Færslur: Stjórnarmyndun

Samfylking situr á fundi – Vinstri græn búin
Óformlegar viðræður fráfarandi stjórnarandstöðuflokka um myndun ríkisstjórnar standa enn. Niðurstaða liggur ekki fyrir. Þingflokkur Vinstri grænna hefur nýlokið fundi sínum og þingflokkur Samfylkingar situr nú á fundi. Enn er rætt um myndun fimm flokka stjórnar. Formenn flokkanna vilja enn ekkert gefa upp um stöðu mála annað en að verið er að tala saman.
01.11.2017 - 15:07
Staðan í viðræðum skýrist í dag eða á morgun
Það skýrist í dag eða síðasta lagi á morgun hvort þreifingar um stjórnarmyndun bera árangur. Enn eru óformlegar viðræður um myndun fimm flokka stjórnar frá vinstri til miðju. Myndun ríkisstjórnar Framsóknarflokks, Sjálfstæðisflokks og Vinstri grænna er einnig rædd. Enginn hefur enn fengið formlegt umboð frá forseta.
01.11.2017 - 14:07
Viðtal
Framsókn ekki í lykilstöðu í augnablikinu
„Ég er ekki alveg sammála því að þetta hringsnúist allt um Framsóknarflokkinn, að minnsta kosti í augnablikinu. Það kemur til vegna þess að ég get ekki séð að formaður Framsóknarflokksins geti unnið með formanni Miðflokksins, eins og staðan er í dag,“ segir Baldur Þórhallsson stjórnmálafræðingur um myndun nýrrar ríkisstjórnar.
01.11.2017 - 07:53
Úrslit kosninganna: „Flokkakerfið að riðlast“
Guðmundur Hálfdánarson, prófessor í sagnfræði, segir greinilegt að kosningarnar staðfesti að flokkakerfið sé að riðlast. „Það er meira og minna að verða að engu. Sjálfstæðisflokkurinn með rúmlega 20% fylgi. Hann er með svipað fylgi núna og hann fékk í afhroðinu eftir hrun 2009. Þannig að þetta er gríðarlega mikið áfall fyrir Sjálfstæðisflokkinn þetta sem hann fær núna.“
29.10.2017 - 16:10
Forsetinn boðar forystumenn á sinn fund
Guðni Th. Jóhannesson, forseti Íslands, hefur boðað forystumenn stjórnmálaflokkanna á sinn fund á morgun. Fundirnir verða á Bessastöðum og er fundartímum raðað eftir þingstyrk þeirra flokka sem eiga fulltrúa á nýkjörnu Alþingi.
29.10.2017 - 15:32
Guðlaugur fékk kaffibolla frá Lilju
Guðlaugur Þór Þórðarson, utanríkisráðherra, fékk kaffibolla merktan Icesave frá forvera sínum í starfi, Lilju Alfreðsdóttur. Kaffibollinn hafði verið pakkaður inn og ofan í honum var aðgangskortið að ráðuneytinu. Lilja sagði gjöfina vera praktíska því framundan væri mikil vinna hjá Guðlagi. „Ég veit að þú átt eftir að gera þetta mjög vel.“
11.01.2017 - 17:32
Þorgerður Katrín: „Sérstök tilfinning“
Gunnar Bragi Sveinsson afhenti Þorgerði Katrínu Gunnarsdóttur lyklana að sjávarútvegs-og landbúnaðarráðuneytinu og sagði við það tækifæri að hún væri að taka við frábæru ráðuneyti með góðu starfsfólki. „Þú tekur við góðu búi,“ sagði Gunnar sem tekur sér nú sæti hinumegin borðsins sem liðsmaður stjórnarandstöðunnar.
11.01.2017 - 17:12
Illugi: „Enginn veit sína ævi fyrr en öll er“
Illugi Gunnarsson, sem lét af embætti mennta-og menningarmálaráðherra í dag og afhenti Kristjáni Þór Júlíussyni lyklavöldin að ráðuneytinu, gaf sér góðan tíma til að ræða við fjölmiðla. Hann sagðist ekki vita hvað hann tæki sér fyrir hendur næst - hann væri búinn að vera í stjórnmálum í 16 ár og hefði aldrei ætlað sér að daga uppi sem stjórnmálamaður.
11.01.2017 - 16:58
„Söguleg stund að fá lyklana að ríkiskassanum“
Bjarni Benediktsson, forsætisráðherra, hafði ekki fyrr tekið við lyklunum í forsætisráðuneytinu en að hann þurfti að skila lyklunum að skrifstofu fjármálaráðherra. Þar beið hans Benedikt Jóhannesson og Bjarni sagði að það yrði sameiginlegt verkefni þeirra að viðhalda „þessum góðu ytri aðstæðum“ í íslenskum efnahagsmálum.
11.01.2017 - 16:14
Bjarni: „Eins og að það birti til í huganum“
Bjarni Benediktsson, forsætisráðherra, segir að verkefni nýrrar ríkisstjórnar leggist mjög vel í sig og að það sé eins og það hafi birt til í huganum. Hann viðurkenni að hafa haft áhyggjur af því hvernig það myndi spilast úr stöðunni eftir kosningar. „Þetta eru kaflaskil í dag og tímamót og ég er bara með sól í huga - það er bjart framundan.“
11.01.2017 - 14:46
Ekki útilokað að Framsókn verði fengin með
Ólafur Þ. Harðarson, prófessor í stjórnmálafræði við Háskóla Íslands, tekur undir með Birgi Guðmundssyni, dósenti í stjórnmálafræði við Háskólann á Akureyri, að ekki sé útilokað að Framsóknarflokkurinn verði tekinn inn í ríkisstjórn síðar á kjörtímabilinu. Það komi allt til greina.
11.01.2017 - 14:18
Nýir ráðherrar mæta á Bessastaði - myndband
Ný ríkisstjórn mætti á ríkisráðsfund í dag á Bessastöðum. Ríkisstjórnarsamstarfið lagðist vel í nýju ráðherrana og sögðu mörg þeirra spennandi verkefni bíða nýrrar ríkisstjórnar.
11.01.2017 - 14:03
Ríkisstjórn Sigurðar Inga farin frá - viðtöl
Ríkisstjórn Sigurðar Inga Jóhannsson mætti á sinn síðasta ríkisráðsfund á Bessastöðum klukkan tólf í dag. Framsóknarráðherrarnir, sem nú verða flestir í stjórnarandstöðu, sögðust vera þakklátir fyrir tíma sinn í ríkisstjórninni og bættu því við að þeir ætluðu sér að vera harðir í horn að taka hinum megin við borðið. En þegar við höldum að menn séu að fara á ranga leið, þá munum við berjast gegn því," sagði Sigurður Ingi.
11.01.2017 - 13:18
Illugi og Ólöf kveðja ráðherrastóla sátt
Illugi Gunnarsson, fráfarandi mennta- og menningarmálaráðherra, sagði á síðasta ríkisráðsfundi sínum að það væri alltaf ákveðin eftirsjá að stjórnmálum. Hann væri þó ánægður með ákvörðun sína að snúa til annarra verka. Ólöf Nordal, fráfarandi innanríkisráðherra, segir að hún sé ánægð með kjörtímabilið. Forgangsröðunin verði þó að vera rétt og nú setji hún sjálfa sig í fyrsta sæti.
11.01.2017 - 12:52
Kristján: Alltaf hrifinn af nýjum áskorunum
Kristján Þór Júlíusson er annar tveggja ráðherra sem hefur stólaskipti en hann fer úr heilbrigðisráðuneytinu yfir í mennta-og menningarmálaráðuneytið. Hann sagði það leggjast ágætlega í sig. „Ég hef alltaf verið hrifinn af nýjum áskorunum og íslensk menning er fjársjóður okkar Íslendingar sem standa þarf dyggan vörð um.“
11.01.2017 - 12:42
Framsókn „verður hörð í stjórnarandstöðu“
Sigurður Ingi Jóhannsson, fráfarandi forsætisráðherra, segir að Framsóknarflokkurinn verði harður, málefnalegur og skynsamlegur í stjórnarandstöðu. „En þegar við höldum að menn séu að fara á ranga leið, þá munum við berjast gegn því," sagði Sigurður Ingi rétt áður en hann hélt inn á síðasta ríkisráðsfund fráfarandi ríkisstjórnar á Bessastöðum í hádeginu. 
11.01.2017 - 12:37
Hefur ekki trú á afrekum nýrrar ríksstjórnar
Gunnar Bragi Sveinsson, fráfarandi sjávarútvegs-og landbúnaðarráðherra, segir það leggjast ágætlega í sig að fara aftur í þingið og vera í stjórnarandstöðu. „Ég verð brjálaður“ gantaðist Gunnar með á tröppunum á Bessastöðum þar sem ríkisstjórn Sigurðar Inga mætti á sinn síðasta ríkisráðsfund.
11.01.2017 - 12:30
Bjarni: Verður að velja og hafna
Bjarni Benediktsson, formaður Sjálfstæðisflokksins, segir að Páll Magnússon, þingmaður flokksins, sé í fullum rétti að segja sína skoðun á valinu á ráðherrrum flokksins. „Mér finnst hann hafa gert það málefnalega með sama hætti og hann gerði við mig persónulega og ég veit að Páll er tilbúinn að taka þátt í styðja nýja ríkisstjórn.“
11.01.2017 - 12:17
Framsókn góður kostur sem fjórði flokkurinn
Það gæti verið góður kostur fyrir ríkisstjórnina ríkisstjórnina að taka Framsóknarflokkinn inn síðar til að efla meirihlutann. Þetta segir stjórnmálafræðingur við Háskólann á Akureyri. Aflandsskýrslumál Bjarna Benediktssonar, nýs forsætisráðherra, hafi komið á slæmum tíma fyrir ríkisstjórnina og verið klaufalegt í alla staði.
11.01.2017 - 12:02
Beint: Nýir ráðherrar taka við lyklum
Ný ríkisstjórn Bjarna Benediktssonar tók við völdum að loknum ríkisráðsfundi í dag. Sjö karlar og fjórar konar eiga sæti í ríkisstjórninni, sex frá Sjálfstæðisflokki, þrír frá Viðreisn og tveir frá Bjartri framtíð. Ríkisstjórn Sigurðar Inga Jóhannssonar mætti á Bessastaði klukkan tólf þar sem hún kvaddi. „Það er bjart framundan,“ sagði Bjarni en ný ríkisstjórn mun væntanlega funda í fyrsta skipti á föstudag.
11.01.2017 - 11:55
Erlendir miðlar: Evrópumál og Panamaskjöl
Erlendir fjölmiðlar, sem fjalla um nýja ríkisstjórn Íslands, beina augum einkum að Evrópumálunum. Bandaríska blaðið Washington Post tekur annan pól í hæðina.
11.01.2017 - 11:31
Elliði: „Áttum von á því að fá ráðherra“
Elliði Vignisson, bæjarstjóri í Vestmannaeyjum, segist skilja vel hvað Páll eigi við með færslu sinni á Facebook. Páll greiddi ekki atkvæði með tillögu formanns Sjálfstæðisflokksins um ráðherraskipan og sagði hana vera lítilsvirðingu gagnvart Suðurkjördæmi þar sem Sjálfstæðisflokkurinn hefði unnið sinn stærsta sigur í kosningunum.
11.01.2017 - 11:17
Páll studdi ekki ráðherratillögu Bjarna
Páll Magnússon, oddviti Sjálfstæðismanna í Suðurkjördæmi, segist á Facebook-síðu sinni ekki hafa stutt tillögu Bjarna Benediktssonar, formanns flokksins, um ráðherra flokksins. Páll segir að hún hafi falið í sér lítilsvirðingu gagnvart Suðurkjördæmi þar sem flokkurinn hafi unnið sinn stærsta sigur í kosningunum.
11.01.2017 - 10:22
Málamiðlun en ekki uppgjöf
Benedikt Jóhannesson, formaður Viðreisnar og tilvonandi fjármálaráðherra, telur það ekki uppgjöf að ekki sé skýrt kveðið á um það í stjórnarsáttmála að farið verði í þjóðaratkvæðagreiðslu um Evrópusambandsaðild á þessu þingi eins og Viðreisn og Björt framtíð höfðu á stefnuskrá sinni fyrir kosningar. Ólíkar skoðanir séu um samstarf við Evrópusambandið í ríkisstjórninni og því sé málinu vísað til þingsins.
11.01.2017 - 09:14
Stefnuyfirlýsingin opin til túlkunar
Birgir Guðmundsson, dósent í stjórnmálafræði við Háskólann á Akureyri segir mikið svigrúm til túlkunar í stefnuyfirlýsingu nýrrar ríkisstjórnar. Það geti einkennt samstarf í ríkisstjórn hvað stefnuyfirlýsingin sé lítill leiðarvísir fyrir ráðherrana.
11.01.2017 - 08:11