Færslur: Verslun og viðskipti

Þýskt fyrirtæki kaupir fjórðungshlut í Sagafilm
Beta Nordic Studios, dótturfyrirtæki Beta Film í Þýskalandi, hefur keypt 25% hlut í Sagafilm. Þetta kemur fram í tilkynningu frá Sagafilm. Þar segir að Beta Film sé stærsta sjálfstæða kvikmyndafyrirtæki Evrópu og að það vinni við framleiðslu, dreifingu og fjármögnun „hágæða kvikmynda- og sjónvarpsverkefna“. Fyrirtækið var stofnað árið 1959, er með höfuðstöðvar í Munchen og skrifstofur víða um heim.
Kínverjar og Bandaríkjamenn vilja halda lífi í samningi
Samningamenn Kína og Bandaríkjanna ræddu saman í síma í gær um viðskiptasamning milli ríkjanna. Þeir kveðast sammála um að nauðsynlegt sé mynda þær aðstæður og andrúmsloft sem þurfi halda áfram þar sem frá var horfið fyrr á árinu.
Verðmæti Apple nær 2 billjónum Bandaríkjadala
Markaðsvirði tæknirisans Apple náði í dag 2 billjónum Bandaríkjadala. Það eru tvær milljónir milljóna dala eða jafngildi um 273 þúsund milljarða króna. Verðmæti fyrirtækisins hefur tvöfaldast frá árinu 2018.
Daimler greiðir himinháar sektir og bætur vestra
Þýski bílaframleiðandinn Daimler, sem meðal annars framleiðir Mercedes-Benz bifreiðar, hefur fallist á að greiða 2,2 milljarða dala í bætur og sektir vestanhafs.
13.08.2020 - 18:47
Bretar bjartsýnir á góðan samning við Bandaríkin
Viðræður um viðskiptasamband Bretlands og Bandaríkjanna halda áfram í haust og vorið 2021. Vonir hafa dvínað mjög um að samningar náist fyrir endanlega útgöngu Breta úr Evrópusambandinu.
Boeing enn í kröppum dansi
Í júlí voru 43 Boeing 737 MAX þotur afpantaðar til viðbótar við þær ríflega 350 sem flugfélög höfðu þegar hætt við að kaupa á árinu. Engar nýjar flugvélar voru pantaðar í júlí.
11.08.2020 - 18:45
Aukning í nýskráningu bíla í júlí
Ríflega 44% fleiri nýjar fólksbifreiðar voru skráðar í júlí í ár en í sama mánuði í fyrra. Í júlí voru skráðir 1.480 nýir bílar en rétt rúmlega eitt þúsund 2019. Nýskráningum bílaleigubíla hefur fækkað umtalsvert það sem af er ári eða sem nemur 59,1%.
Fer undir 11% í Icelandair
Bandaríski vogunarsjóðurinn PAR Capital Management, næststærsti hluthafi í Icelandair Group, heldur áfram að minnka hlut sinn í félaginu. Þetta kemur fram á nýjum lista yfir 20 stærstu hluthafa félagsins. Hlutur PAR er nú kominn niður i 10,99%, en var 11,04% þegar listinn var síðast birtur í síðustu viku.
Fjárhagsleg endurskipulagning háð hlutafjárútboði
Allir angar fjárhagslegrar endurskipulagningar Icelandair eru háðir því að hlutafjárútboð sem stefnt er að í ágúst gangi vel.
04.08.2020 - 06:19
Óeðlilegt að halda eftir 10% kortagreiðslna
„Það jaðrar við lögbrot að kortafyrirtæki haldi eftir greiðslum til fyrirtækja vegna þjónustu sem þegar hefur veitt."
Microsoft til viðræðna við TikTok að nýju
Microsoft hyggst halda áfram viðræðum um kaup á starfsemi TikTok í Bandaríkjunum.
Tap Icelandair Group 12,3 milljarðar
Tap Icelandair Group nam 12,3 milljörðum króna á öðrum fjórðungi ársins. Eigið fé félagsins nam 151,2 milljörðum í lok síðasta mánaðar og aukning varð í fraktflugi félagsins. Þetta kemur fram í uppgjöri félagsins sem birt var í kauphöll í dag. Framboð í farþegaflugi dróst saman um 97% á öðrum ársfjórðungi ársins og farþegum fækkaðium 98% á sama tímbili. Tvöfalt fleiri flugtímar voru flognir í fraktflugi.
Tíminn gerist naumur í Brexit-viðræðum
Bresk stjórnvöld og Evrópusambandið eiga enn eftir að ná samkomulagi um mikilvæga þætti varðandi útgöngu Breta úr sambandinu.
„Sennilegt“ að Penninn hafi misnotað stöðu sína
Samkeppniseftirlitið beinir þeim tilmælum til Pennans að taka bækur bókaútgáfunnar Uglu aftur til sölu í verslunum sínum. Í bráðabirgðaúrskurði, sem eftirlitið sendi frá sér í dag, segir að það telji sennilegt að með því að senda til baka söluhæstu bækur Uglu í maí, hafi Penninn misnotað markaðsráðandi stöðu sína á smásölumarkaði fyrir bækur.
Áhyggjur af kaupum Storytel á Forlaginu
Rithöfundasamband Íslands telur ástæðu til að hafa áhyggjur af fákeppni í bókaútgáfu eftir kaup Storytel AB á sjötíu prósenta hlut í Forlaginu, stærstu bókaútgáfu landsins. Rithöfundar og bókaútgefendur hafa lýst yfir áhyggjum af samningnum um kaupin og hélt Rithöfundasambandið fund um málið í morgun.
Kaupendur notaðra bifreiða bera ábyrgð á tryggingum
Vátryggingar bifreiða eru tryggðar með lögveði samkvæmt lögum sem tóku gildi um áramót. Kaupandi notaðrar bifreiðar getur því borið ábyrgð á vangoldnum iðgjöldum fyrri eiganda í allt að tvö ár.
Færri fyrirtæki gjaldþrota í maí í ár en í fyrra
Tuttugu og tvö virk fyrirtæki urðu gjaldþrota í maí. Það er 42% minna en í sama mánuði í fyrra þegar þau voru 38. Þetta kemur fram í nýjum tölum frá Hagstofu Íslands. Flest voru fyrirtækin í heild- og smásöluverslun og viðgerðum á ökutækjum, en þau voru átta. Fimm fyrirtæki voru í ferðaþjónustu.
Kortavelta í maí jókst á milli ára
Kortavelta innanlands í maí var 3,3% meiri en í sama mánuði í fyrra.  Kortavelta Íslendinga erlendis dróst saman um 63,3% og viðsnúningur varð í neyslu landsmanna í maí eftir samdrátt mánuðanna á undan.  Þetta kemur fram í Hagsjá, sem er rit Hagfræðideildar Landsbankans. Kortavelta Íslendinga á innlendum gististöðum í maí jókst um 60% á milli ára.
Guðmundur er hættur við að hætta
Náðst hefur samkomulag um að Guðmundur Marteinsson, framkvæmdastjóri Bónus, starfi áfram sem framkvæmdastjóri hjá fyrirtækinu, en 30. apríl síðastliðinn var tilkynnt um að hann hefði óskað eftir að láta þar af störfum.
12.06.2020 - 21:19
Kortavelta orðin jafn mikil og fyrir faraldur
Kortavelta íslenskra greiðslukorta er þegar orðin jafn mikil og hún var áður en samkomubannið vegna kórónuveirufaraldursins tók gildi 13. mars.
Spegillinn
Miðborgin að rumska af sex vikna blundi
Miðborg Reykjavíkur er að rumska. Veðrið var ekki jafn gott og það hefur verið síðustu daga, en um hádegisbil var samt slæðingur af fólki á Laugaveginum. Vindurinn sópaði rykugar gangstéttirnar og á stöku stað mátti sjá bláan hanska, samankuðlaðan, eitt af merkjum tíðarandans. Vegfarendur drukku kaffi eða snæddu á veitingahúsum. Tónlist barst frá opnum verslunum. Starfsmenn borgarinnar hirtu sorp. Hárskerar tóku á móti kúnnum eftir langt hlé og söfn borgarinnar opnuðu dyr sínar á ný.
04.05.2020 - 18:30
„Hefur haft gríðarleg áhrif“
Velta fríhafnarinnar í Leifsstöð hefur dregist saman um níutíu prósent miðað við sama tíma í fyrra. Aðeins ein vél lenti á Keflavíkurflugvelli í dag.
03.04.2020 - 18:56
Verð á kjötvöru hækkar við gengisfall krónunnar
Nokkrar afurðastöðvar hafa undanfarið tilkynnt um allt að fimm prósenta verðhækkun á kjötvörum til verslana. Aðalástæðan er sögð lækkun íslensku krónunnar og aukinn framleiðslukostnaður þess vegna.
25.03.2020 - 18:02
Met slegið í Vínbúðunum á Þorláksmessu
Aldrei hafa fleiri viðskiptavinir komið í verslanir Vínbúðanna og á Þorláksmessu segir Sigrún Ósk Sigurðardóttir aðstoðarforstjóri ÁTVR. Þeir voru um 46 þúsund talsins en áður höfðu mest 44 þúsund verslað þar á einum degi.
27.12.2019 - 16:38
Myndband
Ný búð á Drangsnesi fimm dögum eftir að sú gamla lokaði
Verslun Kaupfélags Steingrímsfjarðar á Drangsnesi á Ströndum var lokað í byrjun desember eftir tæplega 70 ára rekstur. Íbúar brugðust við í snatri og opnuðu nýja verslun fimm dögum síðar.
09.12.2019 - 22:25