Jarðskjálftahrina gengur nú yfir Reykjanesskaga, skjálfti tæplega fimm að stærð sem varð laust fyrir hálf tíu í morgun fannst víða um sunnan og suðvestanvert landið. Kvika er að safnast fyrir. Öllu svipar mjög til aðdraganda gossins sem hófst í mars.
Sóttvarnalæknir segir ekki skynsamlegt út frá sóttvarnasjónarmiði að veita undanþágur frá sóttvarnareglum vegna fjölmennra viðburða. 318 greindust með kórónuveiruna í gær, langflestir með ómíkron-afbrigðið.
Heilbrigðisráðuneytið hefur veitt að minnsta kosti tvær undanþágur frá sóttvarnareglum vegna fjölmennra viðburða. Tugir veitingamanna hafa sótt um slíkar undanþágur.
Minnihlutinn á Alþingi segir óviðunandi að kjör aldraðra og öryrkja hafi rýrnað miðað við kjör annarra og stórir málaflokkar eins og heilbrigðiskerfið, loftslagsmálin, menningarmál og nýsköpun séu vanfjármagnaðir. Allsherjarnefnd Alþingis leggur ekki til neinar breytingar á lista yfir heiurslaun
Hópur hvítrússneskra stjórnleysingja var dæmdur í allt að tuttugu ára fangelsi í vikunni. Þarlend mannréttindasamtök telja að hátt í þúsund pólítískir fangar sitji í fangelsi.
Allir sjómenn á fiskiskipum geta gengið að því sem vísu að eiga frí yfir jól og áramót segir formaður Sjómannasambandsins. Sjómenn fái þó mismikið jólafrí.
