Átta ríki stefna í sameiningu á mannaða tunglferð fyrir árið 2024. Þau hafa undirritað hið svokallaða Artemis-samkomulag þar sem dregin er upp áætlun um ferðir til tunglsins og víðar um himingeiminn. Samkomulagið er runnið undan rifjum Bandarísku geimferðastofnunarinnar NASA.

Rússnesk yfirvöld stefna að því að hefja umfangsmikla bólusetningu gegn COVID-19 í nóvember. Heilbrigðisráðherra landsins, Mikhail Murasjko, greindi frá þessu í dag. Til að byrja með verður bóluefnið aðeins í boði fyrir heilbrigðisstarfsfólk og kennara.

Eldflaug skoska fyrirtækisins Skyrora var ekki skotið frá Langanesi í morgun eins og ráðgert hafði verið vegna veðurs. Til stendur að reyna aftur á morgun, leyfi Skyrora til að skjóta flauginni tók gildi á miðvikudaginn og gildir það í nokkra daga.

Kínverska fjarskipta- og snjalltækjafyrirtækið Huawei hefur nú tekið fram úr Samsung og er orðin stærsti seljandi snjallsíma í heimi.

Til tígrisdýra í útrýmingarhættu sást í vesturhluta Taílands fyrr á þessu ári. Það er í fyrsta sinn í fjögur ár sem það gerist en náttúruverndarfólk náði jafnframt að festa atferli dýranna á myndband.

Þúsundir maura af fjórum tegundum lifa villtir hér landi. Líffræðinemar, sem starfa við að kortleggja háttalag þeirra, segja ljóst að maurum eigi eftir að fjölga verulega á næstu árum vegna hlýnunar loftslags. 

Geimflaugin Dragon með geimförunum Doug Hurley og Bob Behnken innanborðs er lögð af stað til Alþjóðlegu geimstöðvarinnar eftir vel heppnað geimskot frá geimvísindastöðinni NASA í Flórída um klukkan hálf átta í kvöld. Þetta er fyrsta mannaða geimflaugin á vegum einkafyrirtækis sem skotið er á loft en geimflaugin er í eigu SpaceX, fyrirtækis milljarðamæringsins Elon Musk, og jafnframt fyrsta mannaða geimferð Bandaríkjamanna í næstum áratug. Áætlað er að geimferðin taki um 19 klukkustundir.

Verkefnið Stelpur í tækni var haldið í sjöunda skipti í dag. Það er Háskólinn í Reykjavík sem stendur að verkefninu sem er ætlað að hvetja konur til náms og starfs í tæknigreinum. Ný rannsókn á verkefninu sýnir að dregið hefur úr neikvæðum staðalímyndum og áhugi á tækninámi og störfum hefur aukist hjá þeim sem tekið hafa þátt.

Líftæknifyrirtækið Genis á Siglufirði þróar nú lyf gegn tíðaverkjum. Lyfið er unnið úr rækjuskel sem framleidd er í bænum. Forstjóri fyrirtækisins segir of snemmt að segja til um hvenær lyfið geti komið á markað en er mjög bjartsýnn á virkni þess. Aðaleigandi Genis er athafnamaðurinn Róbert Guðfinnsson.

Reykjavíkurborg hefur síðastliðið ár unnið að því að bregðast við ábendingum gangandi og hjólandi vegfarenda sem eru gramir vegna græna kallsins og frammistöðu hans víða um borgina. Ólík sjónarmið eru um hvort gangandi og hjólandi sé gert jafnhátt undir höfði og akandi. 

Guðmundur Hafsteinsson, yfirmaður vöruþróunar hjá Google, telur að Ísland geti verið leiðandi í mótun framtíðarþjóðfélags með stórum tæknifyrirtækjum. Prófa þurfi nýja tækni á litlum þjóðfélögum áður en hún er færð í milljóna borgir.