Færslur: viðskipti

Aukning í nýskráningu bíla í júlí
Ríflega 44% fleiri nýjar fólksbifreiðar voru skráðar í júlí í ár en í sama mánuði í fyrra. Í júlí voru skráðir 1.480 nýir bílar en rétt rúmlega eitt þúsund 2019. Nýskráningum bílaleigubíla hefur fækkað umtalsvert það sem af er ári eða sem nemur 59,1%.
Fer undir 11% í Icelandair
Bandaríski vogunarsjóðurinn PAR Capital Management, næststærsti hluthafi í Icelandair Group, heldur áfram að minnka hlut sinn í félaginu. Þetta kemur fram á nýjum lista yfir 20 stærstu hluthafa félagsins. Hlutur PAR er nú kominn niður i 10,99%, en var 11,04% þegar listinn var síðast birtur í síðustu viku.
Segja framferði Bandaríkjanna hreint og klárt einelti
Kínversk stjórnvöld segja að framferði þeirra bandarísku, þegar kemur að appinu Tik Tok, sé hreinlega einelti. Þetta kom fram í máli Wang Wenbin, talsmanns kínverska utanríkisráðuneytisins, á upplýsingafundi í dag. Donald Trump, Bandaríkjaforseti, gaf Tik Tok í gær sex vikur til að selja starfsemi sína í Bandaríkjunum til fyrirtækis þar í landi.
04.08.2020 - 09:30
Fyrsta farþegaferðin út í geim framundan
Mögulegt er að fyrsta farþegaferð Virgin Galactic, fyrirtækis Richards Branson, út í geim verði farin snemma á næsta ári.
Fjárhagsleg endurskipulagning háð hlutafjárútboði
Allir angar fjárhagslegrar endurskipulagningar Icelandair eru háðir því að hlutafjárútboð sem stefnt er að í ágúst gangi vel.
04.08.2020 - 06:19
Óeðlilegt að halda eftir 10% kortagreiðslna
„Það jaðrar við lögbrot að kortafyrirtæki haldi eftir greiðslum til fyrirtækja vegna þjónustu sem þegar hefur veitt."
Gríðarlegur samdráttur hjá HSBC bankanum
Hagnaður HSBC bankans, eins stærsta banka heims, hrapaði um 69 af hundraði á fyrri helmingi ársins, eftir skatta. HSBC-bankinn er fjölþjóðlegur banki með höfuðstöðvar í London.
03.08.2020 - 06:13
Microsoft til viðræðna við TikTok að nýju
Microsoft hyggst halda áfram viðræðum um kaup á starfsemi TikTok í Bandaríkjunum.
James Murdoch kveður útgáfu föður síns
James Murdoch, yngri sonur fjölmiðlakóngsins Ruperts Murdoch, hefur sagt sig úr stjórn fyrirtækis þeirra NewsCorp sem meðal annars gefur út The Wall Street Journal, The Times í Bretlandi og fjölda ástralskra dagblaða.
01.08.2020 - 05:16
Málin enn í vinnslu hjá Icelandair
Ekki fást upplýsingar um gang viðræðna Icelandair við lánadrottna fyrirtækisins. Stjórnendur Icelandair stefndu á að ljúka samningum fyrir daginn í dag svo hægt væri að fara í hlutafjárútboð í ágúst. Útboðinu hefur nú þegar verið frestað tvisvar. 
Vatnaskil í bíóheiminum vestra
AMC, helsta bíóhúsakeðja Bandaríkjanna, og kvikmyndafyrirtækið Universal Pictures hafa gert með sér samning sem markar vatnaskil. Samningurinn verður til þess að stórmyndir verða aðgengilegar á streymisveitum (VOD) mun fyrr en hingað til hefur verið.
29.07.2020 - 00:30
Varar við nikótínpúðum: „Nikótín getur verið banvænt“
Sala á neftóbaki hefur dregist verulega saman undanfarna sex mánuði. ÁTVR tengir þetta vinsældum nýrra nikótínpúða sem teknir eru í vörina og innihalda ekki tóbak. Doktor í lýðheilsuvísindum segir púðana líklega skárri en neftóbak en vísar fullyrðingum söluaðila um að nikótín valdi ekki sjúkdómum á bug. Of stór skammtur geti verið banvænn. 
24.07.2020 - 12:20
Óljóst hvort kæra Rio Tinto verður rannsökuð formlega
Samkeppniseftirlitið þarf að afla frekari upplýsinga frá Rio Tinto og Landsvirkjun áður en tekin verður ákvörðun um hvort kæra Rio Tinto til embættisins verður tekin til rannsóknar.  Páll Gunnar Pálsson, forstjóri Samkeppniseftirlitsins, segir að þessi vinna taki einhverjar vikur. Ákvörðunin um hvort hafin verði formleg rannsókn á grundvelli kvörtunarinnar liggi í fyrsta lagi fyrir í ágúst.
23.07.2020 - 16:44
Kvika vill eignast Netgíró
Kvika hefur undirritað viljayfirlýsingu um kaup á 80 prósenta hlut í Netgíró. Bankinn á nú þegar 20 prósent í félaginu og verður því eini eigandinn ef af kaupunum verður.
16.07.2020 - 14:22
Svart útlit í minkarækt eftir hrun á skinnamörkuðum
Hrun varð í sölu minkaskinna í kjölfar heimsfaraldurs kórónuveiru og talsmaður íslenskra minkabænda segir útlitið afar svart. Ríkisstjórnin samþykkti nýlega að styrkja greinina um 80 milljónir króna á þessu ári.
13.07.2020 - 13:22
Mannvit bauð lægst í hönnun flugstöðvar á Akureyri
Mannvit átti lægsta tilboð í hönnun á viðbyggingu og breytingar á flugstöðinni á Akureyrarflugvelli. Tilboðin voru opnuð í morgun en ellefu buðu í verkið.
10.07.2020 - 13:01
Áhyggjur af kaupum Storytel á Forlaginu
Rithöfundasamband Íslands telur ástæðu til að hafa áhyggjur af fákeppni í bókaútgáfu eftir kaup Storytel AB á sjötíu prósenta hlut í Forlaginu, stærstu bókaútgáfu landsins. Rithöfundar og bókaútgefendur hafa lýst yfir áhyggjum af samningnum um kaupin og hélt Rithöfundasambandið fund um málið í morgun.
Kaupendur notaðra bifreiða bera ábyrgð á tryggingum
Vátryggingar bifreiða eru tryggðar með lögveði samkvæmt lögum sem tóku gildi um áramót. Kaupandi notaðrar bifreiðar getur því borið ábyrgð á vangoldnum iðgjöldum fyrri eiganda í allt að tvö ár.
Júní betri í ferðaþjónustunni en áætlað var
Þótt mun minni umsvif séu í ferðaþjónustu en undanfarin ár hefur júní verið betri en búist var við. Íslendingar virðast hafa tekið vel þeirri hvatningu að ferðast innanlands. Tekjur eru þó ekki í samræmi við aðsóknina því í flestum tilfellum er fólk að nýta sér tilboð og afslætti á mestallri þjónustu.
01.07.2020 - 13:20
Icelandair Group stefnir á hlutafjárútboð í ágúst
Samningaviðræður Icelandair Group standa enn við lykilviðsemjendur, meðal annars flugvélaleigusala, vegna endurskipulagningar fyrirtækisins. Félagið hefur fengið jákvæð viðbrögð frá meginþorra kröfuhafa sem hafa lýst yfir vilja til að vinna með því í gegnum ferlið. Hlutafjárútboð hefst í ágúst ef tekst að ljúka samkomulagi í júlí.
Þýska ríkið leggur Lufthansa til fé
Unnið hefur verið að því að koma í veg fyrir gjaldþrot þýska flugfélagsins Lufthansa með níu milljarða björgunarpakka ríkisins.
25.06.2020 - 00:37
Hertz fær leyfi til að bæta við hlutafé
Bílaleigan Hertz sem í lok maí sótti um greiðslustöðvun í Bandaríkjunum og Kanada hefur fengið heimild til að auka hlutafé sitt um einn milljarð dollara. Slíkt er harla óvenjulegt í ljósi stöðu fyrirtækisins.
13.06.2020 - 02:59
Guðmundur er hættur við að hætta
Náðst hefur samkomulag um að Guðmundur Marteinsson, framkvæmdastjóri Bónus, starfi áfram sem framkvæmdastjóri hjá fyrirtækinu, en 30. apríl síðastliðinn var tilkynnt um að hann hefði óskað eftir að láta þar af störfum.
12.06.2020 - 21:19
Netárás á verksmiðjur Honda
Framleiðsla í verksmiðjum japanska bílaframleiðandans Honda í Tyrklandi, Brasilíu og á Indlandi hefur verið stöðvuð um hríð.
10.06.2020 - 03:10
Blasir feigð við Renault?
Hugsanlegt er að franski bílaframleiðandinn Renault lifi ekki af samdráttinn sem fylgir kórónuveirufaraldrinum án aukins stuðnings franska ríkisins. CNN greinir frá þessu.
23.05.2020 - 05:24