Færslur: stígamót

Sextíu á biðlista eftir aðstoð Stígamóta
Í fyrsta sinn er biðlisti hjá Stígamótum. Sextíu bíða eftir aðstoð og samtökin þurfa að fjölga starfsfólki. Talsmaður Stígamóta segir að tilkynningar um kynferðisbrot í samkomubanni geti átt eftir að koma fram, en tölur lögreglunnar sýna helmings fækkun tilkynninga í ár.
20.08.2020 - 11:46
Íslendingar tæp 95% þeirra sem leita til Stígamóta
Alls leituðu 885 til Stígamóta í fyrra og eru Íslendingar í miklum meirihluta þeirra sem þá leituðu til samtakanna, eða 94,6%. Fram kemur í ársskýrslu samtakanna, sem kynnt var í morgun, að búast megi við að komum vegna nauðgana og kynferðisofbeldis gegn börnum fjölgi í ár, vegna kórónuveirunnar og efnahagsþrenginganna sem fylgt hafa í kjölfarið.
Klámið ruglar okkur oft í ríminu
Sjúk ást herferðin fer af stað á morgun í þriðja sinn en hún miðar að því að fræða ungt fólk um skaðlega hegðun í nánum samskiptum og ástarsamböndum. Í ár er fjallað um áhrif kláms á kynlíf. Steinunn Gyðu- og Guðjónsdóttir verkefnastjóri Stígamóta kom og sagði betur frá herferðinni.
09.03.2020 - 16:49
Viðtal
Sex börn gerð út í vændi
Stígamót hafa í ár fengið til meðferðar sex mál þar sem börn voru gerð út í vændi. Guðrún Jónsdóttir, talskona Stígamóta, telur líklegt að slíkir glæpir séu framdir í dag og fari nú fram á netinu. Það sé einfeldningsskapur að ætla að ekkert barnaníð rati á netið á Íslandi.
04.10.2019 - 18:02
Kæra niðurfelld ofbeldismál til MDE
Stígamót ætla að kæra niðurfelld nauðgunar- og ofbeldismál til Mannréttindadómstóls Evrópu. Málsóknin kemur í kjölfar metoo-byltingarinnar. „Umræðurnar hafa átt sér stað og núna er kominn tími til aðgerða,“ segir Guðrún Jónsdóttir, talskona Stígamóta.
Stígamót: 70% verða fyrir ofbeldinu í æsku
Sjötíu prósent þeirra sem leita til Stígamóta voru beittir kynferðisofbeldi í æsku. Rúmlega fjögur hundruð leituðu til samtakanna í fyrsta sinn í fyrra og er það næstmesti fjöldi sem þangað hefur komið. Afleiðingar kynferðisofbeldis í æsku eru meiri en hjá þeim sem beittir eru ofbeldi á fullorðinsaldri. Þetta kemur í ársskýrslu Stígamóta sem kynnt var í dag.
09.04.2019 - 14:05
Fyrsta ástin oft sjúk ást
„Það sem sló mig mest við að fá þessar sögur sendar er hversu algengt það er að einstaklingar virði það ekki þegar kærasti eða kærasta vill ekki sofa hjá þeim,“ segir Sólborg Guðbrandsdóttir eitt af andlitum herferðarinnar Sjúk ást sem Stígamót hleypti af stokkunum í dag, mánudag.
04.03.2019 - 16:45
Mynd með færslu
Allir krakkar
Þáttur um kynferðisofbeldi og kynferðislega áreitni með sérstakri áherslu á að fræða ungt fólk um mörk og samþykki hefst 20:40. Þátturinn er unninn í samvinnu við Stígamót og tengist fjáröflunarátaki þar sem safnað er fyrir forvarnarstarfi Stígamóta.
01.11.2018 - 20:23
Sambandið var hans klámmynd
„Sambandið var svolítið þannig að hann var að búa til sína klámmynd, hann var bara búa til sitt og ég var bara dótið hans,“ segir Lilja Hrönn Einarsdóttir sem segir sögu sína í fjáröflunar- og fræðsluþættinum Allir krakkar sem eru á dagskrá RÚV í kvöld.
01.11.2018 - 12:30
Fín lína á milli tilfinningakláms og þöggunar
„Við vorum tvístígandi gagnvart þessari aðferð en okkur fannst vera kominn tími til að ganga lengra.“ Þetta segir Guðrún Jónsdóttir, talskona Stígamóta um nýtt söfnunarátak samtakanna, Styttum svartnættið, þar sem skjólstæðingar samtakanna stíga fram í myndböndum og greina frá erfiðri reynslu. Ásóknin í viðtöl hjá samtökunum hefur að sögn Guðrúnar aukist mikið eftir að átakið hófst.
17.11.2016 - 16:40
Stígamót veita Hæpinu fjölmiðlaviðurkenningu
Stígamót veittu 11 viðurkenningar sl. föstudag en þetta var í áttunda sinn sem þær eru veittar. Meðal þeirra sem hlutu viðurkenningu var Hæpið á RÚV, sem er í umsjón Katrínar Ásmundsdóttur og Unnsteins Manúel Stefánssonar. Þau hlutu fjölmiðlaviðurkenningu Stígamóta fyrir tvo vandaða þætti um kynferðisofbeldi.