Á tónsviðinu

16.08.2018

Árið 1854 skrifaði skáldið Benedikt Gröndal bréf til Árna Helgasonar stiftprófasts í Görðum. Árni hafði falast eftir bókinni „Hermann og Dóróthea“ eftir Goethe, og Gröndal sendi honum bókina með bréfinu. Sagðist Gröndal vera mjög hrifinn af þessu skáldverki, en þó fann hann á bókinni þann galla Dóróthea talaði of mikið og það væri óviðkunnanlegt stúlkur töluðu svo mikið og fullorðinslega. Í þættinum verður leikinn konsertforleikurinn „Hermann og Dóróthea“ sem Robert Schumann samdi út frá verki Goethes og fluttar verða tónsmíðar sem tengjast tveimur öðrum skáldverkum Goethes, ballaðan „Brúðurin frá Korintu“ eftir Carl Loewe og dúett Werthers og Karlottu úr óperunni „Werther“ eftir Jules Massenet. Lesarar eru Leifur Hauksson og Halla Þórlaug Óskarsdóttir.

Birt

16. ágúst 2018

Aðgengilegt til

14. ágúst 2021
Á tónsviðinu

Á tónsviðinu

Í þáttunum er leikin sígild tónlist úr ýmsum áttum. Tíndir eru saman fróðleiksmolar um tónlistina og höfunda hennar og skyggnst í söguna á bak við verkin.