Færslur: Sóttvarnarráðstafanir
50 mega vera í útförum og 100 í búðum
Heilbrigðisráðherra hefur fallist á tillögu sóttvarnalæknis um hertari samfélagslegar aðgerðir til að sporna við útbreiðslu COVID-19. Í þeim felast 20 manna fjöldatakmarkanir, 50 manna hámark í útförum og 100 manna hámark í verslunum sem eru minni en 1.000 fermetrar. Ný reglugerð þess efnis tekur gildi mánudaginn 5. október og verður birt á morgun. Lagt er til að hún verði í gildi í 2-3 vikur og að aðgerðirnar verði í stöðugu endurmati.
03.10.2020 - 17:59
Við erum á þröskuldinum við að grípa til harðari sóttvarnaaðgerða. Þetta segir Þórólfur Guðnason sóttvarnalæknir. Hann hyggst þó ekki leggja til hertar aðgerðir að svo stöddu.
25.09.2020 - 12:35
Hnappi var bætt við í appið Covid.is um helgina þar sem hægt er að tilkynna lögreglu um brot á sóttvarnareglum. Jóhann K. Jóhannsson, samskiptastjóri hjá almannavarnardeild ríkislögreglustjóra, segir að með þessu sé verið að einfalda boðleiðir fyrir fólk sem vill koma tilkynningum á framfæri þegar það telur sóttvarnareglur brotnar, en lögreglu berst talsvert af slíkum tilkynningum í gegnum tölvupóst og samfélagsmiðla.
14.09.2020 - 11:51
Spritt og grímur í skólum á Spáni
Rúmlega átta milljónir spænskra barna og unglinga setjast aftur á skólabekk í þessari viku eftir að hafa verið heima í hálft ár. Gríðarlegar varúðarráðstafanir eru í öllum skólum landsins vegna COVID-19 farsóttarinnar og mikið álag á kennurum í menntakerfi sem hefur verið fjársvelt árum saman.
11.09.2020 - 07:14
Strangt útgöngubann í Melbourne í Ástralíu verður framlengt um tvær vikur. Þetta tilkynntu yfirvöld í dag. Nýjum tilfellum Covid-19 hefur ekki fækkað nóg til að unnt sé að slaka á.
06.09.2020 - 04:54
Í ljós hefur komið að röng gerð af sóttvarnarspritti hefur verið í skömmturum í Metro, jarðlestakerfi Kaupmannahafnarborgar.
20.08.2020 - 12:20
Sigríður Andersen, þingmaður Sjálfstæðisflokksins, segir að innan hennar flokks séu uppi áhyggjur um hversu mikið frelsi borgaranna hefur verið skert í baráttunni gegn kórónuveirufaraldrinum. Hún telur að nýjar reglur á landamærunum gangi of langt og í þeim felist of mikil inngrip í friðhelgi einkalífsins.
20.08.2020 - 10:04
Hluti þeirra farþega sem komu hingað til lands í morgun vissi ekki af nýjum reglum um skimanir. Sumir þeirra höfðu ekki ætlað að dvelja hér þá fimm daga sem ferðamönnum er nú gert að verja í sóttkví á milli skimana og aðrir þurfa að vera í sóttkví allan þann tíma sem þeir dvelja hér á landi.
19.08.2020 - 13:11
Víðir Reynisson yfirlögregluþjónn segir ljóst að breyta þurfi upplýsingum á covid.is til að tryggja samræmi milli upplýsingavefsins og nýjustu auglýsingar heilbrigðisráðherra um takmörkun á samkomum. Sóttvarnalæknir sagðist í dag telja að ferðamálaráðherra hefði ekki brotið sóttvarnarlög á laugardagskvöld þegar hún skemmti sér með vinkonum sínum.
17.08.2020 - 17:07
Frá og með sunnudeginum 22. ágúst verður skylda að bera grímur í almenningssamgöngum í Danmörku til að hindra kórónuveirusmit. Til skoðunar er að skylt verði að bera grímu á fleiri stöðum þar sem margir koma saman, til dæmis í verslunum. Þetta sagði Mette Frederiksen forsætisráðherra Danmerkur á blaðamannafundi í dag.
15.08.2020 - 16:21
„Það er mikil áhætta fyrir lítinn ávinning að hleypa fólki inn í landið,“ segir Tinna Laufey Ásgeirsdóttir, prófessor í hagfræði við Háskóla Íslands, um fyrirkomulagið við skimun á landamærunum þar sem ekki er gerð krafa um sóttkví. „Margir eru undanþegnir skimun og aðrir fá hana á verði sem ekki tekur mið af áhættunni sem ferðir yfir landamærin hafa í för með sér,“ segir Tinna.
10.08.2020 - 15:04
Mjög fáir þeirra sem greindust í gær í sóttkví
Mjög fáir þeirra sem greindust í gær voru í sóttkví, að sögn Víðis Reynissonar yfirlögregluþjóns. Hann segir til skoðunar að leggja einhverja þeirra smituðu inn á spítala. Aðspurður hvort upp sé komin ný hópsýking segir Víðir að réttast sé að segja að upp sé kominn faraldur.
07.08.2020 - 11:34
Fara á veitingastaði til að tryggja að reglum sé fylgt
Lögreglan á höfuðborgarsvæðinu stefnir á að fara í eftirlitsferðir á flesta veitingastaði til að tryggja að sóttvarnarreglum sé fylgt. Þetta sagði Rögnvaldur Ólafsson, aðstoðaryfirlögregluþjónn hjá Almannavarnadeild ríkislögreglustjóra, í viðtali við fréttastofu í dag.
06.08.2020 - 16:56
„Rannsóknir hafa sýnt, án nokkurs vafa, að andlitsgrímur geta komið í veg fyrir COVID-19-smit á milli einstaklinga.“ Þetta kemur fram í svari Jóns Magnúsar Jóhannessonar, deildarlæknis á Landspítalanum, á Vísindavef Háskóla Íslands. Samkvæmt reglum sem tóku gildi á hádegi síðastliðinn föstudag er fólki skylt að bera grímur hér á landi við aðstæður þar sem ómögulegt er að halda tveggja metra fjarlægð milli fólks.
06.08.2020 - 15:28
Um 15 þúsund Þjóðverjar flykktust út á götur Berlínar, höfuðborgar Þýskalands, í dag og mótmæltu sóttvarnaraðgerðum yfirvalda þar í landi. Samkvæmt fréttaritara BBC í Berlín voru í hópi mótmælendanna öfga-hægrimenn og fólk sem aðhyllist samsæriskenningar.
01.08.2020 - 17:43
„Ég ætlaði í langt ferðalag um landið með félaga mínum. Ef ég hefði fylgt leiðbeiningum hjúkrunarfræðings væri ég sennilega núna á Borgarfirði eystra,“ segir Gilad Peleg í samtali við fréttastofu.
01.08.2020 - 14:21
Framkvæmdastjóri heilbrigðiseftirlits Reykjavíkur og forstöðumaður neytendaverndar Matvælastofnunar eru sammála um að neytendum stafi engin hætta af smiti sem greindist í gær hjá starfsmanni fyrirtækis sem flytur inn og dreifir matvælum.
31.07.2020 - 17:46
Hvorki tveggja metra regla né grímuskylda í strætó
„Þó við höfum notað orðið grímuskylda þá var nú ekki meiningin að gera þetta að skyldu,“ segir Jóhannes Svavar Rúnarsson, framkvæmdastjóri Strætó, um tilkynningu sem Strætó sendi frá sér í morgun. Í tilkynningunni kom fram að farþegum yrði skylt að bera grímur í strætó.
31.07.2020 - 15:25
Engin ástæða til að óttast vöruskort
Starfsmenn matvöruverslana grípa nú til ráðstafana á borð við þær sem viðskiptavinir máttu venjast í vor. Við innganga standa starfsmenn og telja fjölda þeirra sem koma inn í verslanir og sjálfsafgreiðsluborð eru þrifin milli viðskiptavina. Framkvæmdastjóri Bónus segir ekki bera á því að fólk hamstri vörur, enda sé engin ástæða til að óttast vöruskort.
31.07.2020 - 14:34
Upplýsingafundur Almannavarna
Víðir Reynisson, yfirlögregluþjónn hjá ríkislögreglustjóra, Þórólfur Guðnason, sóttvarnalæknir, Alma D. Möller, landlæknir og Óskar Reykdalsson, forstjóri Heilsugæslunnar á höfuðborgarsvæðinu fara yfir stöðu mála varðandi framgang COVID-19 faraldursins hér á landi á upplýsingafundi Almannavarna klukkan tvö í dag í Katrínartúni.
31.07.2020 - 13:47
Svona á að nota grímur
Margir ruku út í búð strax eftir blaðamannafundinn í dag til að kaupa sér grímu. Sums staðar þurfti að kalla út auka mannskap til að afgreiða grímurnar. Sérfræðingur hjá sóttvarnalækni segir þó að tveggja metra reglan sé aðalatriðið. Grímur eigi bara að nota þar sem ekki sé unnt að halda tveggja metra fjarlægð. Þegar gríman er orðin rök verði að henda henni og fá sér nýja.
30.07.2020 - 19:08
Forsvarsmenn ferðaþjónustufyrirtækja segja fjölgun kórónuveirusmita í Evrópu og bakslag hér mikið áhyggjuefni. Staðan setji áform fyrirtækja sem hugðust endurráða starfsmenn í haust í uppnám.
28.07.2020 - 21:02
Bresk yfirvöld hafa fyrirskipað fjórtán daga sóttkví fyrir alla sem koma til landsins frá Spáni og ráðið fólki frá ferðum þangað. Pedro Sánchez, forsætisráðherra Spánar, segir ákvörðunina „ósanngjarna“.
28.07.2020 - 07:15
Um 250 manns frá ríkjum utan EES og EFTA hafa fengið staðfestingu á því að þeir uppfylli skilyrði fyrir undanþágu frá ferðatakmörkunum við komuna til landsins á þeim grundvelli að störf þeirra teljist efnahagslega mikilvæg og geti ekki verið innt af hendi síðar eða erlendis. Þetta kemur fram í svari utanríkisráðuneytisins við fyrirspurn fréttastofu.
21.07.2020 - 17:51
