Færslur: Skötufjörður

Vill viðbragðsaðila framar í forgangsröð um bóluefni
Varðstjóri hjá lögreglunni á Ísafirði segir að aðstæður viðbragðsaðila við banaslys sem varð í Skötufirði á laugardag gefi til kynna hve brýnt sé að bólusetja þá. Tuttugu manns fóru í sóttkví eftir slysið.
Viðtal
Dýrt og erfitt að koma á fullkomnu fjarskiptasambandi
Vegfarendur sem komu fyrstir að banaslysi í Skötufirði í gær þurftu að aka áfram þar til símasamband náðist til þess að hringja á Neyðarlínuna. Forstöðumaður tæknideildar Póst- og fjarskiptastofnunar segir Vestfirði landfræðilega mjög erfiða.
Líðan feðganna óbreytt – Flateyrarkirkja opnuð
Fólkið sem tók þátt í björgunaraðgerðum í Skötufirði í Ísafjarðardjúpi í gær er laust úr úrvinnslusóttkví. Líðan hinna slösuðu er óbreytt. Þetta kemur fram í tilkynningu frá lögreglunni á Vestfjörðum.
17.01.2021 - 14:41
Konan lést í gærkvöldi eftir slysið í Skötufirði
Konan sem var í bílnum sem hafnaði í sjónum í Skötufirði í gærmorgun, lést seint í gærkvöldi. Ungt barn hennar og eiginmaður eru enn á sjúkrahúsi undir læknishöndum. Konan, Kamila Majewska, var á þrítugsaldri og búsett á Flateyri ásamt fjölskyldu sinni. Þau voru á leið heim til sín í sóttkví eftir að hafa komið til landsins frá Póllandi um nóttina.
17.01.2021 - 10:41
Hátt í tuttugu manns úr björguninni í úrvinnslusóttkví
Hátt í tuttugu manns, sem komu að björgun fólksins úr bílnum sem lenti í sjónum í Skötufirði í morgun, eru komin í úrvinnslusóttkví. Í bílnum var fjölskylda, maður og kona fædd 1989 og 1991, og ungt barn þeirra. Þau komu frá Póllandi í nótt og voru á leið heim til sín í sóttkví eftir fyrri sýnatöku á Keflavíkurflugvelli.
16.01.2021 - 15:38
Myndband
Þyrlurnar komnar frá Skötufirði með fólkið
Öll þau sem voru í bílnum sem fór út af Djúpvegi í Skötufirði og hafnaði í sjónum í morgun eru komin á spítala í Reykjavík. Í bílnum var fjölskylda; maður, kona og lítið barn. Fjórir vegfarendur á þremur bílum náðu fólkinu úr bílnum og hófu björgunaraðgerðir áður en björgunarsveitir komu á vettvang.
16.01.2021 - 13:07
Útvarp
Björgun hafin í Skötufirði - fjölskylda var í bílnum
Bíll með þremur innanborðs, manni, konu og barni, fór í sjóinn í Skötufirði í Ísafjarðardjúpi á Vestfjörðum á ellefta tímanum í morgun. Slysið er alvarlegt og var Samhæfingarmiðstöð almannavarna í Skógarhlíð virkjuð. Þvær þyrlur Landhelgisgæslunnar fóru á staðinn. Vegfarendur tilkynntu um slysið og er sagt að þeir hafi unnið þrekvirki. Flughált er á vegum á Vestfjörðum. Búið er að ná fólkinu úr bílnum.