Búist er við að peningastefnunefnd Seðlabankans tilkynni um verulega hækkun stýrivaxta á morgun. Sérfræðingar telja að verðbólgan haldi áfram að aukast á næstu mánuðum.
Meirihluti dómara í hæstarétti Bandaríkjanna vill fella úr gildi úrskurð sem tryggði rétt til þungunarrofs þar í landi. Drögum að meirihlutaáliti var lekið til fjölmiðla í nótt.
Fimm ný fuglaflensutilfelli hafa greinst í villtum fuglum hér á landi. Allir alifuglaeigendur þurfa að sýna mikla aðgæslu, að sögn dýralæknis. Talið er að fólki stafi ekki hætta af veirunni.
Ráðherra loftslagsmála segir að Ísland sé eftirbátur þeirra ríkja sem við berum okkur saman við í loftslagsmálum. Nauðsynlegt sé að hlusta á staðreyndir vísindamanna og gera enn betur.
Skortur á samvinnu símafyrirtækja veldur því að farsímasamband er verra sums staðar til sveita en það þyrfti að vera. Viðskiptavinir sumra fyrirtækja ná góðu sambandi en aðrir geta varla hringt.
Hamar tryggði sér í gærkvöld Íslandsmeistaratitilinn í blaki karla. Liðið hefur unnið sjö titla af sjö mögulegum síðustu misseri.
