Færslur: Þjóðskrá Íslands
Alls eru 47,3% íbúa Mýrdalshrepps erlendir ríkisborgarar, 361 af 764 íbúum hreppsins. Það er hæsta hlutfall fólks af erlendum uppruna í nokkru sveitarfélagi á landinu. Fjöldi erlendra ríkisborgara á Íslandi er 51.367 eða að jafnaði 14% þegar horft er til allra sveitarfélaga landsins.
25.01.2021 - 13:29
Erlendum ríkisborgurum fjölgaði hér á landi í nóvember. Þá búa ríflega tvö þúsund fleiri útlendingar hér en gerðu fyrir ári. Næstum fjórði hver útlendingur búsettur hér á landi er án vinnu en þegar litið er til allra landsmanna er einn af hverjum átta án vinnu. Útlendingum hér gengur verr að fá vinnu en Íslendingum.
14.12.2020 - 18:15
Það sem áður hét utangarðsskrá í bókum Þjóðskrár Íslands heitir nú kerfiskennitöluskrá, í samræmi við hugtakanotkun í nýrri löggjöf um skráningu einstaklinga hér á landi. Eiríkur Rögnvaldsson, fyrrverandi prófessor í íslenskri málfræði, gerði hugtakið „utangarðsskrá“ að umræðuefni um mánaðamótin síðustu og sagði notkun Þjóðskrár á þessu gildishlaðna orði hreinlega misnotkun á tungumálinu og stofnuninni til háborinnar skammar.
13.11.2020 - 04:00
Hátt í 28 þúsund Íslendingar voru skráðir utan trú- og lífskoðunarfélaga 1. október síðastliðinn. Það eru um sjö af hverjum hundrað landsmönnum.
09.10.2020 - 16:46
Síðustu átta mánuði fjölgaði íbúum hlutfallslega mest í Tjörneshreppi eða um 11%. Lítilsháttar fækkun varð í tveimur landshlutum, Vestfjörðum og á Norðurlandi eystra.
14.09.2020 - 15:18
Börn sem fæðast andvana eftir 22.viku meðgöngu fá kennitölu nái breytingar á lögum um skráningu einstaklinga fram að ganga. Drög að frumvarpi þessa efnis eru nú til umsagnar í samráðsgátt stjórnvalda.
13.09.2020 - 10:05
Þjóðskrá Íslands gaf út mun færri íslensk vegabréf í júlí á þessu ári en í sama mánuði í fyrra. Gefin voru út 2.947 vegabréf í júlí í fyrra en aðeins 1.218 í júlí í ár. Fækkunin er 59 prósent.
31.08.2020 - 21:28
50.701 erlendur ríkisborgari var búsettur hér á landi um síðustu mánaðamót. Það jafngildir því að einn af hverjum sjö, sem búa hér á landi sé erlendur ríkisborgari, eða um 14% landsmanna. Flestir í þessum hópi koma frá Póllandi og næstflestir frá Litháen.
20.07.2020 - 16:29
Íbúum á Norðurlandi vestra fjölgaði hlutfallslega mest á fyrstu mánuðum ársins. Fækkun varð á Vestfjörðum og Norðurlandi eystra. Sveitarstjórinn í Skagafirði segir að hæg fjölgun hafi orðið síðustu þrjú til fjögur ár, eftir mögur ár þar á undan.
07.07.2020 - 15:46
Selveiði hækkar fasteignamatið þó hún sé bönnuð
Fasteignamat næsta árs var kynnt fyrir sléttri viku. Það hækkaði um 2,1% frá fyrra ári. Árlega endurmetur Þjóðskrá virði allra fasteigna á Íslandi, alls ríflega 200 þúsund eignir og notar til þess flókin reiknilíkön. Það getur verið strembið að meta virði fasteigna, sérstaklega á minni stöðum. Matið í ár var að hluta til unnið með hjálp gervigreindar.
09.06.2020 - 16:47
