Færslur: Uppskriftir

Mozzarellasalat
Mozzarellasalat í ítölsku fánalitunum er eitt það besta sem ég veit þegar sól hækkar á lofti. Mér finnst mozzarellaosturinn fara vel í mig og ég nota þetta salat oft til að drýgja matinn en einnig fæ ég mér það stundum bara svona hinsegin af því það tekur enga stund að útbúa og mér finnst það svo gott. Hér er ólífuolían ómissandi, ekki spara hana...það er mjög nauðsynlegt að gæta þess að borða góða fitu í hverri máltíð.
17.12.2015 - 20:30
Asísk kjúklingasúpa með hnetusmjöri
Þegar hnetusmjör blandast saman við kókosmjólk og karrý, chili og hvítlauk, þá fer að hitna í kolunum. Þetta er súpan í afmælið, saumaklúbbinn og aðrar veislur sem þið hendið í. Það finnst öllum hún óviðjafnanleg. Hún er þó ef til vill heldur sterk fyrir lítil börn, en þá má setja smá sýrðan rjóma, rjóma eða hreina jógúrt í þeirra súpu til að milda hana. Neðst er að finna uppskriftina að grilluðu súrdeigsbrauðinu sem er dásamlegt með súpunni.
17.12.2015 - 20:30
Döðlumarengskaka með súkkulaði og piparmyntu
Þetta er ein af þessum ómótstæðilegu kökum á veisluborðinu. Hún er safarík, ljúffeng og lokkandi. Hún truflar blóðsykurinn ekki mikið og það finnst mér skipta svo miklu máli, því þá fær maður hvorki höfuðverk né þarf að leggja sig stuttu eftir að hafa gúffað í sig örfáum sneiðum!
17.12.2015 - 20:30
Pítsa fyrir einn logandi svangan!
- snarfljótleg & einföld! Kæru pítsuaðdáendur. Þegar þið komið heim eftir skólann og eruð svöng og langar í eitthvað gott, er miklu ódýrara og skemmtilegra að elda sér sjálfur eitthvað gott heldur en að kaupa sér eitthvað tilbúið. Að gera gerlausa pítsu tekur til dæmis enga stund. Hér er uppskrift fyrir einn logandi svangan ungling
10.12.2015 - 20:30
Grillaðar samlokur
Það er ekkert mál og mjög gaman, að grilla sér ljúffengar samlokur heima þegar maður er svangur. Ég ætla að sýna ykkur nokkrar útgáfur sem eru vinsælar heima hjá mér, til að gefa ykkur innblástur.
10.12.2015 - 20:30
Súkkulaðimuffins
- upplagðar eftir skóla til dæmis – ljúffengar og einfaldar. Þessar eru fyrir lifandis löngu orðnar algjör klassík heima hjá mér. Þetta geta allir búið til og skellum við iðulega í súkkulaðimuffins þegar okkur langar í eitthvað gott í kaffinu.
10.12.2015 - 20:30
Eggjahræra eða ommiletta með mozzarella
Þegar ég eða einhver á heimilinu er svangur finnst mér frábært að búa til eggjahræru eða ommilettu, okkur finnst hún alltaf jafn góð. Stundum tekst mér að gera fallega ommilettu… og stundum ekki. Í versta falli verður þetta ljúffeng eggjahræra!
10.12.2015 - 20:30
Epla-nachos
10.12.2015 - 20:30
Puy-linsurósmarín- og hvítlaukssúpa
Þessi súpa er í algjöru uppáhaldi. Ég smakkaði svipaða súpu hjá Ölla svila mínum á Súpubarnum og svo reyndi ég að herma af því ég kunni ekki við að biðja hann um uppskriftina, fyrirgefðu Ölli minn. Ég held mér hafi tekist vel til og er ánægð með mig. Ég geri þessa svakalega oft, af því hún er svo brjálæðislega góð og líka holl!
03.12.2015 - 20:30
Grillað flatbrauð
Að henda í flatbrauð og grilla svo í ofninum er dásamlega fljótlegt og það er svo ljúffengt að ég fæ vatn í munninn við að hugsa um það, nýgrillað með ólífuolíu og Himalayasalti. Solla Eiríks (Gló) kenndi mér að búa til svona brauð.
03.12.2015 - 20:30
Kornfleksmuffinskökur – Afmæliskornflekskökur
Kornflekskökur eru sem himnasending fyrir örmagna foreldra sem eru að fara halda upp á afmæli barna sinna. Það tekur enga stund að búa þær til og allir elska þær. Við gerum þær líka oft á laugardagskvöldum. Svona sparikökur eru miklu hollari en flest búðarkeypt sælgæti... og líka miklu betri!
03.12.2015 - 20:30
Hafra- og bananalummur
Einstaka sinnum tek ég mig til og geri lummur á föstudögum í morgunmat. Það er voða gaman þegar ég nenni því. Þessar lummur eru snareinfaldar, fljótlegar og sérlega bragðgóðar. Þær hverfa alltaf hratt.
03.12.2015 - 20:30
Lífræn AB-jógúrt með chia-fræjum og hörfræolíu
Það skiptir miklu máli að hafa hægðirnar í lagi, fyrir ungabörn, jafnt sem okkur hin. Þar að auki skiptir miklu máli að borða fitu í hverri máltíð og að fá nægilegt magn af omega-3 fitusýrum. Frábært er að venja börn á lífræna jógúrt, hrærða saman við hörfræolíu og chia-fræ. Það er gott fyrir bæði heilann og meltinguna. Auk þess tek ég sjálf acidophilus-kúra oft yfir árið en það eru nauðsynlegir góðgerlar fyrir heilbrigðt ónæmiskerfi, meltingu, næringarupptöku og hægðalosun
26.11.2015 - 20:30
Fljótlegur og hollur haframjölseftirréttur
Stundum langar mann í eitthvað góðgæti strax; málið er brýnt og þolir enga bið! Þá tekur aðeins nokkrar mínútur að henda í þennan berjahaframjölseftirrétt sem er ómótstæðilegur með þeyttum rjóma… eða ís..
26.11.2015 - 20:30
Linsurétturinn með hrísgrjónunum
Þessi réttur kemur sko á óvart! Hann er svipaður pastanu sem ég gerði eitt sinn, að því leyti að ég bý hann til, þegar ég má ekki vera að því að elda eða nenni því ekki. Þetta er ljúffengur, ódýr og einfaldur matur, sem eldar sig sjálfur á meðan ég geri eitthvað allt annað! Þetta þurfa allir þreyttir foreldrar að kunna!
26.11.2015 - 20:30
Lárperusalsa
Ég geri alltaf fljótlegustu útgáfuna af lárperusalsanu af því ég er alltaf að drífa mig og mér finnst heldur enginn heima hjá mér kunna að meta of flóknar útgáfur af því. Athugið að salsað er líka sívinsælt álegg á ristað brauð og hrökkkex.
13.11.2015 - 17:21
 · Avocado · Matur · Uppskriftir · Elda með Ebbu · lárpera
Maríukaka Mörtu vinkonu
Þessi kaka er ein af mínum uppáhalds og ég held að hún eigi þann stað í hjörtum margra. Ég er búin að minnka sykurinn ögn og gera hana aðeins hollari. Það kemur hreint ekki niður á bragðinu!
13.11.2015 - 17:17
Sítrónuspaghettí – ítalskt sítrónupasta
Þessi ítalski spaghettíréttur er einfaldur, fljótlegur og sérlega ljúffengur. Hann sannar hið margkveðna, að minna er oftast svo miklu, miklu... meira.
13.11.2015 - 09:52
 · Matur · spagetthí · spagettí · Uppskriftir
Dásamlegt chili sin carne
Chili sin carne er dásamlegur chili pottréttur án kjöts. „Sin“ þýðir án. Í staðinn fyrir kjötið er fullt af grænmeti og baunum. Það hefur líklega ekki farið fram hjá mörgum að mér finnst afar hentugt að elda pottrétti og súpur. Þannig er svo auðvelt að koma grænmeti og baunum ofan í heimilisfólk.
11.11.2015 - 17:37
 · Matur · Uppskriftir · Ebba · Chili
  •