Bæn og hugleiðing að morgni dags.

Séra Arnaldur Bárðarson flytur.

Umsjónarmenn eru Björn Þór Sigbjörnsson og Þórunn Elísabet Bogadóttir.

Jarðskjálftarnir á Reykjanesskaga halda áfram - eins og við var búist - og enn þarf að gera ráð fyrir að eldgos geti brotist út. Hrinan nú hefur staðið í rúmar tvær vikur og er öllum sem fyrir finna til ama. Við bjóðum upp á jarðfræðirabb með morgunkaffinu í dag; Páll Einarsson jarðeðlisfræðingur var hjá okkur og ræddi vítt og breitt um jörðina og hræringarnar þarna á milli Keilis og Fagradalsfjalls.

Bandaríkjaþing hefur endanlega samþykkt bjargráðapakka Joes Biden forseta, sem þýðir meðal annars að hver Bandaríkjamaður á von á ávísun upp á tæplega 200 þúsund íslenskar krónur á næstunni. Pakkinn í heild er sagður geta dregið verulega úr fátækt, jafnvel um helming meðal barna. En kreppan er þó ekki búin. Bogi Ágústsson settist við Heimsgluggann.

Vinnumarkaðurinn hefur breyst heilmikið undanfarið ár. Miklu fleiri hafa unnið í fjarvinnu, og einhverjir vilja halda í það fyrirkomulag að faraldrinum loknum. Hvernig breytist vinnumarkaðurinn til frambúðar eftir kórónuveiruna? Hvaða þýðingu kemur það til með að hafa ef fólk fer að vinna í auknum mæli heima hjá sér? Þórunn Sveinbjarnardóttir, formaður BHM, kom á Morgunvaktina.

Tónlist:

Keilir - Jóel Pálsson

Tondeleyo - Jón Kr. Ólafsson

Útvarpsfréttir.

Útvarpsfréttir.

Umsjón: Bjarni Pétur Jónsson. Tæknimaður: Magnús Þorsteinn Magnússon.

Útvarpsfréttir.

Gestur þáttarins er Ólína Kjærúlf Þorvarðardóttir deildarforseti Félagsvísindadeildar við Háskólann á Bifröst. Ólína er doktor í íslenskum bókmenntum og þjóðfræði. Starfsævi hennar er afar fjölbreytt, hún hefur verið kennari, skólameistari við MÍ, fréttamaður hjá RÚV, þingmaður, borgarfulltrúi rithöfundur og björgunarsveitarkona með leitarhund svo eitthvað sé nefnt. Líf hennar ekki alltaf verið dans á rósum, m.a. fór hún í mál vegna ráðningar þjóðgarðsvarðar á Þingvöllum sem hún vann.

Tónlist: River deep mountain high - Tina Turner.

Umsjón: Lísa Pálsdóttir

Tæknimaður: Kári Guðmundsson

Hjónin Magnús og Elín segja frá því að þann 12. mars næstkomandi heldur Alþjóðleg frímúrararegla karla og kvenna, LE DROIT HUMAIN, á Íslandi upp á 100 ára starfsafmæli sitt hér á landi. Þann dag árið 1921 var stúkan Ýmir nr. 724 stofnuð í Reykjavík. Nú eru starfandi 10 stúkur á þremur stöðum á Íslandi, í Reykjavík, á Akureyri og á Egilsstöðum. Reglan á Íslandi er hluti af hinni Alþjóðlegu frímúrarareglu karla og kvenna, LE DROIT HUMAIN, sem starfar um víða veröld. Hún tilheyrir frjálslyndum armi frímúrarastarfs í heiminum og var stofnuð af Georges Martin og Marie Deraisme í París 1893. Höfuðstöðvar reglunnar eru í París og telur reglan meira en 32.000 meðlimi í 60 löndum.

Reglan starfar eftir hinu Forna og Viðurkennda Skoska Siðakerfi og markmið starfsins er að vinna að mannrækt til heilla mannkyni. Innan reglunnar starfa karlar og konur hlið við hlið, óháð kyni, þjóðerni.

Morgunleikfimi með Halldóru Björnsdóttur.

Útvarpsfréttir.

Umsjón: Kristján Kristjánsson.

Útvarpsfréttir.

Um litróf mannlífsins.

Umsjón: Guðrún Gunnarsdóttir og Gunnar Hansson.

Í dag fengum við sérfræðing í þáttinn eins og aðra fimmtudaga í vetur. Í þetta sinn var það sjúkraþjálfarinn Gunnar Svanbergsson sem svaraði spurningum frá hlustendum. Spurningarnar sem við fengum sendar frá hlustendum sneru t.d. að fótum, doða, vöðvabólgu og bólgueyðandi lyfjum, stirðleika í baki, tinnitus o.fl. Gunnar sagði líka frá því í fyrri hluta þáttarins að hann fékk Covid-19 um jólin og er enn að glíma við afleiðingar, sem lýsa sér í þolleysi og hann hefur ekki náð fullu starfsþreki enn, u.þ.b. þremur mánuðum síðar. Í framhaldi af því nefndi hann að talsverður fjöldi fólks sem er einnig að glíma við afleiðingar Covid-19 er farinn að leita til sjúkraþjálfara til að reyna að ná árangri og framförum.

UMSJÓN GUNNAR HANSSON OG GUÐRÚN GUNNARSDÓTTIR

Útvarpsfréttir.

Hádegið er daglegur fréttaskýringaþáttur í umsjón Guðmundar Björns Þorbjörnssonar og Katrínar Ásmundsdóttur. Fjallað er um innlend og erlend fréttamál, menningu, íþróttir og daglegt líf. Fréttaskýringar, samtöl og umræður um það sem er efst á baugi.

Í fyrri hluta Hádegisins höldum við til Bandaríkjanna. Fjöldi ásakana hefur komið fram á hendur Andrew Cuomo, ríkisstjóra New York-ríkis, um kynferðislega áreitni. Sjötta ásökunin birtist í gær. Flestar eru konurnar fyrrverandi aðstoðarmenn ríkisstjórans. Þær segja að hann hafi viðhaft ósæmilega og óviðeigandi hegðun á vinnustað og saka hann um óviðeigandi snertingu og káf og kossa án samþykkis. Ríkisstjórinn neitar öllum ásökunum og ætlar ekki að segja af sér - þrátt fyrir að almenningur, samstarfsmenn hans og jafnvel sumir flokksbræður hans kalli eftir því.

Í síðari hluta þáttarins fjöllum við mál Lilju Alferðsdóttur, mennta- og menningarmálaráðherra.Í síðustu viku hafnaði héraðsdómur kröfu Lilju um að ógilda úrskurð kærunefndar jafnréttismála frá því síðasta sumar. Í úrskurði kærunefndar kom fram Lilja hefði brotið jafnréttislög við skipan Páls Magnússonar í embætti ráðuneytisstjóra í menntamálaráðuneytinu. Ríkinu var gert að greiða allan málskostnað Hafdísar Helgu Óskarsdóttur, sem ráðherra stefndi, fjórar komma fimm milljónir króna. Ráðherra hefur ákveðið að áfrýja niðurstöðunni til Landsréttar. Málið er að mörgu leyti fordæmalaust, og flókið mjög. Guðmundur Björn ræddi við Trausta Fannar Valsson, dósent í lögfræði við Háskóla Íslands, um þetta mál, hlutverk kærunefndar jafnréttismála og einnig svokallaða ráfgefandi hæfisnefnd, sem metur hæfi umsækjenda um stöður í ráðuneytinu.

Hádegið er fréttaþáttur sem er á dagskrá alla virka frá 12 til 13 í umsjón Guðmundar Björns Þorbjörnssonar og Katrínar Ásmundsdóttur.

Útvarpsfréttir.

Ákveðið hefur verið að stöðva tímabundið bólusetningu með bóluefni AstraZeneca hér á landi. Það sama hefur verið gert í Danmörku, Austurríki og víðar eftir að fólk fékk blóðtappa í kjölfar bólusetningar. Verið er að rannsaka hvort tengsl séu þarna á milli.

Kvikan undir Fagradalsfjalli virðist færa sig í suðurátt, Meira en þúsund skjálftar hafa mælst síðan á miðnætti, sá stærsti var við Grindavík í morgun, 4,6 að stærð.

Enn er mikil ófærð á Norðvesturlandi og Vestfjörðum, snjóflóðahætta í Súðavíkurhlíð og á vegum beggja vegna Fjallabyggðar. Mikið annríki hefur verið við snjómokstur hjá Vegagerðinn.

Japanar minnast í dag þeirra þúsunda sem fórust fyrir tíu árum, þegar flóðbylgja sem myndaðist eftir gríðarlega öflugan jarðskjálfta, skall á bænum Fukushima.

Búið er að leka nýja Eurovision-lagi Daða og Gagnamagnsins sem til stóð að frumflytja á laugardaginn. Dagskrárstjóri RÚV segir að þetta sé klár þjófnaður, og að forsvarsmenn Eurovision-keppninnar verði krafðir svara um hvernig svona nokkuð geti gerst.

Dánarfregnir.

Upplýst og gagnrýnin umræða um samfélagsmál. Umsjón: Arnhildur Hálfdánardóttir og Guðmundur Pálsson.

Jóhanna Rósa Arnardóttir félagsvísindamaður: ungmenni sem eru hvorki í skóla né starfi. Jóhanna hefur rannsakað, meðal annars í doktorsverkefni sínu, fólk í þessari stöðu og rætt var við hana um ástæður og aðgerðir.

Hugrún Lilja Ragnarsdóttir og Snædís Inga Rúnarsdóttir, læknanemar: Ástráður kynfræðsluverkefni læknanema fagnar 20 ára afmæli um þessar mundir. Rætt um breytingar á starfinu í gegnum tíðina og áskoranir á tímum covid.

Hafdís Hanna Ægisdóttir, umhverfispistill um hvernig konur geta tekið þátt í að vinna gegn loftlagsvandanum.

Útvarpsfréttir.

Umsjón: Una Margrét Jónsdóttir.

Flutt verða atriði úr þremur óperum sem eru að öllu eða að einhverju leyti samdar fyrir brúðuleikhús og er hver frá sínu landi og sínum tíma. Þetta eru „Fílemon og Bákis“ eftir Joseph Haydn frá 1773, „Brúðuspil meistara Péturs“ eftir Manuel de Falla, samin 1919-1923, og ævintýraóperan „Sónata“ eftir Hjálmar H. Ragnarsson frá 1994. Haydn samdi óperu sína fyrir brúðuleikhús húsbónda síns, Nikulásar fursta af Esterházy, en það þótti sérlega vandað og glæsilegt, og María Teresía keisaraynja var viðstödd þegar óperan var frumflutt 1773. Textinn er byggður á forn-rómverskri goðsögn. Ópera Falla, „Brúðuspil meistara Péturs“ er samið fyrir brúðuleikhús Polignac furstynju og var frumflutt í höll furstynjunar í París 25. júní 1923. Efnið er sótt í sögu Cervantes um riddarann Don Kíkóta. Ópera Hjálmars H. Ragnarssonar, „Sónata“ var frumflutt í Íslensku óperunni á vegum Strengjaleikhússins árið 1994 og gefin út á geislaplötu ári síðar. Messíana Tómasdóttir samdi textann sem fjallar um prinsessuna Sónötu í Landi hinna tíu tungla. Umsjón hefur Una Margrét Jónsdóttir.

Útvarpsfréttir.

Lísa Pálsdóttir flakkar um borg og bý.

Uppúr 1930 reis Gamli Garður á Háskólalóðinni og aðalbygging Háskóla Íslands var tekin í notkun árið 1940, en Háskóli Íslands var stofnaður árið 1911 en var þá til húsa í Alþingishúsinu við Austurvöll. Allar götur síðan hefur verið byggt á Háskólasvæðinu. Við ætlum að skoða okkur aðeins um á Háskólasvæðinu í þættinum í dag, því nú er loks verið að vinna rammaskipulag fyrir svæðið. Við ræðum við Hrund Ólöfu Arnardóttur umhverfisverkfræðing og formann skipulagsnefndar Háskóla Íslands, Orra Steinarsson arkitekt en hann og stofa hans í Rotterdam er að vinna rammaskipulagið, en hefjum leikinn með Pétri Ármannssyni byggingalistfræðingi en við heimsóttum háskólasvæðið í september 2019 og Pétur segir frá.

Þáttur fyrir áhugafólk um listir og menningu. Ljósi varpað á það sem efst er á baugi hverju sinni, menningin nær og fjær skoðuð frá ólíkum sjónarhornum og skapandi miðlar settir undir smásjána.

Umsjón: Halla Harðardóttir og Tómas Ævar Ólafsson.

Í Víðsjá í dag verður meðal annars farið í heimsókn í hús númer 18 við Laugaveg í miðborg Reykjavíkur þar sem bókabúð Máls og menningar var lengi starfrækt. Ný bókabúð verður opnuð þar í apríl ef allt gengur að óskum en Ari Gísli Bragason, gjarnan kenndur við fornbókabúðina Bókina við Klapparstíg, er nú í óða önn ásamt sínu fólki að koma sér fyrir í húsinu með mikinn bókakost og raunar margt fleira, rætt verður við Ara Gísla í Víðsjá í dag. María Elísabet Bragadóttir rithöfundur færir hlustendum Sannleikskorn eins og hún hefur gert í Víðsjá undanfarna fimmtudaga. Í dag fjallar María um hugrekki, um yfirborðið undir yfirborðinu, og það að sitja föst í stórum tebolla. Gauti Kristmannsson bókmenntagagnrýnandi Víðsjár fjallar í dag um ljóðabókina Handbók um ómerktar undankomuleiðir eftir Anton Helga Jónsson. Og loks koma við sögu í Víðsjá dagsins skóari stjarnanna og verðmætustu frímerki veraldar.

Útvarpsfréttir.

Fréttir og fréttaskýringar í útvarpi þar sem kafað er dýpra í málin, þau sett í stærra samhengi og skýringa leitað.

Búið er að koma taug úr rannsóknarskipinu Árna Friðrikssyni yfir í ferjuna Baldur, sem bilaði á Breiðafirði um miðjan dag. Draga á Baldur til hafnar í Stykkishólmi í kvöld.

Lyfjastofnun Evrópu dregur í efa að tengsl séu milli blóðtappa og bólusetningar með bóluefni frá AstraZeneca. Notkun þess var hætt tímabundið í dag hér á landi, og víðar, en niðurstöður rannsóknar stofnunarinnar liggur ekki fyrir fyrr en í næstu viku.

Sérfræðingur á Veðurstofu Íslands segir ekki hægt að útiloka að kvikugangurinn við Fagradalsfjall stækki áfram til suðurs og það komi sprengigos úti í sjó.

Koma á upp hundrað römpum í ár við verslanir og veitingastaði í miðborg Reykjavíkur svo að fólk í hjólastólum geti tekið þátt í miðborgarlífinu. Haraldur Þorleifsson, forsprakki verkefnisins Römpum upp Reykjavík segir að styrkir verði veittir fyrir allt að áttatíu prósent kostnaðar.

Vegna ákvörðunar um að hætta að bólusetja með bóluefni frá AstraZeneca verður að fresta bólusetningu 2000 einstaklinga með undirliggjandi sjúkdóma í næstu viku.

Mannréttindastofnun Sameinuðu þjóðanna telur líklegt að herinn í Mjanmar fremji glæpi gegn mannkyni með ofbeldisverkum gegn lýðræðissinnum.

Framkvæmdastjóri hjúkrunar á Heilsugæslu höfuðborgarsvæðisins segir að ákvörðun um að hætta í bili að nota bóluefni frá AstraZeneca sé áfall. Fresta verður að bólusetja 2000 einstaklinga með undirliggjandi sjúkdóma í næstu viku. Arnar Páll Hauksson talar við Ragnheiði Ósk Erlendsdóttur um hvernig gengið hefur að bólusetja við Covid-19 og afleiðingar þess að hætta tímabundið að nota bóluefni fá AstraZeneca.

Skilafrestur á skattframtölum einstaklinga rennur út á miðnætti annað kvöld. Um það bil helmingur framteljenda höfðu skilað sínum framtölum í morgun, en álagið á starfsfólk skattsins um land allt hefur aukist jafnt og þétt síðustu daga og nær eflaust hámarki á lokadegi á morgun. Kristján Sigurjónsson talaði við Helga Guðnason

Hljómboxið eru stórskemmtilegir spurningaþættir fyrir alla fjölskylduna þar sem krakkar og foreldrar þeirra keppa í því að hlusta.

Við heyrum ýmis skemmtileg brot úr kvikmyndum og sjónvarpsþáttum, sturtusöngvarinn syngur fyrir okkur vel valin lög, við heyrum orð borin fram aftur á bak, reynum að greina dýrahljóð og skringilega útsett lög svo eitthvað sé nefnt.

Umsjón: Ingibjörg Fríða Helgadóttir

Keppendur dagsins eru vinkonurnar Edda og Elfur en þær hafa fengið mæður sínar í lið með sér og nú verður forvitnilegt að vita hversu vel þessar mæðgur geta hlustað. Sturtusöngvarinn syngur af innlifun, við heyrum brot úr Hollywood mynd sem búið er að þýða á íslensku, reynum að átta okkur á hvar leynistaður dulmálskóðarans er og svo framvegis. Stórskemmtileg keppni framundan í Hljómboxi dagsins!

Keppendur

Edda Jóhannesdóttir (Fossarnir)

Fanney Karlsdóttir (Fossarnir)

Elfur Hersteinsdóttir (Býflugurnar)

Elínborg Hákonardóttir (Býflugurnar)

Umsjón: Ingibjörg Fríða Helgadóttir

Leikarar og sturtusöngvarar: Rúnar Freyr Gíslason, Ragnhildur Steinunn Jónsdóttir og Karl Pálsson

Hljóðvinnsla: Georg Magnússon

Dánarfregnir.

Um litróf mannlífsins.

Umsjón: Guðrún Gunnarsdóttir og Gunnar Hansson.

Í dag fengum við sérfræðing í þáttinn eins og aðra fimmtudaga í vetur. Í þetta sinn var það sjúkraþjálfarinn Gunnar Svanbergsson sem svaraði spurningum frá hlustendum. Spurningarnar sem við fengum sendar frá hlustendum sneru t.d. að fótum, doða, vöðvabólgu og bólgueyðandi lyfjum, stirðleika í baki, tinnitus o.fl. Gunnar sagði líka frá því í fyrri hluta þáttarins að hann fékk Covid-19 um jólin og er enn að glíma við afleiðingar, sem lýsa sér í þolleysi og hann hefur ekki náð fullu starfsþreki enn, u.þ.b. þremur mánuðum síðar. Í framhaldi af því nefndi hann að talsverður fjöldi fólks sem er einnig að glíma við afleiðingar Covid-19 er farinn að leita til sjúkraþjálfara til að reyna að ná árangri og framförum.

UMSJÓN GUNNAR HANSSON OG GUÐRÚN GUNNARSDÓTTIR

Beinar útsendingar frá tónleikum Sinfóníuhljómsveitar Íslands í Eldborg, Hörpu.

Bein útsending frá tónleikum Sinfóníuhljómsveitar Íslands í Eldborg, Hörpu.

Á efnisskrá:

*Rómansa fyrir flautu og hljómsveit eftir Camille Saint-Saëns.

*Concertino fyrir flautu og hljómsveit eftir Cécile Chaminande.

*Sinfónía nr. 4 eftir Johannes Brahms.

Einleikari: Emilía Rós Sigfúsdóttir.

Stjórnandi: Eivind Aadland.

Upplýst og gagnrýnin umræða um samfélagsmál. Umsjón: Arnhildur Hálfdánardóttir og Guðmundur Pálsson.

Jóhanna Rósa Arnardóttir félagsvísindamaður: ungmenni sem eru hvorki í skóla né starfi. Jóhanna hefur rannsakað, meðal annars í doktorsverkefni sínu, fólk í þessari stöðu og rætt var við hana um ástæður og aðgerðir.

Hugrún Lilja Ragnarsdóttir og Snædís Inga Rúnarsdóttir, læknanemar: Ástráður kynfræðsluverkefni læknanema fagnar 20 ára afmæli um þessar mundir. Rætt um breytingar á starfinu í gegnum tíðina og áskoranir á tímum covid.

Hafdís Hanna Ægisdóttir, umhverfispistill um hvernig konur geta tekið þátt í að vinna gegn loftlagsvandanum.

Gestur þáttarins er Ólína Kjærúlf Þorvarðardóttir deildarforseti Félagsvísindadeildar við Háskólann á Bifröst. Ólína er doktor í íslenskum bókmenntum og þjóðfræði. Starfsævi hennar er afar fjölbreytt, hún hefur verið kennari, skólameistari við MÍ, fréttamaður hjá RÚV, þingmaður, borgarfulltrúi rithöfundur og björgunarsveitarkona með leitarhund svo eitthvað sé nefnt. Líf hennar ekki alltaf verið dans á rósum, m.a. fór hún í mál vegna ráðningar þjóðgarðsvarðar á Þingvöllum sem hún vann.

Tónlist: River deep mountain high - Tina Turner.

Umsjón: Lísa Pálsdóttir

Tæknimaður: Kári Guðmundsson

Hjónin Magnús og Elín segja frá því að þann 12. mars næstkomandi heldur Alþjóðleg frímúrararegla karla og kvenna, LE DROIT HUMAIN, á Íslandi upp á 100 ára starfsafmæli sitt hér á landi. Þann dag árið 1921 var stúkan Ýmir nr. 724 stofnuð í Reykjavík. Nú eru starfandi 10 stúkur á þremur stöðum á Íslandi, í Reykjavík, á Akureyri og á Egilsstöðum. Reglan á Íslandi er hluti af hinni Alþjóðlegu frímúrarareglu karla og kvenna, LE DROIT HUMAIN, sem starfar um víða veröld. Hún tilheyrir frjálslyndum armi frímúrarastarfs í heiminum og var stofnuð af Georges Martin og Marie Deraisme í París 1893. Höfuðstöðvar reglunnar eru í París og telur reglan meira en 32.000 meðlimi í 60 löndum.

Reglan starfar eftir hinu Forna og Viðurkennda Skoska Siðakerfi og markmið starfsins er að vinna að mannrækt til heilla mannkyni. Innan reglunnar starfa karlar og konur hlið við hlið, óháð kyni, þjóðerni.

Næturútvarp Rásar 1.