Færslur: Stjórnmál

Japarov tilkynnir sigur í forsetakosningnum í Kirgistan
Sadyr Japarov hefur lýst yfir sigri í forsetakosningum í Miðasíulýðveldinu Kirgistan í dag. Hann er með nærri áttatíu prósent atkvæða þegar nær öll atkvæði hafa verið talin.
Reynir að takmarka rétt Trump til beitingar kjarnavopna
Forseti fulltrúadeildar Bandaríkjaþings Nancy Pelosi, á í viðræðum við hæstráðendur í Bandaríkjaher um að takmarka möguleika Donalds Trump, fráfarandi forseta, á að fyrirskipa beitingu kjarnorkuvopna. Demókratar leita allra leiða til að koma forsetanum sem fyrst frá völdum. 
08.01.2021 - 18:15
Demókratar stefna að því að kæra Trump í næstu viku
Demókratar í fulltrúadeild Bandaríkjaþings róa að því öllum árum að fá Donald Trump, fráfarandi forseta, ákærðan fyrir embættisglöp, eftir að æstur múgur réðist inn í þinghúsið í fyrradag. Stefnt er að því að hægt verði að kjósa um kæruna í deildinni í næstu viku.
08.01.2021 - 15:08
Stofnar hreyfingu sem kannski verður að flokki
Lars Løkke Rasmussen, fyrrverandi formaður hægri flokksins Venstre í Danmörku og fyrrum forsætisráðherra, hefur stofnað nýja stjórnmálahreyfingu sem hann segir að verði kannski síðar að stjórnmálaflokki.
08.01.2021 - 12:23
Lögreglustjóri á Capitol-hæð segir upp
Lögreglumaður lést eftir áhlaup stuðningsmanna Donalds Trumps Bandaríkjaforseta á þinghúsið í Washington. Fjögur úr hópi mótmælenda féllu í valinn og fjöldi fólks særðist. Varðgæsla á Capitol-hæð þykir hafa brugðist.
Ferðafólk til Englands framvísi neikvæðu COVID-prófi
Öllum ferðamönnum til Englands verður gert skylt að sýna neikvætt kórónuveirupróf við komuna til landsins. Prófið má ekki vera eldra en 72 tíma gamalt.
Mike Pence andvígur því að víkja Trump úr embætti
Mike Pence, varaforseti Bandaríkjanna, er andvígur því að beita því ákvæði bandarísku stjórnarskrárinnar sem heimilar brottvikningu forsetans. Fjöldi Demókrata og nokkur hópur Repúblikana hefur lagt hart að honum að fara þá leið.
Joshua Wong handtekinn að nýju
Joshua Wong, einn helsti leiðtogi þeirra sem berjast fyrir lýðræðisumbótum í Hong Kong var handtekinn í að nýju nótt.
07.01.2021 - 06:26
Næsti utanríkisráðherra gagnrýnir handtökur í Hong Kong
Antony Blinken verðandi utanríkisráðherra Bandaríkjanna segir að handtökur andófsfólks í Hong Kong séu árás á það hugrakka fólk sem berjist fyrir almennum mannréttindum.
Vænta strangra sóttvarnarráðstafana áfram í Þýskalandi
Búist er við að stjórnvöld í Þýskalandi framlengi strangar sóttvarnarreglur í landinu sem renna á út 10. janúar næstkomandi. Angela Merkel kanslari fundar með forsætisráðherrum allra sambandsríkjanna sextán síðar í dag, sem hafa sent skýr skilaboð um vilja til að áfram gildi strangar reglur um samkomur fólks.
Vilja alríkisrannsókn á símtali Trumps
Tveir þingmenn Demókrata í fulltrúadeild Bandaríkjaþings hafa farið þess á leit að Alríkislögreglan hefji rannsókn á þeim þrýstingi sem Donald Trump Bandaríkjaforseta reyndi að beita embættismenn í Georgíu að snúa niðurstöðum forsetakosninganna sér í vil.
Færeysk veitinga- og öldurhús fá að hafa opið lengur
Veitingahúsum, börum og næturklúbbum í Færeyjum er ekki lengur gert að loka klukkan tíu að kvöldi. Tilskipun Helga Abrahamsen iðnaðar- og viðskiptaráðherra þess efnis sem tók gildi um miðjan desember rann út 4. janúar og ekki er útlit fyrir að nauðsyn sé að framlengja henni.
05.01.2021 - 01:42
Suga boðar neyðarstig í Tókíó vegna COVID-19
Yoshihide Suga forsætisráðherra Japans boðar að lýst verði yfir neyðarástandi á Stór-Tókíósvæðinu vegna gríðarlegrar útbreiðslu kórónuveirusmita í þriðju bylgju faraldursins.
Varnarmálaráðherrar hvetja til friðsælla valdaskipta
Allir tíu núlifandi, fyrrverandi varnarmálaráðherrar Bandaríkjanna vara við afskiptum hersins af valdaskiptunum 20. janúar. Friðsamleg valdaskipti séu aðalsmerki bandarísks lýðræðis.
Nancy Pelosi naumlega endurkjörin
Nancy Pelosi var endurkjörin forseti fulltrúadeildar Bandaríkjanna í fjórða sinn, með naumum meirihluta í dag. Pelosi er áttræð og eina konan sem hefur gegnt þessu embætti.
Franskir hermenn féllu í Malí
Tveir franskir hermenn fórust þegar bifreið þeirra var ekið yfir sprengju í norðausturhluta Malí í gær. Einn særðist en er ekki í lífshættu.
03.01.2021 - 03:01
Løkke segir danskt stjórnmálalíf botnfrosið
Lars Løkke Rasmussen, fyrrverandi formaður hægri flokksins Venstre og forsætisráðherra, segir stjórnmálalíf í Danmörku botnfrosið og útiloki það alvarlega pólítíska samtal sem Danir þurfi á að halda.
03.01.2021 - 00:16
Mögulegt talið að Løkke stofni nýjan stjórnmálaflokk
Christine Cordsen stjórnmálaskýrandi hjá danska ríkisúvarpinu segir það mjög áhrifamikið þegar fyrrverandi formaður og forsætisráðherra kveður stjórnmálaflokk sinn og ákveður að gerast óháður þingmaður.
02.01.2021 - 01:34
Lars Løkke Rasmussen segir skilið við Venstre
Lars Løkke Rasmussen fyrrverandi formaður Venstre hefur sagt sig úr flokknum. Hann birti yfirlýsingu þess efnis á samfélagsmiðlum í kvöld.
01.01.2021 - 22:51
Súdanir taka formlega við friðargæslu í Darfur í dag
Í dag taka Súdanir sjálfir formlega við því hlutverki að gæta friðar í Darfur-héraði þegar friðargæslulið Sameinuðu þjóðanna og Afríkusambandsins hefur brotthvarf sitt þaðan.
Fjármálaráðherra Ontario-fylkis í Kanada segir af sér
Rod Phillips fjármálaráðherra Ontario-fylkis í Kanada hefur sagt af sér. Doug Ford, forsætisráðherra fylkisins, tilkynnti afsögnina í gær eftir að hann kallaði Phillips heim úr fríi á Sankti Bartólómeusareyju í Karíbahafinu.
Andófsfólk frá Hong Kong dæmt til fangavistar og sektar
Kínverskur dómstóll í Shenzen-héraði dæmdi í morgun tíu manns til allt að þriggja ára fangelsisvistar og fjársektar fyrir tilraun til að flýja Hong Kong síðastliðið sumar.
30.12.2020 - 04:44
Viðskiptasamningur undirritaður í dag
Ursula von der Leyen forseti framkvæmdastjórnar Evrópusambandsins og Charles Michel forseti leiðtogaráðs sambandsins undirrita 1246 blaðsíðna viðskipta- og samvinnusamning við Bretland klukkan hálf níu í dag.
Inger Støjberg hætt sem varaformaður Venstre
Inger Støjberg sagði í kvöld af sér sem varaformaður Venstre, stærsta stjórnarandstöðuflokks Danmerkur. Formaðurinn, Jakob Elleman-Jensen, fór fram á að Støjberg léti af embætti varaformanns.
30.12.2020 - 00:21
Laun þingmanna hækka um 40.000 krónur
Laun þingmanna hækka um 40.000 krónur um áramótin, á sama tíma og laun samkvæmt lífskjarasamningnum hækka um 15 til 24 þúsund krónur. Launahækkunum þingmanna sem taka áttu gildi í sumar var frestað.
29.12.2020 - 15:59