Færslur: Vogar
Björgunarsveitin Skyggnir í Vogum bar í dag út sérstakar veifur í öll hús í bæjarfélaginu. Þeim á fólk að koma fyrir á sýnilegum stað til að auðvelda fyrir ef til rýmingar kemur. Borin voru út umslög sem í eru tveir borðar, annar rauður og hinn hvítur. Rauður borði táknar að hús hafi verið rýmt en hvítur að aðstoðar sé þörf. Þetta er gert í samstarfi við sveitarfélagið og í varúðarskyni.
20.03.2021 - 18:39
Drög liggja fyrir að rýmingaráætlun Voga
Drög að rýmingaráætlun fyrir sveitarfélagið Voga liggja fyrir vegna hugsanlegrar eldvirkni á svæðinu. Ásgeir Eiríksson, bæjarstjóri Voga, segir að flóttaleiðir séu tryggar og góðar og að íbúar séu nokkuð yfirvegaðir.
05.03.2021 - 16:20
Meira en 50 sprungur á vegum við skjálftasvæðið
Margar sprungur má sjá á vegum á skjálftasvæðinu. Fólk á meðferðarheimilinu í Krýsuvík finnur vel fyrir skjálftunum. Í Vogum eru flestir íbúar æðrulausir segir bæjarstjórinn þótt mikið gangi á.
01.03.2021 - 19:22
Bæjarstjórn Reykjanesbæjar samþykkti framkvæmdaleyfi fyrir Suðurnesjalínu 2, milli Hafnarfjarðar og Rauðamels í landi Grindavíkur, í gær. Nú er beðið eftir því að Vogar ljúki umfjöllun sinni en þegar hefur borist samþykki frá bæjarstjórnum Hafnarfjarðar og Grindavíkur.
17.02.2021 - 12:45
Björgunarsveitir í Vogum og Reykjanesbæ voru kallaðar út klukkan 21:20 í gær eftir að tilkynning barst frá íbúa í Vogum um hlut sem sést hafði í sjónum um 300 metra frá landi
24.06.2020 - 06:33
