Færslur: Varðskipið Þór

Stór og mikill fóðurprammi sökk á Reyðarfirði í nótt
Fóðurpramminn Muninn, sem er í eigu Laxa fiskeldis, sökk á Reyðarfirði á fjórða tímanum í nótt. Enginn var um borð í prammanum og ekki er talið að öðrum sæfarendum stafi hætta af honum þar sem hann liggur á hafsbotni á um 40 metra dýpi á móts við vitann Grímu á Berunesi, ekki langt frá landi. Varðskipið Þór er á vettvangi.
Myndskeið
Lagarfoss kominn til hafnar
Flutningaskipið Lagarfoss og áhöfn þess kom örugg til hafnar í Reykjavík í dag með aðstoð varðskipsins Þórs.
Þór og Lagarfoss á leið í land
Varðskipið Þór er nú komið með flutningaskip Eimskips, Lagarfoss, í tog áleiðis til Reykjavíkur. Lagarfoss varð aflvana úti á rúmsjó, um 230 sjómílur suðvestur af Garðskaga um hádegisbil í fyrradag, eftir að aðalvél þess bilaði á siglingu til Kanada. Viðgerðir um borð báru ekki árangur og var því kallað eftir aðstoð varðskipsins sem lagði af stað í fyrrakvöld. Engin hætta stafaði að skipverjum Lagarfoss.
29.12.2020 - 12:22
Þór sækir vélarvana Lagarfoss
Áhöfn varðskipsins Þórs var kölluð út í gærkvöld vegna Lagarfoss, flutningaskips Eimskips, sem varð vélarvana um 230 sjómílur suðvestur af Garðskaga í gær. Búast má við að Þór verði kominn að Lagarfossi í fyrramálið. Aðstæður á staðnum eru góðar og skipverjum er engin hætta búin.
28.12.2020 - 11:16
Myndskeið
Kominn í land eftir hálfa öld og tvö þorskastríð
Halldór Nellett skipherra sigldi varðskipinu Þór í höfn í síðasta sinn í morgun. Þar með lýkur nærri hálfrar aldar starfi hans hjá Landhelgisgæslunni. Hann segir vel heppnuð björgunarstörf standa upp úr, en líka tvö þorskastríð.