Farið er hörðum orðum um netöryggissveit Póst- og fjarskiptastofnunar í umsögn Sýnar hf. um nýtt frumvarp sem felur í sér heildarendurskoðun á lögum um stofnunina. Nafni hennar á að breyta í Fjarskiptastofu. Í umsögninni segir að starfsemi netöryggissveitarinnar hafi valdið vonbrigðum en þó hafi rekstrargjald fjarskiptafyrirtækjanna til hennar verið hækkað og framlög til málaflokksins stóraukin. Sveitin starfi hvorki á kvöldin né um helgar - ólíkt netglæpamönnum.

Síminn var í morgun dæmdur í Héraðsdómi Reykjavíkur til að greiða 111 milljónir króna í skaðabætur til Tölvunar, Snerpu og Hringiðunnar, auk kostnaðar. Upphaflegar kröfur hljóðuðu upp á þrjá milljarða króna. Dómurinn hefur ekki áhrif á afkomuhorfur félagsins, en Síminn hagnaðist um rúman milljarð á þriðja ársfjórðungi.

Stefnt er að aukinni samvinnu fjarskiptafyrirtækja við uppbyggingu innviða fyrir fimmtu kynslóð farnets. Samkeppniseftirlitið er með samstarfið til skoðunar.

Síminn hefur lagt niður hugbúnaðarþróunardeild fyrirtækisins og sagt upp átta starfsmönnum hjá deildinni.

Fjölmiðlanefnd hefur lagt 1,2 milljóna króna stjórnvaldssekt á RÚV fyrir að hafa haft norsku þættina Exit aðgengilega fyrir alla í spilara á vefnum ruv.is. Síminn kvartaði vegna málsins til nefndarinnar, óskaði eftir inngripi hennar og hvatti til hámarkssekta. RÚV hefur verið gert að fjarlægja þættina af vefnum fyrir 5. júní.

Hlutabréf í Símanum hafa hækkað um 3,7 prósent í morgun. Um klukkan hálftólf nam velta með bréf í félaginu 436 milljónum króna. Félagið birti uppgjör fyrsta fjórðungs ársins í gær.

Síminn hefur greitt hæstu fjárhæð allra fyrirtækja í formi styrkja til stjórnmálaflokka landsins síðustu þrjú ár. Í næstu viku verður stefna stjórnarinnar, að styrkja alla flokka, mögulega endurskoðuð.