Færslur: Verslun og þjónusta

Færri fyrirtæki gjaldþrota í maí í ár en í fyrra
Tuttugu og tvö virk fyrirtæki urðu gjaldþrota í maí. Það er 42% minna en í sama mánuði í fyrra þegar þau voru 38. Þetta kemur fram í nýjum tölum frá Hagstofu Íslands. Flest voru fyrirtækin í heild- og smásöluverslun og viðgerðum á ökutækjum, en þau voru átta. Fimm fyrirtæki voru í ferðaþjónustu.
Kortavelta í maí jókst á milli ára
Kortavelta innanlands í maí var 3,3% meiri en í sama mánuði í fyrra.  Kortavelta Íslendinga erlendis dróst saman um 63,3% og viðsnúningur varð í neyslu landsmanna í maí eftir samdrátt mánuðanna á undan.  Þetta kemur fram í Hagsjá, sem er rit Hagfræðideildar Landsbankans. Kortavelta Íslendinga á innlendum gististöðum í maí jókst um 60% á milli ára.
Kortavelta orðin jafn mikil og fyrir faraldur
Kortavelta íslenskra greiðslukorta er þegar orðin jafn mikil og hún var áður en samkomubannið vegna kórónuveirufaraldursins tók gildi 13. mars.
Fréttaskýring
Íslenski ferðamaðurinn nú aðalviðfang ferðaþjónustunnar
Ferðaþjónustufyrirtæki sem ekki eru lögst í dvala laga sig nú að nýjum og tiltölulega lítt þekktum kúnnahópi, íslenskum ferðamönnum. Þeir eru taldir tilboðsdrifnir og eru gjarnir á að elta sólina. Þó einhver bið verði á markaðsátaki stjórnvalda eru fyrirtækin komin á fullt í undirbúningi og tilboðum rignir yfir neytendur. Útlit er fyrir að kórónuveirufaraldurinn hamli ferðalögum að einhverju leyti og fyrirtæki eru mörg enn óviss um hvort það borgi sig að hafa opið.
Spegillinn
Innflutningur raskast minna en ætla mætti
Stærstu flutningsfyrirtækin á Íslandi, hafa fækkað skipum í rekstri og breytt flutningsleiðum vegna COVID-19. Heildsalar segjast ekki verða varir við skort eða truflanir í innflutningi, hingað komi öll aðföng og matvæli sem hafi verið pöntuð, einu hnökrarnir tengist kannski klósettpappír - en það skrifast ekki á skort heldur aukna eftirspurn. 
08.04.2020 - 15:01
Fleiri tölvur og færri hamborgarar
Neyslumynstur þjóðarinnar hefur gjörbreyst frá því kórónuveirunnar varð fyrst vart hér á landi. Sala tölvubúnaðar og raftækja hefur aukist miðað við sama tíma í fyrra og matvöruverslun sömuleiðis en sala veitinga og skyndibita hefur snarminnkað. Þetta kemur fram í gögnum sem Meniga tók saman fyrir fréttastofu og byggjast á ópersónugreinanlegum, innlendum kortafærslum. 
04.04.2020 - 20:15
Fólkið í framlínunni
Fólkið í framlínunni lýsir lífinu á tímum COVID-19
Fólk í framlínustörfum leggur sig í ákveðna hættu til að halda samfélaginu gangandi. Það hittir fjölda fólks á hverjum degi og er því kannski útsettara en margir fyrir smiti. Spegillinn ræddi við lyfsala, leikskólakennara, strætóbílstjóra og starfsmenn matvöruverslana um lífið í framlínunni, um reynsluna af samkomubanni, fórnir og fúkyrðaflaum, óvissu og öryggi.
25.03.2020 - 17:45