Meirihluti landsmanna er ánægður með nýjar landamærareglur stjórnvalda samkvæmt nýjum Þjóðarpúlsi Gallup. Nýju reglurnar voru kynntar undir lok aprílmánaðar og tóku gildi viku síðar.

Sjálfstæðisflokkurinn, Samfylkingin og Píratar bæta allir við sig um það bil tveimur prósentustigum í nýrri fylgiskönnun MMR sem var birt í dag, ef miðað er við þá síðustu sem var birt í mars. Vinstri græn, Framsóknarflokkurinn og Miðflokkur minnka.

Jóhann Sigmarsson kvikmyndagerðarmaður og listamaður hefur stofnað stjórnmálaflokk, Landsflokkinn. Fram kemur í fréttatilkynningu sem send var fjölmiðlum nú rétt í þessu að flokkurinn sé nýstofnaður og stefnt sé að framboði á landinu öllu fyrir alþingiskosningarnar í september. Nái flokkurinn manni á þing, verði frumvarp að nýrri stjórnarskrá það fyrsta sem lagt verði fram.

Njáll Trausti Friðbertsson, þingmaður Sjálfstæðisflokks í norðausturkjördæmi, hyggst gefa kost á sér í oddvitasæti listans í kjördæminu. Þar var Kristján Þór Júlíusson sjávarútvegs- og landbúnaðarráðherra fyrir síðustu kosningar, en hann hefur nú tilkynnt að hann hyggist hverfa af þingi.

Almar Sigurðsson sem rekur gistiheimlið að Lambastöðum í Flóhreppi sækist eftir því að skipa fyrsta sæti lista Vinstri hreyfingarinnar græns framboðs í Suðurkjördæmi.

Útlit er fyrir að nokkur barátta verði um efstu sæti á framboðslistum flokkanna fyrir Alþingiskosningarnar 25. september. Stjórnmálaflokkarnir hafa ýmsan hátt á því hvernig valið er á lista en viðbúið er að nokkrar breytingar verði í efstu sætunum víða, enda eru þau takmörkuð auðlind.

Þessa dagana hugsa sinn gang þeir sem sækjast eftir því að komast á framboðslista þegar kosið verður til Alþingis í haust. Hjá ýmsum flokkum er verið að kalla eftir þátttakendum í prófkjör eða forval og tilnefningum til uppstillingarnefnda. Menn svara því kalli með tilkynningum sem detta inn hjá fjölmiðlum og félögunum. Annars staðar eru menn lítt komnir af stað, horfa til vorsins og hvort og hvenær kófinu linnir. Það er líka svo að mismunandi háttur getur verið á eftir kjördæmum.

Tillaga laganefndar Miðflokksins um að leggja niður varaformannsembættið var samþykkt á aukalandsþingi flokksins nú rétt í þessu. Samkvæmt tillögunni verður þingflokksformaður talsmaður stjórnar í forföllum formanns. Vigdís Hauksdóttir var sú eina sem hafði tilkynnt um framboð til varaformanns gegn Gunnari Braga Sveinssyni sem jafnframt er þingflokksformaður. Hún segist ekki munu sækjast eftir sæti í stjórn flokksins.

Landsfundur Samfylkingarinnar sem enn stendur í Reykjavík hefur samþykkt stjórnmálaályktun flokksins samhljóða. Þar er kallað eftir markvissum aðgerðum til að bregðast við verstu atvinnukreppu seinni tíma. Alexandra Ýr van Erven var kjörin ritari flokksins með 64% atkvæða.

Vinstri græn hafa gefið allt of mikið eftir í stjórnarsamstarfi sínu við Sjálfstæðisflokk. Starfsumhverfið innan VG er óheilbrigt og einkennist af aðskilnaðarkúltúr. Þetta segir Andrés Ingi Jónsson þingmaður utan flokka, sem sagði sig úr VG fyrir tæpu ári, í viðtali í Stundinni í dag. Hann segir að Sjálfstæðisflokkurinn nýti sér kórónuveirufaraldurinn til að koma umdeildum málum að.

Vegna kórónuveirufaraldursins verður aðeins örfáum gestum boðið til setningar Alþingis að þessu sinni sem verður fimmtudaginn 1. október. Athöfnin hefst klukkan 13:30 með guðsþjónustu í Dómkirkjunni, að venju.

Halldóra Mogensen þingflokksformaður Pírata segist skilja þá ákvörðun Helga Hrafns Gunnarssonar og Smára McCarthy að sækjast ekki eftir endurkjöri í næstu alþingiskosningum. Engum þingmanni sé hollt að sitja of lengi og sjálf geti hún ekki hugsað sér að sitja lengur en eitt kjörtímabil í viðbót.