Færslur: Starfsmannaleigur

Reyna að fá íslenska hjúkrunarfræðinga heim
Landspítali hefur sent starfsmannaleigum í Evrópu fyrirspurnir og óskað eftir íslensku heilbrigðisstarfsfólki og þá sérstaklega sérhæfðum hjúkrunarfræðingum. Auk þess er til skoðunar að ráða erlenda heilbrigðisstarfsmenn.
Myndskeið
Dómurinn sendir skýr skilaboð
Eigandi starfsmannaleigu var í dag dæmdur í fimm mánaða skilorðsbundið fangelsi fyrir að stefna lífi erlendra verkamanna í bráða hættu þegar hann hýsti þá við hættulegar aðstæður í iðnaðarhúsnæði. Þetta er fyrsti dómur sinnar tegundar. Slökkviliðsstjóri fagnar dómnum og segir hann senda skýr skilaboð.
Eigandi starfsmannaleigu dæmdur fyrir hættulegt húsnæði
Héraðsdómur Reykjavíkur dæmdi eiganda starfsmannaleigu í dag til fimm mánaða skilorðsbundinnar fangelsisrefsingar. Maðurinn var ákærður fyrir að stefna starfsmönnum sínum í hættu með því að útbúa fyrir þá búseturými í iðnaðarhúsnæði sem hann réði. Þegar Slökkvilið höfuðborgarsvæðisins tók húsnæðið út taldi það til margvíslega hættu sem íbúum var búin.
Máttu leggja stjórnvaldssekt á Menn í vinnu
Vinnumálastofnun var heimilt að leggja 2,5 milljón króna stjórnvaldsekt á starfsmannaleiguna Menn í vinnu. Þetta kemur fram í úrskurði félagsmálaráðuneytisins. Starfsmannaleigan var tekin til gjaldþrotaskipta í september á síðasta ári.
Efling segir SA á hálum ís
Stéttarfélagið Efling segir Samtök atvinnulífsins á hálum ís eftir ummæli Ragnars Árnasonar, lögmanns hjá SA, í fréttum á mánudagskvöld að keðjuábyrgð þeirra sem versla við starfsmannaleigur nái bara til vangreiddra launa og gagnrýni á stefnu Eflingar gagnvart Eldum rétt, sem keypti vinnuafl af Mönnum í vinnu.
11.07.2019 - 09:07
Ábyrgð notendafyrirtækja skýr í lögum
Engin heimild er í lögum um starfsmannaleigur til að leggja fram kröfu um miskabætur á notendafyrirtæki. Þetta segir Ragnar Árnason, forstöðumaður vinnumarkaðssviðs hjá Samtökum atvinnulífsins. Slíkar kröfur eigi samkvæmt lögunum að beinast að vinnuveitanda fólksins, starfsmannaleigunni.
10.07.2019 - 14:14
Myndskeið
„Þetta eru náttúrulega ekki mannabústaðir“
Fulltrúar ASÍ fóru í dag ásamt lögreglu að kanna aðstæður rúmenskra verkamanna sem starfa hjá íslenskri starfsmannaleigu. Aðstoðarframkvæmdastjóri ASÍ segir að þeir sem kaupi þjónustu af starfsmannaleigum beri ábyrgð ef starfsfólk er hlunnfarið um laun og önnur kjör, og gætu því þurft að greiða tvöfalt þegar upp er staðið. 
07.02.2019 - 19:56
Reynslusaga
„Þetta er kannski ekki íslenskur standard“
Því ríkara sem landið er því minni virðing er borin fyrir fátæku verkafólki. Þetta segir Pranas Rupstplaukis, bifvélavirki og fyrrum starfsmaður Verkleigunnar, íslenskrar starfsmannaleigu. Hann kom hingað til lands síðastliðið haust. Pranas féllst á að greina Speglinum frá reynslu sinni og sýna honum húsið sem hann bjó í á meðan hann starfaði hjá leigunni. „Ég tala ensku og fór að spyrja of marga spurninga. Forsvarsmönnum leigunnar þótti það óþægilegt svo ég hætti og réð mig annað,“ segir hann. 
Fréttaskýring
Tiltölulega auðvelt að blekkja stjórnvöld
Forstjóri Vinnumálastofnunar telur allt að þriðjung starfsmannaleigna og þjónustufyrirtækja brjóta kjarasamninga. Forsvarsmaður íslenskrar starfsmannaleigu segir gríðarlega þörf fyrir þessi fyrirtæki á Íslandi í dag en segir að eftirlit með þeim sé ekki nógu gott. Fyrirtæki með einbeittan brotavilja geti auðveldlega blekkt eftirlitsstofnanir.