæknis í haust. Hann segist ganga stoltur frá borði - ætlar að sinna tónlistinni og eyða meiri tíma með bassanum sínum .
Forseti ASÍ segir að snjallforrit, sem flugfreyjum Icelandair er gert að nota til að meta frammistöðu vinnufélaga sinna, brjóti blað á íslenskum vinnumarkaði. Lögmenn Flugfreyjufélagsins kanna nú grundvöll fyrir notkun forritsins.
Stéttarfélög sjómanna segja öryggi sjómanna stefnt í hættu ef þyrlur Landhelgisgæslunnar geta ekki sinnt útköllum vegna manneklu, líkt og gerðist á dögunum.
Framkvæmdastjóri fjölmiðlanefndar segir alveg skýrt að kostuð umfjöllun um kosningar standist ekki fjölmiðlalög. Sjónvarpsstöðin N4 hefur hætt við kostaða umfjöllun um sveitarstjórnarkosningarnar eftir að eitt framboðið neitaði að greiða fyrir þátttöku.
Fuglalíf getur skapað hættu við Egilsstaðaflugvöll en gæs sækir mjög í ræktuð tún allt í kringum völlinn. Flugmenn Icelandair þurftu nýverið að hætta við flugtak á síðustu stundu eftir að gæs lenti í hreyflinum.
Breiðablik er eitt liða með fullt hús stiga í Bestu deild karla í fótbolta.
