Færslur: Skorradalur

Óvarlegar sprengingar við vegagerð í Borgarfirði
Lögreglan á Vesturlandi hefur nú til rannsóknar vegaframkvæmdir í Skorradal í Borgarfirði, þar sem óvarlega þykir hafa verið staðið að vegaframkvæmdum. Seint að kvöldi síðastliðinn fimmtudag var sprengdur upp jarðvegur fyrir efnistöku, með þeim afleiðingum að möl og stórgrýti lokaði veginum um dalinn. Efnið var sótt í klappir í Fossabrekku, milli bæjanna Syðstu-Fossa og Hálsa.
Bikblæðingar í Norðurárdal og Skorradalsvegur lagaður
Vegagerðin varar við því að bikblæðinga hefur orðið vart í Norðurárdal í Borgarfirði. Því eru vegfarendur hvattir til varkárni á þeim slóðum. Í vikunni var Skorradalsvegur lagfærður svo hann gæti betur þjónað sem flóttaleið úr dalnum komi upp alvarlegir gróðureldar.
Slökkvilið gengur bakvaktir af ótta við gróðurelda
Sextán slökkviliðsmenn í Slökkviliði Borgarbyggðar ganga bakvaktir um helgina. Þetta gert í varúðarskyni vegna hættu á gróðureldum. Þá fá þeir sem leggja leið sína í sumarbústað á skógríkum svæðum á Vesturlandi viðvörun um þurrkana í textaskilaboðum. Slípirokkur, eldstæði eða jafnvel grill nálægt gróðri geta kveikt gróðurelda.