Bæn og hugleiðing að morgni dags.

Séra Kjartan Jónsson flytur.

Umsjónarmenn eru Björn Þór Sigbjörnsson og Þórunn Elísabet Bogadóttir.

Framkvæmt verður í vegakerfinu fyrir 35 milljarða króna á árinu. 23 milljarðar fara í nýframkvæmdir og um 13 í viðhald. Berþóra Þorkelsdóttir vegamálastjóri sagði frá helstu verkefnum.

Upp er risin deila milli Bretlands og Evrópusambandsins vegna framkvæmdar Brexit-samningsins. Samkvæmt honum er Norður-Írland hluti af innri markaði ESB og vöruflutningar milli Englands og Norður-Írlands því háðir skilyrðum. Því vill Boris Johnsson forsætisráðherra ekki una en forsvarsmenn ESB segja hann ekki hafa val.

35 ár eru í dag síðan 5000 króna seðillinn var settur í umferð. Af því tilefni ræddi Ásgeir Jónsson seðlabankastjóri um seðlanotkun, rafræna greiðslumiðlun og Ragnheiði Jónsdóttur sem prýðir seðilinn.

Tónlist:

Lysthúskvæði - Hamrahlíðakórinn,

Les Tendres Plaintes - Víkingur Heiðar Ólafsson.

Umsjón: Björn Þór Sigbjörnsson og Þórhildur Þorkelsdóttir.

Útvarpsfréttir.

Útvarpsfréttir.

Umsjón: Anna Kristín Jónsdóttir

Tæknimaður: Mark Eldred

Útvarpsfréttir.

Gestur þáttarins er Ólína Kjærúlf Þorvarðardóttir deildarforseti Félagsvísindadeildar við Háskólann á Bifröst. Ólína er doktor í íslenskum bókmenntum og þjóðfræði. Starfsævi hennar er afar fjölbreytt, hún hefur verið kennari, skólameistari við MÍ, fréttamaður hjá RÚV, þingmaður, borgarfulltrúi rithöfundur og björgunarsveitarkona með leitarhund svo eitthvað sé nefnt. Líf hennar ekki alltaf verið dans á rósum, m.a. fór hún í mál vegna ráðningar þjóðgarðsvarðar á Þingvöllum sem hún vann.

Tónlist: River deep mountain high - Tina Turner.

Umsjón: Lísa Pálsdóttir

Tæknimaður: Kári Guðmundsson

Gestur þáttarins er Margrét Erla Maack, fjölmiðla- og fjöllistakona.

Umsjón: Brynja Þorgeirsdóttir.

Morgunleikfimi með Halldóru Björnsdóttur.

Útvarpsfréttir.

Umsjón: Kristján Kristjánsson.

Útvarpsfréttir.

Um litróf mannlífsins.

Umsjón: Guðrún Gunnarsdóttir og Gunnar Hansson.

Það er fimmtudagur í dag og því var auðvitað sérfræðingur í þættinum. Í þetta sinn var það Gunnar Dofri Ólafsson, hann starfar fyrir Sorpu sem sérfræðingur í samskiptum og samfélagsvirkni og heldur úti hlaðvarpinu Leitin að peningunum. Í því fer hann yfir fjármál einstaklinga og fjölskyldna, heimilisfjármálin. Af hverju sumum virðist alltaf takast að spara pening á meðan öðrum gengur það mjög illa. Hann þekkir vel fasteignamarkaðinn, fasteignaviðskipti og fasteignalán. Í fyrri hluta þáttar fengum við hann til að segja okkur frá sínu starfi og því helsta sem hann hefur verið að fjalla um í hlaðvarpsþáttunum og í síðari hluta þáttar svaraði hann spurningum sem hlustendur okkar hafa sent inn á netfang þáttarins, [email protected]. Flestar þær spurningar sneru einmitt að fasteignaviðskiptum, sem eru svo stór kostnaðarliður í heimilisbókhaldi svo margra.

UMSJÓN GUÐRÚN GUNNARSDÓTTIR OG GUNNAR HANSSON

Útvarpsfréttir.

Hádegið er daglegur fréttaskýringaþáttur í umsjón Guðmundar Björns Þorbjörnssonar og Katrínar Ásmundsdóttur. Fjallað er um innlend og erlend fréttamál, menningu, íþróttir og daglegt líf. Fréttaskýringar, samtöl og umræður um það sem er efst á baugi.

Ráðstefna G7-ríkjanna hefst á morgun og stendur yfir fram á sunnudag. Þá funda leiðtogar sjö stærstu iðnríkja heims: Bandaríkjanna, Bretlands, Frakklands, Ítalíu, Japan, Kanada og Þýskalands - um stóru málin: svo sem loftslagsvána, peninga og viðskipti, heimsfaraldur, Kína og - þrátt fyrir andstöðu breska forsætisráðherrans - Brexit og málefni Norður-Írlands. Leiðtogar ríkjanna leggja nú leið sína til Cornwall í Bretlandi og undirbúa sig fyrir fundahöld næstu daga. Við förum yfir það helsta.

Þann 25. maí síðastliðinn voru núverandi og fyrrverandi liðsmenn hljómsveitarinnar SigurRósar sýknaðir í Héraðsdómi Reykjavíkur af ákæru um meiriháttar skattsvik. Þá var Jón Þór Birgisson söngvari sveitarinnar einnig sýknaður af ákæru um skattsvik í tengslum við samlagsfélagið Frakk. Og ríkinu var gert að greiða sakarkostnað. En Héraðssaksóknari hefur nú áfrýjað þessari niðurstöðu, og þessu flókna máli því ekki lokið enn.

Hádegið er fréttaþáttur sem er á dagskrá alla virka frá 12 til 13 í umsjón Guðmundar Björns Þorbjörnssonar og Katrínar Ásmundsdóttur.

Útvarpsfréttir.

Of mikill ágreiningur var um stofnun hálendisþjóðgarðs og of lítill tími til að sætta ólík sjónarmið, segir þingmaður Sjálfstæðisflokksins. Þingmaður Framsóknarflokksins segir enga skynsemi í að afgreiða málið núna. Landvernd telur þingið hafa brugðist með því að afgreiða ekki lög um stofnun þjóðgarðsins.

Von er á nýju minnisblaði frá sóttvarnalækni á næstu dögum, jafnvel fyrir helgi. Margt bendir til þess að viðnámsþróttur gegn COVID-smiti sé að verða býsna góður.

Dræm mæting var í Laugardalshöll í morgun þar sem bólusett var með bóluefni Janssen. Heilsugæslan hefur boðað nokkra árganga með skömmum fyrirvara.

Hraunstraumurinn úr gígnum í Fagradalsfjalli er jafn en ekki hafa sést strókar upp úr honum síðan í nótt.

Bretar og Evrópusambandið deila hart um framkvæmd Brexit-samkomulagsins á Norður-Írlandi. Fundur í Lundúnum í gær var árangurslaus.

Foreldrar á Egilsstöðum sem hafa ekið með dóttur sína til talmeinafræðings á Akureyri þurfa að hætta því þar sem talmeinafræðingurinn hefur útskrifast úr námi. Sjúkratryggingar greiða ekki fyrir þjónustu hans fyrr en hann hefur öðlast tveggja ára starfsreynslu.

Deildarmyrkvi á sólu var í morgun. Útlit var fyrir að hann sæist illa eða ekki, en annað kom á daginn.

Starfsemi samtaka rússneska stjórnarandstæðingsins Alexeis Navalnys gegn spillingu heldur áfram þrátt fyrir að dómstóll hafi úrskurðað að þau séu öfgasamtök. Evrópusambandið fordæmir niðurstöðuna.

Dánarfregnir.

Upplýst og gagnrýnin umræða um samfélagsmál. Umsjón: Arnhildur Hálfdánardóttir og Guðmundur Pálsson.

Anna Bára Unnarsdóttir Miðstöð í lýðheilsuvísindum við HÍ: Í stórri rannsókn sem byggir á gögnum úr rannsókninni Áfallasaga kvenna er niðurstaðan sú að um 65% íslenskra kvenna greindu frá skertum svefngæðum

Birna Þórarinsdóttir framkvstj. Unicef á Íslandi: Dreifing bóluefnis í heiminum og staða fátækari ríkja.

Stefán Gíslason : Umhverfisspjall.

Útvarpsfréttir.

Útvarpsfréttir.

Lísa Pálsdóttir flakkar um borg og bý.

Við höfum byggt ansi stór fjölbýlishús undanfarin misseri. Markmiðið er að þétta byggðina, en einhvern vegin finnst manni stundum að hægt væri að þétta með öðrum hætti. Hvar eru minni fjölbýlishúsin, raðhúsin og einbýlishúsin? Við ætlum að skoða aðeins það smáa og stóra í þættinum í dag og heimsækja nýtt íbúðarhús á Nýlendugötu 34.

Nú er aftur farið svo smátt að byggja timburhús, minnast má á stórbyggingu Hafró í Hafnarfirði, en ekki svo mörg íbúðarhús. Nett hús hefur risið á Nýlendugötu 34, það birtist bara allt í einu, einhvern vegin. Gabríel Þór Bjarnason er framkvæmdaraðili með ýmis plön og hann ásamt Hjálmari Sveinssyni eru gestir hér í stúdíói, einnig er rætt við arkitektinn Helga Mar Hallgrímsson hjá Arkþingi Nordica.

Þáttur fyrir áhugafólk um listir og menningu. Ljósi varpað á það sem efst er á baugi hverju sinni, menningin nær og fjær skoðuð frá ólíkum sjónarhornum og skapandi miðlar settir undir smásjána.

Umsjón: Halla Harðardóttir og Tómas Ævar Ólafsson.

Í Víðsjá dagsins verður haldið í Hafnarhús Listasafns Reykjavíkur en þar verður opnuð í kvöld samsýningin Iðavöllur - Íslensk myndlist á 21. öld. Þuríður Jónsdóttir tónskáld segir frá nýjum fiðlukonserti sínum sem Una Sveinbjarnardóttir leikur einleik í á tónleikum Sinfóníuhljómsveitar Íslands í kvöld. Einnig verður rætt við myndlistarmanninn Siggu Björg Sigurðardóttir sem opnaði sýninguna Stanslaus titringur í Borgarbókasafninu í Gerðubergi síðastliðinn laugardag. Á sýningunni má sjá verk úr nýrri seríu af teikningum Siggu Bjargar stækkuð á veggi andyrisins en einnig hreyfimyndverkið Fimm óp - óður til óttans og Edvards Munch. Og loks flytur Halldór Armand Ásgeirsson hlustendum pistil sinn þar sem hann fjallar um frasann: Ekki er hægt að útiloka ...

Umsjón Guðni Tómasson og Tómas Ævar Ólafsson

Útvarpsfréttir.

Fjallað er fordómalaust um menningu samtímans í öllum sínum fjölbreytileika, samfélagsmiðla, dægurmenningu, allt sem mótar líf okkar hér og nú og speglar frá degi til dags.

Umsjón: Lóa Björk Björnsdóttir og Bjarni Daníel Þorvaldsson.

Við einbeitum okkur að plötum og plötubúðum í tilefni af alþjóðlega plötubúðadeginum sem verður haldinn hátíðlegur nú á laugardag.

Þó að hægt sé að nálgast endalaust magn tónlistar á streymisveitum á borð við Spotify er enn margir sem kaupa plötur og geisladiska, og eldhugar eru meira að segja enn að opna nýjar plötubúðir. Plötubúðin.is opnaði sem netverslun í byrjun síðasta árs en hefur nú opnað verslun í Trönuhrauni í Hafnarfirði. Við heimsækjum búðina í Lest dagsins.

Í meira en aldarfjórðung hefur GusGus verið í framvarðasveit danstónlistarinnar. Meðlimaskipan hefur breyst reglulega í gegnum tíðina og nú hefur sveitin bætt við sig Margréti Rán Magnúsdóttur söngkonu úr hljómsveitinni Vök. Hún spilar stórt hlutverk á nýjustu plötu Gus Gus, Mobile Home, en Davíð Roach Gunanrsson rýnir í plötuna í þættinum.

Það eru margir tengdir sterkum tilfinningaböndum þeirri plötu, kasettu eða geisladisk sem þeir keyptu fyrst. Í Lestinni í dag fáum við nokkra vel valda tónlistarunnendur í útvarpshúsinu til að segja okkur frá fyrstu plötunni sem þeir keyptu.

En við byrjum á örstuttu símtali um skemmdarverk á listasýningu í Gerðubergi.

Fréttir og fréttaskýringar í útvarpi þar sem kafað er dýpra í málin, þau sett í stærra samhengi og skýringa leitað.

Spegillinn 10.6. 2021

Umsjónarmaður: Bergljót Baldursdóttir

Mannréttindadómstóll Evrópu vill að íslenska ríkið svari af hverju níu kynferðisofbeldismál voru felld niður án þess að hljóta dómsmeðferð. Ríkislögmaður hefur frest til hausts til að svara. Rætt við Védísi Evu Guðmundsdóttur, lögmann kvennanna.

Frumvarp heilbrigðisráðherra um afglæpavæðingu neysluskammta verður ekki afgreitt á þessu kjörtímabili og ekki heldur áfengisfrumvarp dómsmálaráðherra. Forystumenn þingflokka á Alþingi reyna nú að ná samkomulagi um afgreiðslu mála fyrir þinglok.

Saksóknari í Perú fer fram á að Keiko Fujimori forsetaframbjóðandi verði sett í gæsluvarðhald. Réttarhöld eru í gangi gegn henni fyrir fjármálamisferli.

Bjartara er yfir rekstri hótela á höfuðborgarsvæðinu en var fyrir skömmu. Formaður fyrirtækja í hótelrekstri og gistiþjónustu segir bókanir ganga vel.

Skýrsla Haraldar Briem fyrrverandi sóttvarnalæknis um skimanir fyrir leghálskrabbameini verður ekki birt fyrr en hún hefur verið prófarkalesin og umbroti lokið, segir Steingrímur J. Sigfússon forseti Alþingis. Það hafi verið of mikil bjartsýni að ætla að hún yrði tilbúin fyrr en í vikulok. Þetta kom fram í svari hans til Helgu Völu Helgadóttur, þingmanns Samfylkingarinnar og formanns velferðarnefndar.

Lengra umfjöllunarefni:

Framkvæmdastjóri SA segir ekki ganga upp að atvinnurekendur séu í stökustu vandræðum með að manna störf. Forseti ASÍ segir að ekki megi líta á atvinnulaust fólk sem einhverja lagervöru. Arnar Páll Hauksson, fjallar um atvinnuleysi og ræðir við Halldór Benjamín Þorbergsson, framkvæmdastjóra Samtaka atvinnulífsins og Drífu Snædal, forseta ASÍ. Einnig heyrist í Ásmundi Einari Daðasyni, félagsmálaráðherra og Birnu Guðmundsdóttur, deildarstjóra gagnagreininga hjá Vinnumálastofnun.

Íslendingar eru aftarlega á merinni í tölvuöryggismálum. Sérfræðingur segir að fá eigi siðprúða hakkara til að finna öryggisgalla í kerfum hins opinbera. Bergljót Baldursdóttir ræðir við Theódór R Gíslason, tæknistjóra hjá tölvuöryggisfyrirtækinu Syndis og Guðmund Arnar Sigmundsson, forstöðumann netöryggissveitarinnar CERT-IS

Spennum beltin og ferðumst hringinn með KrakkaRÚV! Stórskemmtilegir fjölskylduþættir fyrir ferðalanga á ferð um Ísland. Þjóðsögur og ævintýri, bílaleikir, fróðleiksmolar og sögur frá krökkum á öllum aldri. Í hverjum þætti er spurningakeppni þar sem kemur í ljós hvaða fjölskyldumeðlimur veit mest um Ísland...nú eða hlustaði best á þáttinn!

Umsjón: Ingibjörg Fríða Helgadóttir og Jóhannes Ólafsson.

Í þessum þætti köfum við dýpra í náttúrufjársjóðskistu Vesturlands og Vestfjarða. Þar er hægt að klifra í klettum, leika sér á löngum ströndum, fara í náttúrulaugar, skoða fossa og fylgjast með dýralífi. Heimamennirnir og sérfræðingarnir Saga frá Ísafirði, Marinó frá Borgarnesi og Sigurbjörg Heiða frá Akranesi segja okkur frá þessum fallegu náttúruperlum og hvaða staðir eru ómissandi fyrir krakka og fjölskyldur á ferð um Vesturland! Þjóðsögur þáttarins fjalla um stórhættulegan foss í Borgarfirði og dularfullt ljós á Hornströndum. Hlustið vel á þáttinn ef þið viljið vinna spurningakeppnina í lokin!

Dánarfregnir.

Um litróf mannlífsins.

Umsjón: Guðrún Gunnarsdóttir og Gunnar Hansson.

Það er fimmtudagur í dag og því var auðvitað sérfræðingur í þættinum. Í þetta sinn var það Gunnar Dofri Ólafsson, hann starfar fyrir Sorpu sem sérfræðingur í samskiptum og samfélagsvirkni og heldur úti hlaðvarpinu Leitin að peningunum. Í því fer hann yfir fjármál einstaklinga og fjölskyldna, heimilisfjármálin. Af hverju sumum virðist alltaf takast að spara pening á meðan öðrum gengur það mjög illa. Hann þekkir vel fasteignamarkaðinn, fasteignaviðskipti og fasteignalán. Í fyrri hluta þáttar fengum við hann til að segja okkur frá sínu starfi og því helsta sem hann hefur verið að fjalla um í hlaðvarpsþáttunum og í síðari hluta þáttar svaraði hann spurningum sem hlustendur okkar hafa sent inn á netfang þáttarins, [email protected]. Flestar þær spurningar sneru einmitt að fasteignaviðskiptum, sem eru svo stór kostnaðarliður í heimilisbókhaldi svo margra.

UMSJÓN GUÐRÚN GUNNARSDÓTTIR OG GUNNAR HANSSON

Beinar útsendingar frá tónleikum Sinfóníuhljómsveitar Íslands í Eldborg, Hörpu.

Bein útsending frá tónleikum Sinfóníuhljómsveitar Íslands í Eldborg, Hörpu.

Á efnisskrá:

*Fiðlukonsert - LEIKSLOK, eftir Þuríði Jónsdóttur - frumflutningur.

*Sinfónía nr. 2 eftir Johannes Brahms.

Einleikari: Una Sveinbjarnardóttir.

Stjórnandi: Daníel Bjarnason.

Kynnir: Árni Heimir Ingólfsson.

Upplýst og gagnrýnin umræða um samfélagsmál. Umsjón: Arnhildur Hálfdánardóttir og Guðmundur Pálsson.

Anna Bára Unnarsdóttir Miðstöð í lýðheilsuvísindum við HÍ: Í stórri rannsókn sem byggir á gögnum úr rannsókninni Áfallasaga kvenna er niðurstaðan sú að um 65% íslenskra kvenna greindu frá skertum svefngæðum

Birna Þórarinsdóttir framkvstj. Unicef á Íslandi: Dreifing bóluefnis í heiminum og staða fátækari ríkja.

Stefán Gíslason : Umhverfisspjall.

Fjallað er fordómalaust um menningu samtímans í öllum sínum fjölbreytileika, samfélagsmiðla, dægurmenningu, allt sem mótar líf okkar hér og nú og speglar frá degi til dags.

Umsjón: Lóa Björk Björnsdóttir og Bjarni Daníel Þorvaldsson.

Við einbeitum okkur að plötum og plötubúðum í tilefni af alþjóðlega plötubúðadeginum sem verður haldinn hátíðlegur nú á laugardag.

Þó að hægt sé að nálgast endalaust magn tónlistar á streymisveitum á borð við Spotify er enn margir sem kaupa plötur og geisladiska, og eldhugar eru meira að segja enn að opna nýjar plötubúðir. Plötubúðin.is opnaði sem netverslun í byrjun síðasta árs en hefur nú opnað verslun í Trönuhrauni í Hafnarfirði. Við heimsækjum búðina í Lest dagsins.

Í meira en aldarfjórðung hefur GusGus verið í framvarðasveit danstónlistarinnar. Meðlimaskipan hefur breyst reglulega í gegnum tíðina og nú hefur sveitin bætt við sig Margréti Rán Magnúsdóttur söngkonu úr hljómsveitinni Vök. Hún spilar stórt hlutverk á nýjustu plötu Gus Gus, Mobile Home, en Davíð Roach Gunanrsson rýnir í plötuna í þættinum.

Það eru margir tengdir sterkum tilfinningaböndum þeirri plötu, kasettu eða geisladisk sem þeir keyptu fyrst. Í Lestinni í dag fáum við nokkra vel valda tónlistarunnendur í útvarpshúsinu til að segja okkur frá fyrstu plötunni sem þeir keyptu.

En við byrjum á örstuttu símtali um skemmdarverk á listasýningu í Gerðubergi.

Næturútvarp Rásar 1.