Kjaraviðræður og áhætta vegna hækkandi húsnæðisverðs skapar mestu óvissuna í efnahagsmálum að mati sendinefndar Alþjóðagjaldeyrissjóðsins.
Forsætisráðherrar Svíþjóðar og Bretlands staðfestu í dag samning um aðstoð í varnarmálum, verði ráðist á annað hvort þessara ríkja. Boris Johnson, forsætisráðherra Bretlands er nú í opinberri heimsókn í Svíþjóð.
Alþjóðavinnumálastofnunin áætlar að hátt í fimm milljónir starfa hafi tapast í Úkraínu frá því að rússneski herinn réðst inn í landið. Dragist stríðið á langinn á atvinnuástandið eftir að versna enn frekar, þar á meðal í nágrannaríkjunum.
Formaður Félags íslenskra atvinnuflugmanna segir, að það að ekki náðist að manna áhöfn þyrlu Landhelgisgæslunnar í gær, tengist kjaradeilum þyrluflugmanna við ríkið ekki beint.
Ragnar Kjartansson, listamaður, er sagður hafa leikið lykilhlutverk í því að liðskonu Pussy Riot tókst að flýja Rússland.
Formaður stéttarfélagsins Framsýnar segir uppsagnir ræstingafólks hjá Heilbrigðisstofnun Norðurlands árás á láglaunafólk. Sjö starfsmenn á Húsavík missa vinnuna.
Foreldrar fulltrúa Íslands í Söngvakeppni evrópskra sjónvarpsstöðva eru himinlifandi yfir flutningnum í gær og árangrinum, sem þau segja að hafi ekki komið þeim á óvart. Lagið er komið í úrslit Eurovision.
Valur og ÍBV leika til úrslita um Íslandsmeistaratitil karla í handbolta í ár. ÍBV sló Hauka út í fjórða leik liðanna í undanúrslitum í gærkvöldi.
