Færslur: Sprenging í Beirút

Sýrlendingar koma Líbanon til hjálpar
Yfirvöld í Sýrlandi hafa gefið út þau vilji aðstoða Líbanönsku þjóðina með því að leyfa flutning eldsneytis og aukins rafmagns til landsins. Líbanon tekst nú á við djúpa efnahagskreppu og er mikill skortur á bæði eldsneyti og rafmagni, en rafmagnslaust er í landinu í allt að tuttugu og tvær klukkustundir á sólarhring. Yfirvöld í Líbanon binda vonir við að hægt verði að flytja eldsneyti frá Egyptalandi og rafmagn frá Jórdaníu með aðstoð Sýrlendinga.
Frakkar veita Líbönum neyðaraðstoð
Frakkar ætla að veita Líbönum hundrað milljónir evra í neyðaraðstoð og senda þeim fimm hundruð þúsund skammta af bóluefni gegn kórónuveirunni. Eitt ár er í dag frá gríðarlegri sprengingu við höfnina í Beirút.
Minnismerki afhjúpað við höfnina í Beirút
Minnismerki var afhjúpað við höfnina í Beirút í dag, til heiðurs þeim sem fórust í sprengingunni miklu fyrir ári. Líkneskið er 25 metra hátt, í mannsmynd og er gert úr hlutum bygginga sem eyðilögðust í sprengingunni.
Evrópusambandið beinir spjótum að valdamönnum í Líbanon
Evrópusambandið lýsti því yfir í dag að það væri tilbúið að beita ráðandi stétt í Líbanon refsiaðgerðum vegna stjórnmála- og fjármálakreppunnar í landinu sem stefnir afkomu íbúa þess í vonarvöl. Spjótum yrði beint að þeim sem standa í vegi fyrir myndun ríkisstjórnar í landinu.
Sjónvarpsfrétt
Hörmungar og versta efnahagskrísa síðustu 150 ára
Pólitískur óstöðugleiki og eitt versta efnahagshrun síðustu 150 ára eru aðeins hluti þess sem íbúar Líbanons glíma við. Gjaldmiðillinn er svo gott sem ónýtur og meira en helmingur þjóðarinnar lifir undir fátæktarmörkum.
25.07.2021 - 20:30
Biðja um rannsókn á sprengingunni í Beirút
Tugir mannréttindasamtaka, þeirra á meðal Amnesty International og Mannréttindavaktin, Human Rights Watch, fara fram á að Sameinuðu þjóðirnar rannsaki ástæður mikillar sprengingar við höfnina í Beirút í Líbanon í fyrra. Heimamenn virðist ekkert ætla að gera til að varpa ljósi á málið.
Ráðherrar sakaðir um vanrækslu vegna sprengingarinnar
Sitjandi forsætisráðherra og þrír fyrrverandi ráðherrar í ríkisstjórn Líbanons hafa verið ákærðir fyrir vanrækslu vegna mikillar sprengingar sem varð á hafnarsvæði höfuðborgarinnar Beirút í ágúst.
11.12.2020 - 19:23
Ekkert lífsmark lengur undir rústum í Beirút
Ekki heyrist lengur lífsmark undir rústum byggingar í Beirút sem hrundi í sprengingunni miklu 4. ágúst síðastliðinn. Sérstakur nemi leitarmanna nam hjartslátt fyrir nokkrum dögum, en hann greinist ekki lengur.
Kostnaður við sprenginguna í Beirút 1100 milljarðar
Alþjóðabankinn áætlar að kostnaður af sprengingunni miklu sem varð við höfnina í Beirút þann fjórða þessa mánaðar nemi allt að 8 milljörðum dala, eða um 1100 milljörðum króna. Vegna harmleiksins, þar sem tæplega tvö hundruð létust og hundruð þúsunda misstu heimili sín, þarf Líbanon á tugmilljarða mannúðar- og hjálparaðstoð að halda frá alþjóðasamfélaginu.
31.08.2020 - 17:27
Macron óttast borgarastyrjöld í Líbanon
Forseti Frakklands óttast að borgarastríð gæti brotist út í Líbanon taki ríki heims ekki höndum saman. Stjórnvöld þar í landi geti ekki tekist á við uppbyggingu í landinu án utanaðkomandi aðstoðar.
28.08.2020 - 17:45
Dómur kveðinn upp í dag vegna morðsins á Hariri
Dómur verður kveðinn upp í dag yfir fjórum liðsmönnum Hezbollah-hreyfingarinnar vegna morðsins á Rafic Hariri fyrrverandi forseta Líbanons. Hann var ráðinn af dögum í Beirút árið 2005. Bílsprengja varð honum og 21 öðrum að bana, 226 slösuðust.
Tollstjóri Líbanon handtekinn
Tollstjóri Líbanon, Badri Daher, hefur verið handtekinn. Fadi Sawan dómari, sem rannsakar sprenginguna miklu í Beirút, fyrirskipaði handtökuna í dag.
Heilbrigðisráðherra Líbanons krefst útgöngubanns
Sjúkrahús í Beirút eiga sífellt erfiðara með að taka á móti sjúklingum með Covid-19. Þetta kom fram í máli Hamads Hassan heilbrigðisráðherra Líbanons á blaðamannafundi. Tilfellum hefur fjölgað mjög að undanförnu, svo að í óefni stefnir.
Rannsaka mengun af sprengingunni í Beirút
Rannsókn stendur yfir á hvaða mengandi efni dreifðust yfir Beirút og Miðjarðarhafið í sprengingunni miklu 4. ágúst síðastliðinn.
Aðrar hafnir í Líbanon taka við hlutverki Beirút
Hafnarborginni Trípóli norður af Beirút er ætlað að taka tímabundið við hlutverki höfuðborgarinnar sem aðalhöfn Líbanons.
Macron varar Írani við afskiptum af málefnum Líbanon
Emmanuel Macron Frakklandsforseti hefur varað Írani við afskiptum af innanlandsmálum Líbanons. Ríkisstjórn Mósambík ber jafnframt af sér allar sakir um ábyrgð á vörslu sprengifima efnisins í Beirút.
Kallað eftir djúpstæðum umbótum í Líbanon
Rauði krossinn í Líbanon fær eina milljón evra frá þýskum stjórnvöldum. Það jafngildir ríflega 160 milljónum íslenskra króna. Þessu hét Heiko Maas utanríkisráðherra Þýskalands í heimsókn sinni til Beirút í dag.
Mínútuþögn í Beirút til að minnast fórnarlamba
Þögn sló á Beirút kl. 15:09 í dag að íslenskum tíma, til að minnast þeirra tæplega tvö hundruð sem talið er að hafi látist í sprengingunni miklu í síðustu viku.
11.08.2020 - 17:10
Íslendingar senda 20 milljónir til matvælaaðstoðar
Íslensk stjórnvöld ætla að verja tuttugu milljónum króna til matvælaaðstoðar í Líbanon vegna hamfarasprenginga í höfuðborgarinni Beirút í siðustu viku. Framlagið er til viðbótar því sem íslensk stjórnvöld verja þegar til mannúðaraðstoðar í landinu og fer til Matvælaáætlunar Sameinuðu þjóðanna.
11.08.2020 - 15:31
Ríkisstjórn Líbanons fer frá völdum
Forsætisráðherra Líbanons, Hassan Diab, tilkynnti afsögn sina og ríkisstjórnar sinnar í dag í kjölfar mikilla mótmæla í landinu eftir sprenginguna miklu í Beirút 4. ágúst. Kallað hefur verið eftir róttækum breytingum á stjórnkerfi landsins sem hefur glímt við efnahagsvanda og spillingu um árabil. 
10.08.2020 - 17:26
Fjórir ráðherrar hafa sagt af sér í Líbanon
Fjórir ráðherrar í ríkisstjórn Libanons hafa sagt af sér á undanförnum dögum. Ghazi Wazni, fjármálaráðherra og Marie-Claude Najm, dómsmálaráðherra, tilkynntu afsögn í morgun. Nú er vitað að meir en 200 fórust í sprenginunum í höfuðborg landsins, Beirút, á þriðjudag í síðustu viku. Mikil reiði ríkir í Líbanon og enn var krafist gagngerra breytinga á stjórnarfari í mótmælum í gær.
10.08.2020 - 13:06
Þriðji ráðherrann hættur eftir sprenginguna í Beirút
Marie-Claude Najm, dómsmálaráðherra Líbanons, sagði af sér í morgun. Hún er þriðji ráðherrann sem segir af sér frá því á laugardag. Hún hafði áður lagt til að öll ríkisstjórnin færi frá.
10.08.2020 - 11:13
Þjóðarleiðtogar funda um Beirút
Emmanuel Macron Frakklandsforseti býður helstu þjóðarleiðtogum heims til fjarfundar í dag til að ræða hvernig þjóðir heims geti komið Beirút til hjálpar, en borgin varð illa úti í öflugri sprengingu síðastliðinn þriðjudag.
09.08.2020 - 09:04
Táragasi beitt á mótmælendur - skothvellir hafa heyrst
Lögreglan í Beirút beitti í dag táragasi á mótmælendur sem krefjast aðgerða í kjölfar mannskæðrar sprengingar sem varð í borginni á þriðjudag. Samkvæmt fréttastofu Reuters hafa skothvellir heyrst. Sprengingin varð í vöruskemmu á hafnarsvæði Beirút en talið er að þúsundir tonna ammóníumnítrats hafi verið í skemmunni. Þá hefur fyrrverandi hafnarstarfsmaður greint frá því að þar hafi einnig verið geymt mikið magn flugelda.
08.08.2020 - 17:06
Sprengiefnið ætlað fyrir námavinnslu í Mósambík
Ammóníum nítrat, sprengiefnið sem olli mannskæðri sprengingu í Beirút í vikunni, var upphaflega keypt til að nota við námavinnslu í Mósambík.
08.08.2020 - 08:44