Færslur: umferð

Umferð á höfuðborgarsvæðinu 2% minni en í fyrra
Umferðin á höfuðborgarsvæðinu var tveimur prósentum minni í liðinni viku en í sömu viku á síðasta ári.
26.01.2021 - 07:04
Minni eldsneytissala rakin til fækkunar ferðamanna
Eldsneytissala seinustu þrjá mánuði ársins 2020 var 9,6 prósent minni en á fjórða ársfjórðungi ársins 2019. Fækkun ferðamanna á vegum landsins hefur mest áhrif á þann samdrátt.
25.01.2021 - 13:00
100 þúsund færri bílar um Vaðlaheiðargöng
Um eitthundrað þúsund færri bílar keyrðu um Vaðlaheiðargöng á nýliðnu ári en árið tvöþúsund og nítján. Áætlað er að tekjur dragist saman um tuttugu prósent milli ára.
18.01.2021 - 21:34
Lúmsk glerhálka á höfuðborgarsvæðinu
Fljúgandi hálka er víða á höfuðborgarsvæðinu nú í morgunsárið og rétt er að vara ökumenn við því. Glæran sést ekki vel á götum og hálkan því lúmsk. Samkvæmt upplýsingum frá Vegagerðinni er greiðfært á Reykjanesbraut, en vetrarfærð í flestum landshlutum, hálka, hálkublettir og snjóþekja.
17.01.2021 - 08:10
Tafir á umferð um Hvalfjarðargöng vegna bilaðs bíls
Hvalfjarðargöngum var lokað um klukkan hálfátta í kvöld vegna bilaðrar bifreiðar. Löng röð myndaðist beggja vegna gangnanna en um hálftíma tók að koma bifreiðinni á brott samkvæmt upplýsingum frá Vegagerðinni.
15.01.2021 - 20:06
Ekkert banaslys í færeyskri umferð árið 2020
Enginn lést í umferðarslysi í Færeyjum árið 2020 samkvæmt opinberum bráðabirgðatölum umferðareftirlits þar í landi. Þetta er í annað sinn á undanförnum þremur árum sem umferðin kostar ekki mannslíf í Færeyjum.
06.01.2021 - 03:23
Í fyrsta sinn farast færri en 100 í norskri umferð
Í fyrsta skipti frá því að mælingar hófust, fórust færri en eitt hundrað á einu ári í bílslysum í Noregi. Árið 2020 létust 95 á norskum vegum sem er 13 færri en árið áður að sögn Ingrid Dahl Hovland vegamálastjóra.
03.01.2021 - 03:38
Ökumaður stöðvaður á Selfossi eftir vítaverðan akstur
Akstur fólkbifreiðar var stöðvaður í hringtorgi vestan Selfoss með því að lögreglubifreið var ekið utan í hana.
Austureyjagöngin í Færeyjum opnuð á morgun
Austureyjagöngin í Færeyjum verða opnuð við mikla viðhöfn klukkan 11 á morgun laugardag. Jørgen Niclasen samgöngumálaráðherra klippir á borða og verður fyrstu til að aka í gegn en göngin verða opin fyrir almenna umferð frá hádegi á morgun.
19.12.2020 - 01:26
Afnámi ívilnunar við kaup tengiltvinnbíla frestað
Alþingi hefur ákveðið að fresta fyrirhugaðri niðurfellingu ívilnunar sem tengiltvinnbílar hafa notið í formi lækkaðs virðisaukaskatts, samkvæmt heimildum Morgunblaðsins í dag.
17.12.2020 - 05:38
Hvetja Akureyringa til að velja annað en nagladekk
Akureyrarbær hvetur bíleigendur til að velja aðra kosti en nagladekk þegar þeir skipta yfir á vetrardekkin. Undanfarin ár hafi um 75% bíleigenda valið að aka um á nagladekkjum.
11.11.2020 - 14:16
Myndskeið
Umferðarslysum hefur fækkað um 30%
Umferðarslysum á Suðurlandi hefur fækkað um þrjátíu prósent síðan faraldurinn braust út. Lögreglan hefur haft meira svigrúm til þess að sinna hvers konar sóttvarnaeftirliti í staðinn.
Þriðja bylgjan hefur minni áhrif á neyslu en sú fyrsta
Þriðja bylgja heimsfaraldurs kórónuveirunnar virðist hafa minni áhrif á neyslu Íslendinga en sú fyrsta gerði. Neyslan er nú svipuð og var á sama tíma í fyrra en dróst tímabundið saman um tuttugu af hundraði í fyrstu bylgju.
Nanóagnir í heila
Stefán Gíslason fjallar um örsmá efni í mengun, til dæmis frá umferð, sem getur ýtt undir alvarlega sjúkdóma í fólki.
18.10.2020 - 12:59
Tekjur Vaðlaheiðarganga dragast saman
Tæpar 60 milljónir króna vantar upp á að tekjur af umferð um Vaðlaheiðargöng fyrstu átta mánuði ársins verði þær sömu og á sama tímabili í fyrra. Framkvæmdastjóri ganganna býst við meiri samdrætti á næstu vikum. Þetta hefur áhrif á greiðslugetu félagsins af láni til ríkissjóðs, en greiðslur eiga að hefjast um mitt næsta ár.
14.10.2020 - 13:39
Hafnarfjarðarvegi lokað til suðurs - umferð um hjáleið
Hafnarfjarðarvegur verður lokaður til suðurs í dag, laugardaginn 10. október milli klukkan 8 og 18 vegna vinnu við vegamót Hafnarfjarðarvegar og Vífilsstaðavegar í Garðabæ.
10.10.2020 - 08:45
Næstum sjö af hverjum tíu nýjum bílum eru nýorkuknúnir
Flestir nýir bílar sem skráðir hafa verið á þessu ári eru svokallaðir nýorkubílar. Þar er átt við rafmagnsbíla, tengiltvinnbíla, hybrid- og metanbíla.
05.10.2020 - 19:12
Göngugötur í Kvosinni til framtíðar
Umhverfis- og skipulagssvið Reykjavíkurborgar hefur lagt til breytingar á umferðarskipulagi í Kvosinni. Þar er gert ráð fyrir að kjarni Kvosarinnar verði göngugötusvæði til framtíðar og að göturnar í kring verði vistgötur. Sigurborg Ósk Haraldsdóttir, formaður skipulags- og samgönguráðs Reykjavíkurborgar, segir að hugmyndin sé að gefa mannlífi meira pláss í Kvosinni.
23.09.2020 - 16:52
Allt í sóma á skemmtistöðum höfuðborgarsvæðisins
Lögreglan á höfuðborgarsvæðinu hafði eftirlit með sóttvörnum á samkomustöðum og lokun skemmtistaða og kráa í gærkvöldi. Lögreglumenn sóttu á sjötta tug samkomustaða heim um alla borg.
Helmingur bílstjóra vill ferðast öðruvísi
Mikill munur er á hlutfalli þeirra sem fara um á einkabíl og þeirra sem vilja helst ferðast á þann máta. Fólk myndi frekar vilja fara um á hjóli, fótgangandi eða í strætó. Þetta sýna niðurstöður nýrrar könnunar. „Fólk segir að það sé of langt til að ganga, að veðrið sé ekki nógu gott til að hjóla, tímaskortur, á ekki reiðhjól, lélegt leiðakerfi strætó, fólk segist þurfa að nota bílinn í vinnu" segir Birgir Rafn Baldursson viðskiptatengill hjá Maskínu sem kom að framkvæmd könnunarinnar.
17.09.2020 - 15:17
 · Innlent · Ferðalög · umferð · samgöngumál
Kona með barn slapp naumlega undan bíl á göngugötu
Hársbreidd munaði að ekið yrði á konu með ungt barn á göngugötu á Laugavegi í morgun. Ásgeir Þór Ásgeirsson yfirlögregluþjónn hjá lögreglunni á höfuðborgarsvæðinu segir þetta sýna hvað geti gerst á göngugötum þar sem engar hindranir séu fyrir bílaumferð.
Ökuapp VÍS: Segir þurfa að fara vel yfir heimildir
Tryggingafélagið VÍS auglýsir þessa dagana eftir fólki til að prófa nýtt app sem fylgist með aksturslagi fólks. Einkunn fyrir akstur getur haft áhrif á verð bílatrygginga þeirra sem fá sér appið. Forstjóri Persónuverndar, Helga Þórisdóttir, segir að viðskiptavinir þurfi almennt að velta því fyrir sér hvort þeir vilji gefa eftir hluta af friðhelgi einkalífsins fyrir lægri reikning.
25.08.2020 - 20:02
Ótryggð ökutæki valda tugmilljóna tjóni árlega
Milljónatjón hlýst ár hvert af ótryggðum ökutækjum í umferð. Þau eru nú um 2600 á Íslandi. Herða þarf eftirlit til að fækka þeim og taka upp sektakerfi líkt og gerist erlendis.
25.08.2020 - 04:54
13% meiri umferð í júlí en í júní
Umferðin á Hringveginum í júlí var 13% meiri en í júnímánuði og 3,4% minni en í júlí í fyrra. Þetta kemur fram í nýrri samantekt Vegagerðarinnar. Þar segir að yfir allt árið gæti umferðin á hringveginum verið 10% minni í ár en í fyrra. Sunnudagar eru þeir vikudagar þar sem umferð hefur dregist mest saman og frá áramótum hefur umferð dregist saman um 12,1% miðað við sama tímabil í fyrra.
04.08.2020 - 17:37
Óvenjulítil umferð á frídegi verslunarmanna
Oddur Árnason, yfirlögregluþjónn hjá lögreglunni á Suðurlandi, segir að liðin helgi hafi verið afskaplega friðsæl og umferð hefur sömuleiðis gengið vel. Oddur segir að umferðin á Hellisheiði hafi verið um þrjátíu prósentum minni en venjulega á frídegi verslunarmanna.
03.08.2020 - 17:29