Færslur: Samtök Ferðaþjónustunnar

Í BEINNI
Forystumenn flokka ræða viðspyrnu í ferðaþjónustu
Ferðaþjónustudagurinn 2021 er haldinn í Silfurbergi í Hörpu í dag, en að honum standa Samtök ferðaþjónustunnar. Viðspyrna í ferðaþjónustu - samtal við stjórnmálin er yfirskrift dagsins.
Erfiður vetur framundan fyrir ferðaþjónustuna
Ákvörðun Sóttvarnastofnunar Bandaríkjanna að setja Ísland á hæsta hættustig í ágúst hafði merkjanleg áhrif á ferðaþjónustu, sérstaklega nú í september. Útlit er fyrir að veturinn verði ferðaþjónustunni erfiður og erlendir ferðamenn færri í ár en spáð var.
Svartsýnustu spár ferðaþjónustunnar ekki ræst
Svartsýnustu spár ferðaþjónustunnar um áhrif þess að Ísland yrði flokkað sem rautt land á sóttvarnakortum hafa ekki ræst. Bjarnheiður Hallsdóttir, formaður Samtaka ferðaþjónustunnar, segir að afleiðingarnar hefðu orðið mun harkalegri ef þetta hefði gerst í vor.
Ísland ekki sjálfkrafa á rauðan lista einstakra landa
Ísland fer hvorki sjálfkrafa á rauða lista einstakra ríkja né breytast reglur gagnvart Íslandi strax í dag. Mikilvægt er fyrir ferðalanga að kynna sér reglur á áfangastað enda styðjist mörg ríki við eigin skilgreiningar og flokka. Víða gildi undanþágur fyrir bólusetta.
Segir tveggja metra reglu og samkomubann skaða greinina
Formaður Samtaka ferðaþjónustunnar segir það myndi hafa mikil áhrif á ferðaþjónustuna ef sett yrði á tveggja metra regla eða strangar samkomutakmarkanir. Hún vonast til að ný flokkun landsins hjá sóttvarnastofnun Bandaríkjanna hafi lítil áhrif á ferðahegðun.
Vonbrigði segir formaður SAF
Formaður Samtaka ferðaþjónustunnar segir hertar aðgerðir á landamærum vera mikil vonbrigði og ekki í samræmi við þá áætlun sem stjórnvöld hafi sett upp. Hún segir sárgrætilegt ef farið yrði í hertar aðgerðir innanlands.
Réttindi ferðafólks tryggð með Ferðatryggingasjóði
Ferðatryggingasjóður, nýtt tryggingakerfi fyrir pakkaferðir, sem á að tryggja betur rétt neytenda, leysir nú gildandi kerfi af hólmi. Stjórn sjóðsins hefur þegar fundað og falið Ferðamálastofu að skipuleggja starfsemina.
Hefði viljað losna fyrr við tvöfalda skimun og sóttkví
Framkvæmdastjóri Samtaka ferðaþjónustunnar fagnar afléttingu sóttvarna en segist hafa vonast eftir því að kröfur um tvöfalda skimun og sóttkví á landamærunum hefðu ekki verið látnar gilda fram í miðjan ágúst eins og reglugerð hljóðar upp á. 
Vill fara varlega í afléttingar á landamærum
Ráðherranefnd fundar um tilhögun Covid-varna á landamærunum á næstu dögum. Ferðaþjónustan kallar eftir frekari tilslökunum en heilbrigðisráðherra vill fara varlega og segir að verja þurfi góða stöðu innanlands.
Samtök ferðaþjónustunnar vilja afnám sóttkvíar
Bjarnheiður Hallsdóttir formaður Samtaka ferðaþjónustunnar segir afnám sóttkvíar á landamærunum verða til þess að ferðaþjónusta hér á landi komist í fullan gang.
„Það vorar hratt í ferðaþjónustunni“
Það vorar hratt í íslenskri ferðaþjónustu og hraðar en menn bjuggust við. Markaðsherferðir miða nú að því að fá hingað ferðamenn sem dvelja lengur og eyða meiri peningum meðan á dvölinni stendur. Þetta segir framkvæmdastjóri Samtaka ferðaþjónustufyrirtækja.
Augu fólks að opnast fyrir uppbyggingu vega á hálendinu
Með því að byggja upp hálendisvegi gætu fleiri skoðað og notið hálendisins. Jafnframt kæmi það í veg fyrir utanvegaakstur, skemmdir á bílum og rykmengun. Stofnvegir á hálendinu eru fjórir; Kjalvegur, Sprengisandsleið, Fjallabaksleið nyrðri og Kaldidalur, samtals 480 kílómetrar.
Ferðaþjónustan leggur komandi ríkisstjórn línurnar
Samtök ferðaþjónustunnar hafa lagt fram ellefu tillögur að aðgerðum stjórnvalda til að flýta fyrir endurreisn ferðaþjónustunnar og um leið viðspyrnu efnahagslífsins. Tillögunum er sérstaklega beint að þeirri ríkisstjórn sem tekur við í haust.
Gagnrýna að fyrri ferðagjöf renni út um mánaðamót
Á sama tíma og Samtök ferðaþjónustunnar fagna því að stjórnvöld hafi lagt til að ný ferðagjöf verði gefin til landsmanna til að draga úr neikvæðum áhrifum á atvinnulífið í kjölfar COVID-19, þá gagnrýna samtökin það að fyrri ferðagjöf falli senn úr gildi.
Myndskeið
Tíðin batnar í ferðaþjónustu
130 farþegar komu hingað frá Bandaríkjunum með fyrsta áætlunarflugi flugfélagsins Delta í morgun. Hjólin eru aðeins farin að snúast, segir framkvæmdastjóri Samtaka ferðaþjónustunnar. Forstjóri Icelandair segir mjög jákvætt að líf sé að færast í markaðinn, sérstaklega frá Bandaríkjunum. 
Átta farþegaþotur væntanlegar til landsins í dag
Viðbúið er að sóttkvíarhótelin tvö í Reykjavík fyllist á næstu dögum en von er átta flugvélum til Keflavíkurflugvallar í dag. Þær áttu að vera níu en flugi Icelandair frá Stokkhólmi hefur verið aflýst. Fyrsta vél Delta frá Bandaríkjunum lenti með á annað hundrað farþega í morgun. Framkvæmdastjóri Samtaka ferðaþjónustunnar fagnar fjölgun flugferða til landsins.
Jóhannes Þór fagnar framlengingu viðspyrnustyrkja
Jóhannes Þór Skúlason framkvæmdastjóri Samtaka ferðaþjónustunnar fagnar því að viðspyrnustyrkir til fyrirtækja skuli hafa verið framlengdir. Aðgerðaráætlun stjórnvalda vegna COVID-19 sem kynnt var í gær sé að hans mati í fljótu bragði skynsamleg. Nú sé til dæmis bætt við tekjufallsþrepi. 
„Jákvætt skref fyrir allt samfélagið á Íslandi“
Formaður Samtaka ferðaþjónustunnar fagnar fyrirhuguðum aðgerðum stjórnvalda á landamærunum og segir þær bera vott um kjark. Loksins sjái fyrir endann á faraldrinum.
Myndskeið
„Fer til útlanda ef guð og sprautur lofa“
Ólíklegt er að ferðaþjónustufyrirtæki hafi tök á að bjóða Íslendingum jafn góð tilboð og síðasta sumar. Þetta segir Jóhannes Þór Skúlason framkvæmdastjóri Samtaka ferðaþjónustunnar. Hann segir að vonast sé til að stjórnvöld gefi landsmönnum aðra ferðaávísun, en ekki liggur fyrir hvort af henni verður. Vegfarendur sem fréttastofa tók tali sjá flestir fram á íslenskt ferðasumar.
Teikn á lofti um að gosið laði að sér erlenda ferðamenn
„Fjöldi þeirra sem komið hafa til Íslands frá útlöndum í mars er svipaður og mánuðina á undan þó að upp á síðkastið hafi orðið vart við örlitla fjölgun,“ segir Skarphéðinn Berg Steinarsson ferðamálastjóri í samtali við fréttastofu. Tölfræði um mars liggi þó ekki endanlega fyrir.
Fleiri ferðaþjónustufyrirtæki muni heltast úr lestinni
Gistinóttum útlendinga á hótelum hér á landi fækkaði um 98% í febrúar miðað við sama mánuð í fyrra og fimm þúsund farþegar fóru um Keflavíkurflugvöll miðað við 167 þúsund í sama mánuði í fyrra. Framkvæmdastjóri Samtaka ferðaþjónustunnar segir að búast megi við því að fleiri ferðaþjónustufyrirtæki hætti starfsemi á næstunni.
Fyrstu gjalddögum Ferðaábyrgðasjóðs frestað
Þórdís Kolbrún Reykfjörð Gylfadóttir, ferðamála-, iðnaðar- og nýsköpunarráðherra, hefur ákveðið að fresta fyrstu gjalddögum Ferðaábyrgðasjóðs til 1. desember. Fyrsti gjalddagi átti að vera 1. mars næstkomandi.
„Árið 2020 var hroðalegt, erfitt og krafðist úthalds“
Fyrir ári síðan gat fólk ekki ímyndað sér lokuð landamæri og draugalegar flugstöðvarbyggingar, raðir af rútum sem teknar höfðu verið af númerum, mannlausa ferðamannastaði, bílskúrsútilegur. Ferðaþjónustan varð fyrir roknahöggi árið 2020. En hvernig verður árið 2021? Um það ríkir óvissa. Spegilinn gerði upp ferðaþjónustuárið með Bjarnheiði Hallsdóttur, formanni Samtaka ferðaþjónustunnar.
Færri gjaldþrot í ferðaþjónustu en óttast var
Gjaldþrot í ferðaþjónustu eru færri en óttast var fyrr á árinu. Hins vegar eru skuldir orðnar miklar og viðbúið að það taki greinina þrjú til fjögur ár að rétta úr kútnum. Þetta segir Jóhannes Þór Skúlason, framkvæmdastjóri Samtaka ferðaþjónustunnar.
Ferðaþjónustan fjögur ár að jafna sig eftir kreppuna
Jóhannes Þór Skúlason framkvæmdastjóri Samtaka ferðaþjónustunnar segir að útlit sé fyrir að gjaldþrot í greininni verði færri en óttast var.