Færslur: Vöruskortur

Æ fleiri látast af völdum COVID-19 í Shanghai
Borgaryfirvöld kínversku stórborgarinnar Shanghai greindu frá því að 39 hefðu látist af völdum COVID-19 í gær. Það er mesti fjöldi andláta frá því stjórnvöld gripu til útgöngubanns í byrjun apríl svo stemma mætti stigu við útbreiðslu veirunnar. Óttast er að útbreiðsla veirunnar sé að aukast í höfuðborginni.
24.04.2022 - 04:30
Omíkron getur orðið til þess að dregur úr hagvexti
Tilkoma Omíkron-afbrigðis kórónuveirunnar kann að verða til þess að samdráttur verði í hagvexti heimsins líkt og gerst hefur vegna Delta-afbrigðisins. Alþjóðagjaldeyrissjóðurinn segir að afbrigðið geti dreifst hratt og þannig orðið til þess að tiltrú á markaðinn dregst saman.
Hagsmunasamtök taki ekki þátt í umræðu um verðlagningu
Samkeppniseftirlitið brýnir fyrir forsvarsfólki hagsmunasamtaka í atvinnulífinu að taka ekki þátt í umfjöllun um verðlagningu eða markaðshegðun fyrirtækja. Í tilkynningu eftirlitsins er slík umfjöllun hagsmunasamtaka vegna yfirvofandi verðhækkana sökum hækkunar hrávöruverðs gagnrýnd. Hækkun aðfanga eigi ekki sjálfkrafa að hækka vöruverð.
Verðhækkanir, vöruskortur og bensín í hæstu hæðum
Vöruskortur í heiminum af völdum kórónuveirufaraldursins á eftir að valda verðhækkunum til skamms tíma. Þetta segir framkvæmdastjóri Samtaka atvinnulífsins. Álverð hefur ekki verið eins hátt í þrettán ár og hagfræðingur hjá Landsbankanum segir líklegt að eldsneytisverð hér verði í næsta mánuði fjórðungi hærra en það var fyrir ári. 
Kaupmenn óttast að jólavörur berist ekki í tæka tíð
Ekki er hægt að segja til um hvenær vöruflutningar milli landa komast í samt horf og þeir voru áður en kórónuveirufaraldurinn skall á. Þetta segir Björn Berg Gunnarsson deildarstjóri greiningar- og fræðslu hjá Íslandsbanka. Þetta veldur vöruskorti og verðhækkunum. Andrés Magnússon, framkvæmdastjóri Samtaka verslunar og þjónustu, segir að kaupmenn óttist að jólavörur skili sér ekki í tæka tíð fyrir jól. Ekki sé vöruskortur í landinu en vegna aðstæðna erlendis séu vörur lengi að berast.
Morgunútvarpið
Hvað útskýrir núverandi vöruskort og verðhækkanir?
Hækkanir á ýmiss konar vöru og þjónustu hafa verið áberandi í umræðunni síðustu daga. Bensínverð hefur rokið upp, húsnæðisverð helst hátt og vart hefur orðið við margs konar verðhækkanir á almennri þjónustu. Þá hefur vöruskortur líka áhrif á verð, en ýmis vandamál varðandi aðföng og flutninga á tímum heimsfaraldurs hafa komið upp.