Færslur: Samkomubann

Sárafáir fóru á sóttkvíarhótelið
Sárafáir þeirra sem komu til landsins með flugi í dag fóru á sóttkvíarhótel, segir yfirlögregluþjónn á Keflavíkurflugvelli. Karlmaður sem ákvað að fara heim til sín og kona sem ákvað að fara á sóttkvíarhótel gefa sömu skýringuna, það hafi verið þægilegast. Í dag gat fólk í fyrsta skipti komið frá löndum utan Schengen og vísað vottorðum um bólusetningu eða fyrra smit.
Viðtal
Framhaldsskólastarf komið í nánast eðlilegt horf
Kristinn Þorsteinsson, skólameistari í Fjölbrautaskólanum í Garðabæ og formaður Skólameistarafélags Íslands, segir að með breytingum á sóttvörnum verði framhaldsskólastarf nánast komið í eðlilegt horf. Miklar breytingar verða á félagslífi nemenda. Faraldurinn hefur þó þau áhrif að einhverjir framhaldsskólanemar munu seinka námi eða hætta jafnvel alveg.
Viðtal
Býst við að tilslakanir taki fljótlega gildi
Sóttvarnalæknir býst við að þær tillögur sem hann leggi til við heilbrigðisráðherra, öðru hvoru megin við helgina, taki gildi áður en núverandi reglur falla úr gildi. Bíða verði í hálfan mánuð hið minnsta með næstu tilslakanir. Mikilvægt sé að fara mjög varlega í tilslakanir, segir Þórólfur Guðnason sóttvarnalæknir. Lagðar verði til vægar breytingar í fyrstu atrennu. 
Viðtal
Kringlan stefnir á öskudagsviðburð í samkomubanni
Viðbúið er að allt að þrjú þúsund börn verði í Kringlunni á miðvikudaginn eftir hálfan mánuð, öskudaginn, þar sem efnt verður til viðburða og sælgæti í boði. Í fyrra komu um þrjú þúsund börn í Kringluna á öskudag. Kaupmenn í Kringlunni eru uggandi. Smáralind verður ekki viðburð á öskudag vegna aðstæðna og vísar til samkomubanns og sóttvarna. Baldvina Snælaugsdóttir, markaðsstjóri Kringlunnar, segir að mikilvægt sé að gleðja börnin.
04.02.2021 - 12:40
Smittölur gefi tilefni til hóflegrar bjartsýni
Rögnvaldur Ólafsson, aðstoðaryfirlögregluþjónn almannavarna segir smittölur yfir aðventuna gefa tilefni til hóflegrar bjartsýni. Engin stærri mál um sóttvarnabrot hafi borist honum eftir nóttina.
01.01.2021 - 12:13
Myndskeið
Hvað má um jól í tíu manna samkomutakmörkunum?
Tilmæli almannavarna um svokallaða jólakúlu hafa vafist fyrir mörgum. Rögnvaldur Ólafsson, aðstoðaryfirlögregluþjónn segir að fólk eigi að velja sér tíu til að verja hátíðunum með. Börn og fólk sem hefur fengið COVID er ekki inn í þessum takmörkunum. Hann óttast fjórðu bylgjuna í kjölfar jólanna.
09.12.2020 - 19:14
Viðtal
Sóttvarnalæknir endurskoðar tillögur að tilslökunum
Þórólfur Guðnason sóttvarnalæknir skilaði heilbrigðisráðherra á miðvikudag minnisblaði með tillögum um áframhaldandi sóttvarnaaðgerðir. Í þeim fólust hægfara tilslakanir á ýmsum sviðum. Þórólfur hefur beðið ráðherra með að bíða með aðgerðir og hyggst endurskoða sínar tillögur. Þetta er vegna fjölgunar kórónuveirusmita. Hann biðlar til fólks að forðast alla hópamyndun. Smit síðustu daga séu rakin til veisluhalda og hópamyndunar innan sem utan fjölskyldna.
Myndskeið
Býst við að hægt verði að kynna tilslakanir eftir viku
Hér á landi er nú lægsta nýgengi kórónuveirusmita í Evrópu. Yfirlögregluþjónn þakkar það samstöðu almennings og býst við að hægt verði að kynna tilslakanir eftir viku.
22.11.2020 - 18:58
Hertar reglur fyrir landið allt gilda frá miðnætti
Reglur um hertar sóttvarnaaðgerðir og takmarkanir sem heilbrigðisráðherra kynnti á föstudag að tillögu sóttvarnalæknis tóku gildi á miðnætti og gilda um allt land til 17. nóvember.
30.10.2020 - 23:52
Þetta má og má ekki frá deginum í dag
Ný reglugerð um samkomubann tók gildi í dag og gildir til 3. nóvember. Áfram verða harðari aðgerðir á höfuðborgarsvæðinu. 
20.10.2020 - 18:38
Myndskeið
Minnisblað til heilbrigðisráðherra í smíðum
Sóttvarnalæknir er með minnisblað til heilbrigðisráðherra í smíðum, þar sem lagðar eru til aðgerðir vegna útbreiðslu þriðju bylgju faraldursins. Hann vill ekki gefa upp hvenær minnisblaðinu verður komið til ráðherra.
02.10.2020 - 20:13
 · Innlent · COVID-19 · Samkomubann
Viðbúið að innlögnum fjölgi á næstu dögum
Sóttvarnalæknir segir viðbúið að spítalainnlögnum fari fjölgandi á næstu dögum. Fjórir liggja nú á Landspítalanum með Covid-19 þar af einn á gjörgæslu og í öndunarvél.
27.09.2020 - 12:40
Myndskeið
Skólarnir geta sjálfir haft skyldu að vera með grímu
Sóttvarnalæknir segir að grímuskylda í skólum sé á forræði skólayfirvalda, hún sé ekki skylda samkvæmt sóttvarnalögum. Menntamálaráðherra sendi frá sér leiðbeiningar í gær um grímuskyldu í framhalds- og háskólum á höfuðborgarsvæðinu. Hún segir að skólarnir geti sett sér þær sem reglur, sem nemendur þurfa þá að fara eftir.
21.09.2020 - 19:56
Leggja mat á „alvarleika ástandsins“
38 greindust með kórónuveiruna innanlands í gær. Ekki er búið að taka ákvörðun um hertar aðgerðir. Víðir Reynisson yfirlögregluþjónn segir að verið sé að leggja mat á alvarleika ástandsins . Undanfarna daga eru níutíu og tvö smit rakin til skemmtistaða í Reykjavík.
20.09.2020 - 12:32
Myndskeið
Fjarvinna hafði góð áhrif og breytti neysluhegðun fólks
Aukin fjarvinna í kórónuveirufaraldrinum breytti neysluhegðun fólks að mati kaupmanns, þar sem sala í netverslun tók kipp. Sumum fannst jákvætt að geta nýtt hádegið til þess að setja í þvottavél.
13.09.2020 - 09:20
Nýjar áskoranir á tímum Covid
Ráðstefnuhaldarar hafa í auknum mæli tekið tæknina í sína þjónustu til að glíma við nýjar áskoranir í Covid faraldrinum. Ráðstefnur sem áður drógu til sín mörg hundruð gesti fara nú að mestu leyti fram á netinu.
10.09.2020 - 22:05
Minni eftirspurn eftir meðferð ungs fólks vegna aðgerða
Framkvæmdastjóri lækninga hjá SÁÁ þakkar það aðgerðum stjórnvalda að minni eftirspurn sé meðal yngstu aldurshópanna eftir meðferð við áfengis- og vímuefnaneyslu. Hún vonar að viðbrögð vegna kórónuveirunnar leiði til frekari aðgerða til að sporna við dauðsföllum vegna vímuefna.
07.09.2020 - 12:38
Myndskeið
Árangur landamæraaðgerða metinn eftir helgi
Á þeim tíu dögum frá því að farið var að skima alla komufarþega tvisvar með fimm daga sóttkví á milli, hefur enginn greinst með veiruna í seinni skimun.  Sóttvarnaráðstafanir á landamærum verða endurmetnar eftir helgi. 
29.08.2020 - 19:31
Breytingar á samkomubanni taka gildi á miðnætti
Nýjar reglur um samkomubann taka gildi á miðnætti og gilda að óbreyttu út 10. september. Helstu breytingar snúa að íþróttum og listgreinum en einnig verður gerð breyting á tveggja metra reglunni.
27.08.2020 - 09:48
„Í pípunum“ að slaka á hömlum innanlands
„Vonandi tekst okkur að ná góðum tökum á þessum innanlandssmitum þannig við getum farið að slaka á hömlum hér innanlands. Ég held að það sé það sem er í pípunum núna,“ sagði Þórólfur Guðnason sóttvarnarlæknir á upplýsingafundi almannavarna í dag.
20.08.2020 - 14:44
Myndskeið
Tveggja metra reglan - skylda fyrirtækja ekki fólks
Tveggja metra reglan er tvenns konar, segir sóttvarnalæknir. Atvinnurekendum er skylt að fara að henni samkvæmt reglugerð en almenningur er hins vegar hvattur til að viðhafa hana þar sem við á.
18.08.2020 - 19:41
Myndskeið
Skrítið að vera í meters fjarlægð — kynnast á netinu
Nýnemar í framhaldsskóla segja skrítið að þurfa að halda meters fjarlægð í skólum. Fjarnám að hluta verði krefjandi en þau kynnist betur í gegnum samfélagsmiðla. Sumum skólum hefur verið skipt upp í sóttvarnarhólf og kennararnir eiga fullt í fangi með að spritta stóla og borð eftir hvern tíma.
18.08.2020 - 18:50
Ráðuneytið og sóttvarnalæknir sammæltust um orðalagið
Í minnisblaði sóttvarnalæknis til heilbrigðisráðherra er gengið lengra í kröfum um tveggja metra nándarreglu en gert er í reglugerðinni sem ráðherrann setti í framhaldinu. Ráðuneytið segir að sóttvarnalæknir og heilbrigðisráðuneytið hafi sammælst um orðalagið eins og það endaði í auglýsingunni.
18.08.2020 - 13:10
Meiri kröfur í minnisblaði sóttvarnalæknis en reglugerð
Í minnisblaði sóttvarnalæknis til heilbrigðisráðherra er gengið lengra í kröfum um tveggja metra nándarreglu en gert er í reglugerðinni sem ráðherrann setti í framhaldinu. Til stendur að breyta fyrirmælum á covid.is um tveggja metra regluna til að tryggja samræmi milli upplýsingavefsins og nýjustu auglýsingar heilbrigðisráðherra um takmarkanir á samkomum.
18.08.2020 - 09:15
 · COVID-19 · Samkomubann
Treysta á framhald hlutabótaleiðar - „Hrun í viðburðum“
Fyrirtæki sem sinnir viðburðum treystir á að hlutabótaleiðin verði framlengd um mánaðamótin. Yfirlögregluþjónn almannavarna segir að verið sé að leita leiða til að koma til móts við menningarlíf landsins.