Færslur: velferðarnefnd

Þingsályktunartillaga um Arnarholt og önnur heimili
Velferðarnefnd Alþingis ætlar að skila Alþingi þingsályktunartillögu um rannsókn á Arnarholti og öðrum sambærilegum heimilum. Formaður nefndarinnar segir að í rannsókninni verði einnig að skoða aðbúnað fólks á hvers kyns vistheimilum nú á dögum. Nefndarmenn hafi fengið ábendingar um slæman aðbúnað fatlaðs fólks og geðfatlaðra í nútímanum.
Sveitarfélögin vilja fund með velferðarnefnd Alþingis
Samband sveitarfélaga hefur óskað eftir fundi með velferðarnefnd Alþingis til að ræða rekstur hjúkrunarheimila. Framkvæmdastjóri sambandsins segir ótækt að sveitarfélög borgi með þessum rekstri.
Segist ekki hafa brotið trúnað
Helga Vala Helgadóttir, formaður velferðarnefndar Alþingis, segist ekki hafa brotið trúnað þegar hún tjáði sig í fréttum RÚV um atriði sem komu fram á lokuðum fundi nefndarinnar. Heilbrigðisráðuneytið hefur gert alvarlegar athugasemdir við málflutning hennar og telur hana hafa brotið trúnað með ummælum sínum.
Segir samskiptavanda loða við Sjúkratryggingar
Formaður velferðarnefndar Alþingis segir samskiptavanda torvelda viðræður milli Sjúkratrygginga og sveitarfélaga um rekstur hjúkrunarheimila. Það sé því miður ekkert einsdæmi þegar Sjúkratryggingar eru annars vegar.
Þingmaður vill að velferðarnefnd fjalli um spilakassa
Sara Elísa Þórðardóttir, varaþingmaður Pírata, hefur farið fram á það að velferðarnefnd Alþingis fundi um spilafíkn og spilakassa. Búist er við að málið verði tekið upp í nefndinni á næstunni.