Færslur: Umferðareftirlit

57 teknir fyrir of hraðan akstur
Brot 57 ökumanna voru mynduð á Vesturlandsvegi í Reykjavík í gær. Fylgst var með ökutækjum sem ekið var Vesturlandsveg í suðurátt að Víkurvegi eftir hádegi. Einungis um 5% óku of hratt en um 1.218 ökutæki óku þessa akstursleið á þeirri klukkustund sem fylgst var með akstri. Meðalhraði þeirra sem óku of hratt var 92 kílómetrar á klukkustund en hámarkrshraði á götunni er 80.
30.05.2020 - 21:30
Þrjú fíkniefnamál komu upp á Lauf­skála­rétt
Þrjú fíkniefnamál komu á borð lögreglunnar á Norðurlandi vestra um helgina en réttað var í Lauf­skála­rétt í Hjaltadal á laugardag. Samkvæmt tilkynningu frá lögreglunni var um talsvert magn að ræða sem talið er að hafi verið ætlað til sölu á svæðinu.
Fleiri hraðakstursbrot eftir hækkun sekta
Hraðakstursbrotum fjölgaði um tvö þúsund á höfuðborgarsvæðinu yfir sumartímann í fyrra þrátt fyrir að sektir hefðu verið hækkaðar og allt að fjórfaldaðar það ár. 
Hraðasektir fyrir tvær milljónir um helgina
Lögreglan á Suðurlandi innheimti hraðasektir við Vík og Kirkjubæjarklaustur fyrir samtals rúmlega 2,2 milljónir króna um síðustu helgi. Þessi upphæð miðast við þá sem greiddu á staðnum með korti. Ótaldir eru þeir sem ekki gátu greitt á strax og fá sendan greiðsluseðil.
125 ökumenn keyrðu of hratt á Norðvesturlandi
Það var mikið að gera hjá lögreglunni á Norðurlandi-vestra um helgina í verkefnum tengdum umferð. Margir óku of hratt og einn var tekinn fyrir akstur undir áhrifum fíkniefna.
25.02.2019 - 10:50
Öryggi barnanna í ólagi við leikskóla
Lögreglan á Suðurnesjum segir að niðurstöður umferðareftirlits við leikskóla í Reykjanesbæ hafi ekki verið góðar. Verið var að kanna notkun öryggisbúnaðar ökumanna og barna um borð í bílunum á leið í leikskólann. Í ljós kom að allt of margir hafi ekki verið með öryggismálin í lagi.
08.01.2019 - 21:58
Umferð um Selfoss þung og hreyfist hægt
Umferð í gegnum Selfoss og vestureftir er þung og hreyfist hægt, segir lögregla. Umferðin hafi sennilega náð hámarki núna um fimmleytið. Ökumenn hafa verið til fyrirmyndar í umferðinni þrátt fyrir að nokkrir hafi farið of snemma af stað eftir skemmtun helgarinnar, skrifar lögreglan á Suðurlandi á Facebook.
Ofsaakstur á Reykjanesbraut
Þrír ökumenn voru stöðvaðir fyrir ofsaakstur á Reykjanesbraut við Kópavog í gærkvöldi og nótt.
13.05.2018 - 08:04
Á 137 km hraða með fjögur börn í aftursætinu
Í gær stöðvaði lögreglan á Norðurlandi vestra erlendan ökumann á 137 kílómetra hraða, þar sem hámarkshraði er 90 kílómetrar á klukkustund. Maðurinn var á bílaleigubíl, fjögur börn voru í aftursætinu og bíllinn ótryggður.
02.05.2018 - 10:05
47% tala í síma undir stýri
Þeim fækkar á milli ára sem segjast nota síma undir stýri. 47 prósent þeirra sem svöruðu könnun MMR segjast hafa talað í farsíma undir stýri án handfrjáls búnaðar á síðustu 12 mánuðum.
07.12.2017 - 17:40
Minna öryggi eftir því sem börn eru eldri
Tvö prósent barna eru laus í bílnum í dag, samkvæmt árlegri könnun Samgöngustofu. Þetta er mikill munur frá því Samgöngustofa byrjaði að kanna öryggi barna í bílum árið 1985, þá voru um 80 prósent barna voru laus í bílnum.
21.11.2017 - 11:23
Sektir fyrir farsímanotkun verði áttfaldaðar
Um 500 manns eru sektaðir árlega fyrir farsímanotkun undir stýri en varðstjóri hjá lögreglu telur sektirnar svo lágar að ökumönnum sé sama um þær. Ríkissaksóknari hefur lagt til að þær verði verði áttfaldaðar. Sekt fyrir að nota farsíma undir stýri er nú 5.000 krónur, en hún lækkar í 3.750 krónur ef hún er greidd innan mánaðar.
04.07.2017 - 22:09
Hraðakstur og sleifarlag í stærri bílum
Lögreglan á Suðurlandi tók 33 ökumenn fyrir of hraðan akstur undanfarna viku. Þar af voru 15 teknir á milli Víkur í Mýrdal og Hafnar í Hornafirði, en þar hefur mikið verið um hraðakstur síðustu vikur. Lögreglumenn á Suðurlandi og úr Umferðareftirlitsdeild lögreglunnar höfðu afskipti af allmörgum stærri bílum í vikunni, þar sem notkun bílbelta, ökurita, hvíldartíma ökumanna og fleira var ábótavant.
14.03.2016 - 14:49
Aukin hraðagæsla á Suðurlandi?
Lögreglan á Suðurlandi kærði 18 ökumenn fyrir of hraðan akstur í síðustu viku. Flestir þeirra voru á hringveginum á milli Kirkjubæjarklausturs og Hafnar. Á þeirri leið urðu nokkur alvarleg umferðarslys á síðasta ári.
13.01.2016 - 16:23