Fimmtán ferðamenn með COVID-19 dvelja nú í Farsóttarhúsi, meirihlutinn er bólusettur gegn kórónuveirunni. Fólkið greindist skömmu áður en það hugðist fara úr landi og flestir höfðu ferðast talsvert um landið.
Lög og mannréttindi eru brotin á fötluðum manni sem hefur verið lokaður inni á réttargeðdeildinni á Kleppi í fjögur ár. Þetta segir framkvæmdastjóri Geðhjálpar.
Harðra viðurlaga er krafist við rasískum skilaboðum sem þremur landsliðsmönnum Englands bárust eftir tapið gegn Ítalíu í gær. Lögregla heitir rannsókn á uppruna skilaboðanna.
Þúsundir söfnuðust saman á Kúbu í gær og mótmæltu ráðamönnum landsins, höftum, vöruskorti og óboðlegu efnahagsástandi. Málgagn kommúnistaflokksins segir fámennan hóp gagnbyltingarsinna hafa verið á ferð.
Hafrannsóknastofnun er nú við makrílrannsóknir á hafsvæðinu við Ísland, en enginn makríll hefur veiðst í íslenskri landhelgi það sem af er vertíðinni. Öll veiðin er í Síldarsmugunni langt norður í hafi.
Leguplássum á Landspítalanum hefur fækkað í hlutfalli við fjölgun landsmanna. Svæfingalæknir hefur miklar áhyggjur af stöðunni og segir að bregðast þurfi strax við.
