Aðfararnótt frídags verslunarmanna var óvenju kyrrlát í Vestmannaeyjum, annað árið í röð. Lögreglan í Vestmannaeyjum sagði þó nokkuð af fólki í eynni, en allt hefði gengið vel þrátt fyrir samkomur í heimahúsum.

Annað árið í röð var Þjóðhátíð í Vestmannaeyjum aflýst og engin formleg dagskrá. Bæjarstjórinn segir Eyjamenn taka þessu af æðruleysi og reyna að skemmta sér innan marka þeirra takmarkana sem nú eru við lýði.

Yfirlögregluþjónn í Vestmannaeyjum á von á því að stórir hópar brottfluttra Eyjamanna flykkist heim um helgina auk gesta. Þó að Þjóðhátíð hafi formlega verið aflýst komi fjölskyldur og vinahópar saman og haldi í hefðina. Aukinn viðbúnaður verður hjá lögreglu um helgina og þrefalt fleiri á vakt en alla jafna. Flestar hátíðir hafa verið blásnar af og víða býst lögregla við rólegri verslunarmannahelgi, viðbúnaður hefur þó verið aukinn á sumum stöðum og bætt í umferðareftirlit.

Hörður Orri Grettisson, formaður Þjóðhátíðarnefndar ÍBV, sendi rétt í þessu frá sér tilkynningu þess efnis að Þjóðhátíð 2021 væri frestað. Ekki er þó enn útséð um að hún verði haldin síðar í sumar eða haust.

Nú er ljóst að ekki verður af þjóðhátíð í Eyjum um verslunarmannahelgi fremur en öðrum stórum mannamótum en nýjar sóttvarnareglur taka gildi á miðnætti annað kvöld. Fjöldatakmarkanir miðast við 200 manns, eins metra nálægðarregla verður tekin upp og börum og skemmtistöðum verður gert að loka á miðnætti. Hörður Orri Grettisson, formaður Þjóðhátíðarnefndar, segir þetta mikil vonbrigði og að það sé til skoðunar að halda þjóðhátíð seinna í ágúst en nýju reglurnar eru í gildi til 13.ágúst.

Forvarnarhópurinn Bleiki fíllinn, samtökin Öfgar og konur úr hópnum Aktívismi gegn nauðgunarmenningu skora á Tryggva Má Sæmundsson, ritstjóra vefmiðilsins Eyjar.net, að birta nöfn þeirra sem settu nafn sitt við undirskriftarlista hans til þjóðhátíðarnefndar.

Magnús Kjartan Eyjólfsson, söngvari Stuðlabandsins frá Selfossi, segist hlakka mjög til að stýra Brekkusöngnum á Þjóðhátíð í Vestmannaeyjum. Hann segist þó hafa þurft að hugsa sig aðeins um áður en hann ákvað að slá til. 

Ingólfur Þórarinsson, Ingó veðurguð, segist vera ósáttur við ákvörðun þjóðhátíðarnefndar og að hún hafi komið honum á óvart. Hann segist ætla að ráðfæra sig við fólk í kringum sig hvort hann krefji nefndina um bætur. „Ég þarf að bregðast við á einhvern hátt.“

Skipuleggjendur fjölmennra viðburða í sumar eru mis vongóðir um að afléttingaráætlun stjórnvalda standist. Stórum tónleiknum og hátíðum hefur þegar verið aflýst en miðasala á Þjóðhátíð hefst á næstu dögum.

Hertar aðgerðir innanlands þýða að hátíðahöld helgarinnar eru víðast hvar í uppnámi og mörgum viðburðum hefur verið frestað. Skipuleggjandi Einnar með Öllu á Akureyri hvetur fólk til að halda sig heima og heimsækja bæinn síðar.

Bræðurnir Ingó Veðurguð og Gummi Tóta sömdu þjóðhátíðarlagið í ár ásamt Halldóri Gunnari Fjallabróður sem pródúseraði. Þrátt fyrir engan brekkusöng í ár geta landsmenn því slegið á mesta söknuðinn með því að hlusta á nýtt lag og myndband sem fangar sannkallaða þjóðhátíðarstemningu.