Færslur: Umhverfis- og auðlindaráðuneytið

Þjóðgarðurinn Snæfellsjökull stækkar á 20 ára afmælinu
Guðmundur Ingi Guðbrandsson, umhverfis- og auðlindaráðherra, undirritaði í gær reglugerð um stækkun Þjóðgarðsins Snæfellsjökuls. Þjóðgarðurinn á 20 ára afmæli í dag og hefur verið efnt til ýmissa viðburða að því tilefni.
Undirritun skilmála fyrir nýjum þjóðgarði frestast
Orkubú Vestfjarða hefur áhyggjur af því að fyrirhugaður þjóðgarður á Vestfjörðum muni standa í vegi fyrir nauðsynlegri uppbyggingu raforkuinnviða í landshlutanum. Skilmálar verða ekki undirritaðir 17. júní eins og upphaflega stóð til.
Kosið um nafn fyrir fyrirhugaðan þjóðgarð á Vestfjörðum
Dynjandisþjóðgarður og Vesturgarður eru meðal þeirra nafna sem hægt er að kjósa um fyrir fyrirhugaðan þjóðgarð á sunnanverðum Vestfjörðum. Fimm nöfn koma til greina en stefnt er að því að þjóðgarðurinn verði stofnaður eftir þrjár vikur.
Myndskeið
Vegrún merkir ferðamannastaði og náttúruperlur
Upplýsingaskilti þurfa að geta staðið af sér vinda og fönn og falla vel að umhverfi sínu. Nýtt samræmt skiltakerfi fyrir ferðamannastaði og náttúruperlur hefur verið tekið í notkun.
Myndskeið
„Eitt af stóru viðfangsefnunum sem blasa við okkur“
Það er alvarlegt mál hversu víða örplast er að finna, og nauðsynlegt að herða enn róðurinn í baráttunni gegn plastmengun. Þetta segir umhverfisráðherra. Hann vill að gerðir verði alþjóðlegir samningar til að berjast gegn því að plast berist í heimshöfin.
Myndskeið
Skoða að koma Snæfellsnesi á lista hjá UNESCO
Kanna á kosti þess að koma Snæfellsnesi á lista hjá UNESCO yfir svokölluð mann- og lífhvolfssvæði. Þetta yrði fyrsta slíka svæðið hér á landi. Man and biosphere, eða maður og lífhvolf er heiti áætlunar á vegum UNESCO með það að markmiði að efla samband íbúa og umhverfis. 714 slík svæði eru þegar til í 129 löndum.
Ísland sendir uppfærð loftslagsmarkmið til SÞ
Íslensk stjórnvöld hafa sent uppfærð markmið ríkisins í loftslagsmálum til skrifstofu Loftslagssamnings Sameinuðu þjóðanna. Markmiðin eru sameiginleg með Evrópusambandinu og Noregi, og fela í sér samdrátt í losun, um 55% eða meira til ársins 2030, miðað við árið 1990. Hlutur Íslands í markmiðinu er 29% samdráttur í losun til ársins 2030 miðað við árið 2005, varðandi losun utan viðskiptakerfis ESB.
Lagabreyting styttir umsagnartíma friðlýsingaráforma
Alþingi samþykkti í vikunni breytingu á náttúruverndarlögum sem heimilar umhverfisráðherra að setja reglugerð um kortlagningu óbyggðra víðerna. Slíkri kortlagningu er ætlað að vera til upplýsingar fyrir stjórnvöld við stefnumótun um verndun landslags og aðra landnotkun.
Regluverk um vindmyllur sanngjarnt og skilvirkt
Umhverfis- og auðlindaráðherra segir að nýtt regluverk um nýtingu vindorku sé bæði skilvirkt og sanngjarnt. Það þjóni bæði hagsmunum verndar og nýtingar. Samkvæmt drögum að frumvarpi og þingsályktunartillögu sem kynnt hafa verið í samráðsgátt stjórnvalda er lagt til að landinu verði skipt í þrjá hluta.
Vilja draga úr matarsóun um helming fyrir árið 2030
Starfshópur um aðgerðir gegn matarsóun leggur til að sett verði markmið um að draga úr matarsóun um helming á næstu tíu árum. Hver Íslendingur sóar 90 kílóum af mat árlega.
Ekki þarf veiðikort til músaveiða innandyra
Verði frumvarp um vernd, velferð og veiðar villtra fugla og spendýra að lögum verða allar veiðar á villtum fuglum og dýrum að vera sjálfbærar og lúta veiðistjórnun. Óheimilt verður að veiða ófleyga unga og ekki má veiða aðra fugla en lunda í háf. 
Samþykkja bann við plaströrum og einnota hnífapörum
Bannað verður að setja plasthnífapör, diska, sogrör og eyrnapinna úr plasti á markað hér á landi frá og með 3. júlí á næsta ári. Einnig er lagt bann við matar- og drykkjarílátum úr frauðplasti.
Viðtal
„Það verður allt, allt annað að taka við af okkur“
Drög að skýrslu um stjórnsýslu loftslagsmála eru ekki áfellisdómur heldur leiðarljós. Þetta er mat umhverfisráðherra. Þegar hafi verið brugðist við hluta gagnrýninnar í drögunum. Loftslagsráð bað Capacent að vinna skýrsluna en ráðherra pantaði hana. Loftslagsráð á nefnilega bæði að veita stjórnvöldum aðhald og vinna verkefni fyrir ráðherra, þetta tvöfalda hlutverk ráðsins er eitt af fjölmörgum atriðum sem var gagnrýnt í skýrsludrögunum.
Fáninn á of stuttri stöng við friðlýsingu Geysis
Athöfn um friðlýsingu Geysissvæðisins fór fram í gær þegar umhverfisráðherra skrifaði formlega undir friðlýsinguna. Íslenska þjóðfánanum var stillt upp á stöng við tilefnið. Svo virðist sem ekki hafi verið farið að fánareglum við athöfnina. Þjóðfáninn var á of stuttri stöng miðað við stærð fánans. 
Stækka fólkvanginn Hlið á Álftanesi
Guðmundur Ingi Guðbrandsson, umhverfis- og auðlindaráðherra, hefur undirritað auglýsingu um stækkun friðlýsingar fólkvangsins Hliðs á Álftanesi. Með stækkuninni er landsvæði þar sem áður var gert ráð fyrir byggingarlóðum orðið hluti fólkvangsins.