Fjörutíu og fimm rútur eru væntanlegar til borgarinnar Mariupol í Úkraínu til að sækja fólk og koma þangað vistum. Forseti Úkraínu og framkvæmdastjóri NATO taka lítið mark á orðum Rússa um að dregið verði úr árásum.
520 flóttamenn eru komnir hingað frá Úkraínu. Sveitarfélög eru almennt jákvæð gagnvart því að taka við úkraínskum flóttamönnum.
Mál knattspyrnumannanna Arons Einars Gunnarssonar og Eggerts Gunnþórs Jónssonar er komið til embættis héraðssaksóknara. Rannsókn lögreglu á málinu lauk fyrir rúmum mánuði.
Sóttvarnalæknir segir ekki tímabært að lýsa yfir endalokum kórónuveirufaraldursins þótt staðan sé góð. Von er á bóluefni við omikron-afbrigðinu á næstu vikum.
Kona sem fékk bætur fyrir ellefu árum vegna gáleysis heilbrigðisstarfsfólks við fæðingu barns hennar segir að þolendur mistaka eigi enga rödd í kerfinu.
Vegagerðin vinnur nú að heildarendurskoðun á almenningssamgöngum um landið. Faraldurinn hafði slæm áhrif á reksturinn, farþegum fækkaði verulega og tekjur drógust saman.
Tveir af hverjum þremur Íslendingum eru svartsýnir þegar kemur að friðarviðræðum Rússa og Úkraínumanna. Þetta kemur fram í nýjum Þjóðarpúlsi Gallup. Meirihluti finnur fyrir óöryggi eða ótta vegna átakanna.
Lundinn er mættur í Grímsey.
