Verðbólga jókst meira í liðnum mánuði en Seðlabankinn gerði ráð fyrir, og mælist nú 7,2 prósent, sem er það mesta í 12 ár. Hagfræðingur hjá Landsbankanum segir Seðlabankann verða að stíga á bremsuna og gerir ráð fyrir mikilli stýrivaxtahækkun í næstu viku.
Hópuppsagnir á skrifstofu Eflingar verða ekki teknar aftur samkvæmt ákvörðun félagsfundar í gærkvöld. Formaðurinn er ánægður með stuðninginn og segir barnalegt að halda því fram að Efling geti ekki gagnrýnt aðrar hópuppsagnir á vinnumarkaði.
Tómas Tómasson, þingmaður Flokks fólksins, segir gömul sms-samskipti hans, sem gengið hafa manna á milli, ekki vera lýsingu á vændiskaupum.
Viðskiptaráðherra segir að forsætis- og fjármálaráðherra hafi deilt með sér áhyggjum og efasemdum - um þá leið sem Bankasýslan lagði til við sölu á hlut ríkisins í Íslandsbanka. Þingmenn gagnrýna ráðherra fyrir að hafa ekki varað almenning við heldur setja sérhagsmuni og líf ríkisstjórnarinnar í forgang.
Matvælaráðherra segir öllum ljóst að nú reyni á alla flokka í ríkisstjórn í þeim mótbyr sem ríkisstjórnin hafi mætt síðustu vikur. Hún telur að stjórnin standi storminn af sér.
Sameinuðu þjóðirnar skora á Rússa að aðstoða Alþjóða sakamáladómstólinn við rannsókn á meintum stríðsglæpum í Úkraínu. Rússar segja það ógn við öryggi í Evrópu að vestræn ríki sendi úkraínska hernum vopn.
Stjórnvöldum líst vel á þá hugmynd að Eiðastaður verði nýttur í þágu flóttafólks frá Úkraínu
