Færslur: Suðurstrandarvegur

Skoða þurfi fleiri flóttaleiðir af Suðurnesjum
Sigurður Ingi Jóhannsson samgönguráðherra segir að skoða þurfi fleiri flóttaleiðir af Suðurnesjum. Suðurstrandarvegur gæti farið undir hraun á næstu vikum.
Varnargarður til að tefja lokun Suðurstrandarvegar
Þriggja til fimm metra hár varnargarður verður gerður í dalsmynni Nátthaga til að freista þess að seinka því að hraun flæði frá eldgosinu niður á Suðurstrandarveg og yfir Ísólfsskála. Í fréttatilkynningu almannavarna kemur fram að miðað við virknina í gosinu núna nái hraun að öllum líkindum niður á veg á næstu vikum.
Brýnt að byggja upp Þrengslin lokist Suðurstrandarvegur
Lokun Suðurstrandarvegar vegna eldgossins á Reykjanesskaga reynir fyrst og fremst á samgönguyfirvöld í landinu segir bæjarstjórinn i Ölfusi. Huga þarf að uppbyggingu Þrengslavegar til að tryggja þungaflutninga.
Myndskeið
Eru við það að missa bústaðinn undir hraun
Afkomendur bænda í Ísólfsskála skammt austan Grindavíkur harma það að missa líklega jörðina undir hraun. Stöðugt rennsli er á hrauninu í Nátthaga þaðan sem stutt er í Suðurstrandarveg og Ísólfsskála. 
Myndskeið
Hraun gæti flætt á Suðurstrandarveg innan 2ja vikna
Eldfjallafræðingur telur að hraun geti farið að renna út á Suðurstrandarveg innan hálfs mánaðar. Bæjaryfirvöld í Grindavík einbeita sér nú að því að koma í veg fyrir að gos geti runnið til Grindavíkur eða í Svartsengi því Suðurstrandarvegi verði ekki bjargað. 
Eldgosið þriggja mánaða: Svo margt hefur komið á óvart
Eldgosið í Geldingadölum fagnar þriggja mánaða afmæli í dag, 19. júní, en það hófst að kvöldi föstudagsins 19. mars og hefur ekki slegið af síðan. Eldsumbrotin hafa tekið á sig ýmsar myndir og ekki allar eftir bókinni. Reyndar er það aðeins eitt sem jarðvísindamenn treysta sér til að segja um með nokkurri vissu - að gosinu er hvergi nærri að ljúka.
Lærðu mikið af varnargörðunum
Undirbúningur er hafinn vegna viðbragða ef ske kynni að hraun stefni enn frekar að Suðurstrandarvegi. Bogi Adolfsson, formaður björgunarsveitarinnar Þorbjarnar í Grindavík segir að þó að varnargarðar sem reistir voru við gossvæðið til verndar Nátthagasvæðinu hafi ekki stoppað hraunflæðið sé margt hægt að læra af þeim.
Myndskeið
Einboðið að hraun renni yfir gönguleiðina
Varnargarðarnir við eldgosið hafa sannað gildi sitt, segir aðstoðaryfirlögregluþjónn. Hægt verði að nýta hönnun þeirra til að stöðva hraunflæði tímabundið. Hann segir ljóst að á einhverjum tímapunkti flæði hraun yfir núverandi gönguleið. 
Varnir Suðurstrandarvegar fullmótaðar í næstu viku
Búast má við að kostir til varnar Suðurstrandarvegi verði fullmótaðir um miðja næstu viku. Hópur sérfræðinga vinnur nú að forhönnun mannvirkja og kostnaðargreiningu, að sögn Rögnvalds Ólafssonar aðstoðaryfirlögregluþjóns hjá almannavarnadeild ríkislögreglustjóra.
Nokkrar vikur til stefnu áður en hraunið ógnar veginum
Allar leiðir til að verja Suðurstrandarveg verða skoðaðar. Kostnaður og hvað verja skal skiptir máli, að sögn umhverfisverkfræðings. Í vikunni verða skoðaðir allir möguleikar til að verja veginn fyrir hraunflæði úr Nátthaga.
Sjónvarpsfrétt
Langt komnir með varnargarða
Framkvæmdir við hraunvarnargarða á gosstöðvunum eru langt komnar. Byggingarverkfræðingur sem stýrir framkvæmdinni segir að efniviðurinn í garðana mætti vera betri en þau nýti það sem hendi er næst.
Umferð á Suðurstrandarvegi jókst um 484% eftir gos
Umferð um Suðurstrandarveg jókst um 484% allt frá því hann var opnaður eftir að gosið hófst í Geldingadölum og til 15. apríl. Þetta kemur fram í samantekt Vegagerðarinnar en umferðartölur fyrri ára auðvelda áætlanir um hver venjubundin umferð hefði verið á þessum tíma.
Opna og loka síðar svo njóta megi gossins í myrkrinu
Bogi Adolfsson, formaður björgunarsveitarinnar Þorbjörns í Grindavík, segir að klukkan níu í kvöld hafi verið um 400 á bílastæðinu við Suðurstrandarveg. Enn er nokkur hópur fólks við gosstöðvarnar í Geldingadölum en í dag hafi verið jafnt streymi fólks þangað.
Ekki gildir lengur einstefna um Suðurstrandarveg
Lögreglustjórinn á Suðurnesjum hefur ákveðið að aflétta reglum um einstefnuakstur eftir Suðurstrandarvegi til austurs frá Grindavík. Vegagerðin hefur lokið bráðabirgðaviðgerð á veginum upp með Festarfjalli.
Ráðið frá að taka lítil börn og hunda með sér að gosinu
Lögreglustjórinn á Suðurnesjum brýnir fyrir þeim sem ætla að ganga að gosstöðvunum í Geldingadölum að taka ekki lítil börn með sér á svæðið. Það sé erfitt yfirferðar og eins þurfi að hafa mögulega gasmengun í huga.
Suðurstrandarvegur lokaður fram yfir helgi
Suðurstrandarvegi var lokað í gær vegna sigs. Hann er lokaður við Festarfjall frá Hrauni og að Krýsuvíkurafleggjara. Í morgun ákvað Vegagerðin að svo yrði áfram vegna mikilla rigninga og viðvarandi jarðskjálfta fram yfir helgi.
19.03.2021 - 13:35
Suðurstrandarvegi lokað vegna aukins sigs
Suðurstrandarvegi verður lokað frá og með klukkan 18 í kvöld fimmtudag og að minnsta kosti til morguns. Þá verður ástand vegarins metið að nýju. Lokað verður austan Grindavíkur og vestan vegamóta Krýsuvíkurvegar.
Bíllinn hoppaði og skoppaði við stóra skjálftann
Selfyssingarnir Ebba Ásgeirsdóttir og Guðni Guðjónsson voru stödd því sem næst skjálftamiðju stóra skjálftans rúmlega tvö. Þau voru akandi á Suðurstrandarvegi á stórum bíl austan Grindavíkur ekki langt frá Festarfjalli og Borgarfjalli. 
Vilja Suðurstrandarveg færan alla daga
Bæjarráð Árborgar telur brýnt að sinnt sé vetrarþjónustu á Suðurstrandarvegi alla daga. Ráðið fer þessa á leit við Vegagerðina í ályktun Bæjarráðsfundar, í ljósi tíðra lokana Suðurlandsvegar undanfarið á Hellisheiði og í Þrengslum. Þar er beðið um að Suðurstrandarvegur verði færður um þjónustuflokk og fái þar með vetrarþjónustu 5 daga vikunnar.