Færslur: þórhildur sunna ævarsdóttir

Lögregla kemur á fund allsherjarnefndar vegna fánanna
Beiðni Þórhildar Sunnu Ævarsdóttur, þingmanns Pírata, um að fulltrúar lögreglunnar á höfuðborgarsvæðinu og ríkislögreglustjóra komi á fund allsherjar-og menntamálanefndar til að ræða rasisma innan lögreglunnar og aðferðir til þess að sporna við honum, var samþykkt á fundi nefndarinnar í morgun.
Morgunútvarpið
Þórhildur Sunna: Tyrklandsheimsókn Róberts réttlætanleg
Það er réttlætanlegt að Róbert Spanó, forseti Mannréttindadómstóls Evrópu, hafi farið í opinbera heimsókn til Tyrklands. Þetta er mat Þórhildar Sunnu Ævarsdóttur mannréttindalögfræðings og þingmanns Pírata sem var gestur Morgunútvarps Rásar tvö í morgun. Fulltrúar dómstólsins verða að vera óhlutdrægir gagnvart sínum aðildarríkjum, hefði Róbert ekki þegið boðið hefði það verið til marks um hið gagnstæða.
Telur sig ekki skulda Þorvaldi og Lars afsökunarbeiðni
Bjarni Benediktsson fjármálaráðherra telur sig ekki þurfa að biðja Þorvald Gylfason og sænska hagfræðiprófessorinn Lars Calmfors afsökunar. Þetta sagði hann í svari við fyrirspurn Þórhildar Sunnu Ævarsdóttur, þingmanns Pírata, á Alþingi í morgun.
Kastljós
Vinna nefndarinnar varð marklaus vegna upphlaupa
Þórhildur Sunna Ævarsdóttir, þingmaður Pírata, gagnrýndi harðlega viðhorf forsætisráðherra um að telja það góð málalok að ljúka frumkvæðisathugun stjórnskipunar- og eftirlitsnefndarinnar í ósætti fremur en með efnislegri meðferð. Hún sagði vinnu nefndarinnar vegna athugunar á hæfi Kristjáns Þórs Júlíussonar og stöðu hans gagnvart Samherja hafi verið orðna marklausa.
Óttast að trúverðugleiki nefndarinnar hafi beðið hnekki
Fulltrúi Sjálfstæðisflokks í stjórnskipunar- og eftirlitsnefnd Alþingis óttast að trúverðugleiki nefndarinnar hafi beðið hnekki eftir að þrír þingmenn hennar samþykktu að hefja frumkvæðisathugun á því hvernig sjávarútvegsráðherra metur hæfi sitt gagnvart Samherja. Miklar deilur spruttu upp á fundi nefndarinnar þegar þetta var samþykkt.