Er ekki tími til kominn að tengja

Í þættinum er fjallað um akureyrísku hljómsveitirnar Baraflokkinn, Skriðjöklana, Stuðkompaníið, Toymachine, 200.000 naglbíta og Skytturnar. Auk þess er farið í gegnum tónlistarferil Rögnvaldar Braga Rögnvaldssonar en hann hefur verið mjög virkur í akureyrísku tónlistarlífi um langt skeið. Ferill hans byrjaði í unglingahljómsveitinni Sýklunum og þaðan lá leið hans í ýmsar hljómsveitir, m.a. Möðruvallamunkana, Lost, Hún andar, Dægurlagapönkhljómsveitina Húfu og nú síðast Hvanndalsbræður.

Einnig er rifjuð upp saga einnar fyrstu stelpuhljómsveitar landsins. Það voru Svörtu ekkjurnar en í því bandi voru þær Anna Lísa Baldursdóttir á trommur, Bergþóra Stefánsdóttir á bassa, Jónborg Sigurðardóttir söng, Vala Valdimarsdóttir á gítar og Þórunn Óttarsdóttir á gítar.

Viðmælendur í þættinum eru:

Þór Freysson - gítarleikari í Baraflokknum

Rögnvaldur Bragi Rögnvaldsson - tónlistarmaður og Hvanndalsbróðir

Jónborg Sigurðardóttir - söngkona í Svörtu ekkjunum

Anna Lísa Baldursdóttir - trommari í Svörtu ekkjunum

Logi Már Einarsson - Skriðjökull

Jónatan Garðarsson - dagskrárritsjóri Ríkisútvarpsins

Baldvin Z - trommuleikari Toymachine

Vilhelm Anton Jónsson - söngvari 200.000 naglbíta

Heimir Björnsson - rappari í Skyttunum

Birt

26. des. 2020

Aðgengilegt til

26. des. 2021

Gígja Hólmgeirsdóttir fjallar um akureyskt tónlistarfólk og hljómsveitir sem hafa vakið athygli í gegnum tíðina.