Færslur: Tjáningarfrelsi

Rússneskur blaðamaður dæmdur til 22 ára fangelsisvistar
Rússneski blaðamaðurinn Ivan Safronov var í gær dæmdur til 22 tveggja ára fangelsisvistar fyrir landráð, sem er einn lengsti fangelsisdómur sem fallið hefur í landinu fyrir þá ákæru. Stjórnvöld í Rússlandi segja Safronov hafa haft undir höndum leynileg gögn, meðal annars um rússneska herinn og leynileg milliríkjasamskipti.
Takmarka netnotkun stjórnarandstæðings í Rússlandi
Yevgeny Roizman, einn þeirra fáu stjórnarandstæðinga sem eftir eru í Rússlandi, var handtekinn á heimili sínu í Yekaterinburg í gær en sleppt aftur í dag. Roizman er fyrrum borgarstjóri Yekaterinborgar og var handtekinn fyrir að gagnrýna innrás Rússa í Úkraínu og fyrir að nota orðið innrás um hernaðinn. Hann gæti átt allt að þriggja ára fangelsi yfir höfði sér.
25.08.2022 - 21:06
Sameinuðu þjóðirnar fordæma 34 ára dóm fyrir tíst
Sameinuðu þjóðirnar hafa fordæmt stjórnvöld í Sádi-Arabíu eftir að kona var dæmd í 34 ára fangelsi fyrir að hafa gagnrýnt yfirvöld í færslum á Twitter.
19.08.2022 - 13:22
Viðtal
Skylda presta að beita sér í umræðu um minni máttar
Hjalti Hugason, prófessor emeritus í guðfræði, telur að það prestum beri skylda til að beita sér í umræðu um málefni sem snúa að þeim sem eru minni máttar. Kveðið sé á um það í siðareglum presta.
02.06.2022 - 10:16
„Lögreglan er bara að vinna sína vinnu“
„Ég hef í sjálfu sér enga skoðun á því. Ég held að lögreglan sé bara að vinna sína vinnu skv. þeim lögum sem um það gilda,“ segir Jón Gunnarsson dómsmálaráðherra. Fréttastofa RÚV innti hann eftir skoðun á því að fjórir blaðamenn séu með réttarstöðu sakbornings í rannsókn lögreglunnar á meintum brotum gegn friðhelgi einkalífs.
Sjónvarpsfrétt
Afar ólíklegt að blaðamennirnir fjórir verði ákærðir
Hæstaréttarlögmaður telur afar ólíklegt að ákæra verði gefin út á hendur blaðamönnunum fjórum fyrir meint brot gegn friðhelgi einkalífs með skrifum sínum um starfsmenn Samherja. Þekkt sé að mál gegn blaðamönnum sé höfðað til að fæla þá frá fréttaskrifum.
Fréttaskýring
Frá áfengiskaupum dómara til skrifa um skæruliðadeild
Ákvörðun Lögreglunnar á Norðurlandi eystra að kalla fjóra blaða- og fréttamenn til yfirheyrslu með réttarstöðu sakbornings hefur vakið umræður um hvað fjölmiðlar mega og mega ekki fjalla um. Lengi hefur verið tekist á um það hérlendis. Til dæmis neitaði Arnar Páll Hauksson, þáverandi fréttamaður RÚV, að svara spurningum lögmanns forseta Hæstaréttar um heimildarmann sinn þegar hann kom upp um stórfelld áfengiskaup forsetans. Það mál var fyrirmynd áfengiskaupa ráðamanna í þáttaröðinni Verbúðin.
Friðarverðlaun Nóbels
Vara við falsfréttum, hatursáróðri og alræðishyggju
Blaðamennirnir Maria Ressa frá Filippseyjum og Dmitry Muratov frá Rússlandi tóku í gær við friðarverðlaunum Nóbels í Osló. Þau lýstu áhyggjum af fjölmiðlafrelsi, upplýsingaóreiðu, falsfréttamennsku og misnotkun bandarískra samfélagsmiðla og netrisa á yfirburðastöðu sinni. Þau Ressa og Muratov voru verðlaunuð fyrir ómetanlegt „framlag þeirra til að verja tjáningarfrelsið, frumforsendu lýðræðis og varanlegs friðar.“
Ávíta Rússa vegna skorts á fjölmiðlafrelsi
Bandaríkin og sautján bandalagsríki þeirra brýna fyrir Rússum að vernda tjáningarfrelsi fjölmiðla í landinu. Þau gagnrýna mjög það sem þau nefna herferð rússneskra stjórnvalda gegn sjálfstæðum fjölmiðlum af erlendum uppruna í landinu.
RSÍ fordæmir aðför Samherja að æru og málfrelsi
Aðalfundur Rithöfundasambands Íslands (RSÍ) segir í ályktun að með öllu ólíðandi sé að stundaðar séu ofsóknir, njósnir og skæruhernaður gegn fréttamönnum, rithöfundum og öðrum sem taka þátt í opinberri umræðu í samfélaginu.
Hættir athugun á lokadögum í starfi
Umboðsmaður Alþingis telur ekki ástæðu til að halda áfram almennri athugun á því hvort brotið sé á tjáningarfrelsi opinberra starfsmanna. Hann segir að í ljósi nýlegrar lagasetningar sem styrki tjáningarfrelsi opinberra starfsmanna sé rétt að sjá hver reynslan af því verður. Hann tekur þó fram að framkvæmd laganna falli undir eftirlit umboðsmanns Alþingis og að fólk geti komið kvörtunum og ábendingum á framfæri við embættið telji það tilefni til.
28.04.2021 - 11:06
„Einkenni þess að við búum í þöggunarmenningu“
Þingmenn Pírata lýstu áhyggjum af stöðu fjölmiðlafrelsis hér á landi og tjáningarfrelsis hér á landi á Alþingi í dag. Bæði ríki og Alþingi þurfi að sýna að þau skilji mikilvægi frjálsrar fjölmiðlunar, fjölmiðlafrelsi og tjáningarfrelsi.
27.04.2021 - 15:10
Ummæli Helga Seljan brot á siðareglum en önnur ekki
Siðanefnd RÚV vísar ýmist frá eða metur svo að siðareglur hafi ekki verið brotnar vegna um­mæla tíu starfs­manna RÚV á samfélagsmiðlum um Sam­herja. Nokkur ummæli Helga Seljan, eins stjórnanda fréttaskýringarþáttarins Kveiks, voru talin fela í sér alvarlegt brot. Engin efnisleg afstaða var tekin til fréttaflutningsins sjálfs. Samherji kærði 11 starfsmenn RÚV til siðanefndarinnar.
Mótmæli í Barselóna, sjötta kvöldið í röð
Sjötta daginn í röð flykktust mótmælendur út á götur Barselónaborgar til að segja álit sitt á fangelsun rapparans Pablos Haséls, sem dæmdur var og fangelsaður fyrir óvirðingu við konungsfjölskylduna og það sem dómurinn segir vera „upphafningu hryðjuverka" í textum hans og færslum á Twitter. Líkt og fimm undanfarin kvöld tók að hitna í kolunum þegar kvölda tók, en þó ekki jafn mikið og áður, enda farið að fækka nokkuð í hópi mótmælenda.
21.02.2021 - 23:56
Fangelsun rappara mótmælt fjórða kvöldið í röð
Mótmælendur hafa flykkst út á stræti Barselóna og fleiri spænskra borga í kvöld, fjórða kvöldið í röð, til að mótmæla dómi og fangelsun rapparans Pablos Haséls. Mótmælin voru þó heldur fámennari í kvöld en áður. Í Barselóna söfnuðust nokkur hundruð mótmælenda saman á torgi í miðborginni, kröfðust frelsis fyrir Hasél og sökuðu spænska fjölmiðla um að ganga erinda yfirvalda.
20.02.2021 - 00:18
Handtöku rappara mótmælt þriðja kvöldið í röð á Spáni
Efnt var til mótmæla í Barselóna og fleiri borgum Spánar í gærkvöld, þriðja kvöldið í röð, vegna handtöku og fangelsunar rapparans Pablos Haséls, sem dæmdur var í níu mánaða fangelsi fyrir óvirðingu við konungsfjölskylduna og „upphafningu hryðjuverka" í textum sínum og færslum á Twitter. Til átaka kom milli lögreglu og mótmælenda í gærkvöld líkt og fyrri kvöldin tvö.
19.02.2021 - 02:51
Þúsundir mótmæla handtöku rappara á Spáni
Til harðra átaka kom milli mótmælenda og lögreglu í Barcelona og Madríd á miðvikudagskvöld, eftir handtöku rapparans Pablo Hasél. Hasél, sem var dæmdur fyrir að móðga spænsku konungsfjölskylduna og hvetja til hryðjuverka, var handtekinn síðdegis á þriðjudag. Þá strax brutust út harkaleg mótmæli í nokkrum borgum, sem víða þróuðust út í átök og óspektir. Grímuklæddir mótmælendur köstuðu flöskum og öðru lauslegu að óeirðalögreglu, veltu ruslatunnum og reistu götuvígi.
Heimskviður
Drepin vegna starfa sinna
Í vikunni hófust í París réttarhöld yfir mönnum sem sakaðir eru um aðild að skotárás á ritstjórnarskrifstofu franska blaðsins Charlie Hebdo fyrir fimm árum. Þau ellefu sem voru myrt í vinnunni þennan janúardag í París eru ekki einu blaðamennirnir sem ekki fá að snúa aftur heim eftir vinnu. Bara í ár hafa 17 fréttamenn látist vegna vinnu sinnar, meirihluti þeirra var myrtur.
05.09.2020 - 07:30
Maria Ressa dæmd en berst ótrauð áfram
Maria Ressa, fillippseyskur blaðamaður og eigandi fréttavefsins Rappler, var í dag dæmd fyrir meiðyrði. Hún hefur strengt þess heit að halda áfram að berjast fyrir frelsi fjölmiðla.
15.06.2020 - 02:59
Mannréttindadómstóllinn vísaði máli Carls Jóhanns frá
Mannréttindadómstóll Evrópu hefur úrskurðað að mál Carls Jóhanns Lilliendahl, sem dæmdur var fyrir hatursorðræðu í Hæstarétti Íslands fyrir þremur árum, sé ekki tækt til efnismeðferðar. Málinu var því vísað frá.
Fréttaskýring
Lögregluofbeldi og einræðistilburðir á óvissutímum
Leiðtogar nýta tækifærið til að herða tökin um valdataumana. Lögregla beitir borgara ofbeldi og rétturinn til tjáningar og friðhelgi einkalífs víkur fyrir boðum og bönnum. Mannréttindabrot eru áhyggjuefni nú þegar farsótt breiðist um heiminn og fjöldi ríkja hefur lýst yfir neyðarástandi. 
Gagnrýna fjölmiðlafrumvarpið í umsögnum
Héraðsfréttamiðlar eru óánægðir með skilyrði um stuðning í fjölmiðlafrumvarpi um fjölda tölublaða. Kjarninn vill að endurgreiðsluhlutfall frumvarpsins verði hækkað. Lögfræðiprófessor bendir á að tilbúið frumvarp sem ætlað sé að styrkja tjáningarfrelsi hafi ekki enn verið lagt fram á Alþingi. Fimm umsagnir hafa borist um fjölmiðlafrumvarpið til allsherjar- og menntamálanefndar Alþingis. Umsagnarfrestur rennur út í dag.
10.01.2020 - 12:12
Ærumeiðingar verða ekki refsiverðar
Dómsmálaráðherra hefur lagt fram frumvarp á Alþingi um bætur vegna ærumeiðinga. Það felur í sér að ærumeiðingar varða ekki lengur við hegningarlög og verða því ekki refsiverðar.
Viðtal
Bylting að birta málaskrár ráðuneyta
Málaskrár ráðuneytanna verða aðgengilegar að hluta á vefnum, verði tillögur nefndar um löggjöf á sviði tjáningarfrelsis að lögum. Á dögunum skilaði nefndin af sér drögum að níu frumvörpum.
10.03.2019 - 16:00
Tjáningarfrelsi sé ekki skert án ríkra ástæðna
Davíð Þór Björgvinsson, landsréttardómari og rannsóknarprófessor við Háskóla Íslands, segir að það þurfi að standa sérstakan vörð um tjáningarfrelsið. Háværar kröfur séu í samfélaginu um að þagga niður í fólki með óæskilegar skoðanir. 
07.11.2018 - 09:59