Færslur: Samkeppniseftirlitið

Segir SFF sleppa vel með 20 milljóna króna sekt
Formaður Félags íslenskra bifreiðaeigenda segir að 20 milljóna króna sekt sem Samkeppniseftirlitið gerði Samtökum fjármálafyrirtækja að greiða vegna samráðs tryggingafélaga sé léttvæg. Brotin lýsi þó því hugarfari sem ríki á markaðinum.
FÍB segir tryggingafélög hafa sloppið ódýrt
Félag íslenskra bifreiðaeiganda (FÍB) segir að Samkeppniseftirlitið hefði fremur mátt sekta tryggingafélög en Samtök fjármálafyrirtækja (SFF) vegna umræðu um verðlagningu tryggingaiðgjalda. Í mars lagði Samkeppniseftirlitið 20 milljóna króna sekt á samtökin.
SFF gert að greiða tuttugu milljóna sekt
Samkeppniseftirlitið og Samtök fjármálafyrirtækja hafa gert sátt þar sem SFF viðurkenna brot gegn samkeppnislögum. Samtökin fallast á að greiða 20 milljónir króna í sekt og grípa til aðgerða sem vinna gegn því að brot endurtaki sig.
28.03.2022 - 20:34
Tilkynningu skilað og styttist í niðurstöðu
Samkeppniseftirlitinu hefur borist fullnægjandi tilkynning vegna samruna franska sjóðastýringafélagsins Ardian og Mílu en franska félagið kaupir allt hlutafé Mílu af Símanum.
11.02.2022 - 10:40
Kaup Ardian á Mílu komin á borð Samkeppniseftirlitsins
Samkeppniseftirlitinu barst í gær styttri samrunatilkynning vegna kaupa sjóðastýringarfyrirtækisins Ardian France SA á Mílu, dótturfélagi Símans. Eftirlitið kallaði eftir tilkynningu um kaupin í nóvember í fyrra. 
20.01.2022 - 15:55
Þörf sé á samkeppnisvænni umgjörð á flugvellinum
Samkeppniseftirlitið hefur sent stjórnvöldum átta tilmæli sem miða að því að bæta umgjörð um starfsemi á Keflavíkurflugvelli, skapa samkeppni, draga úr kostnaði, efla ferðaþjónustu og auka hag almennings. Þetta segir í tilkynningu frá Samkeppniseftirlitinu.
06.01.2022 - 16:20
Alþjóðlega sjóðastýringarfyrirtækið Ardian kaupir Mílu
Síminn hefur gert samkomulag við alþjóðlega sjóðastýringarfyrirtækið Ardian SA um kaup á öllu hlutafé í dótturfélaginu Mílu. Þetta kemur fram í fréttatilkynningu og að nokkrum lífeyrissjóðum verði gefinn kostur á að fjárfesta í fyrirtækinu.
Hagsmunasamtök taki ekki þátt í umræðu um verðlagningu
Samkeppniseftirlitið brýnir fyrir forsvarsfólki hagsmunasamtaka í atvinnulífinu að taka ekki þátt í umfjöllun um verðlagningu eða markaðshegðun fyrirtækja. Í tilkynningu eftirlitsins er slík umfjöllun hagsmunasamtaka vegna yfirvofandi verðhækkana sökum hækkunar hrávöruverðs gagnrýnd. Hækkun aðfanga eigi ekki sjálfkrafa að hækka vöruverð.
Sjónvarpsfrétt
Hæsta sekt sem fyrirtæki hefur fengið fyrir samráð
Forstjóri Eimskips segir hafa verið farsælast að ná sátt við Samkeppniseftirlitið um greiðslu langhæstu sektar sem lögð hefur verið á fyrirtæki fyrir samkeppnislagabrot. Hann segir sektina rífa í, en félagið standi vel.
Neytendur úrræðalausir gagnvart samkeppnislagabrotum
Stjórn Neytendasamtakanna krefst þess að stjórnvöld bæti tafarlaust úr úrræðaleysi neytenda gagnvart samkeppnislagabrotum og breyti lögum til þess að neytendur geti sótt rétt sinn. Samtökin harma þau alvarlegu brot sem Eimskip og Samskip hafa orðið uppvís að og benda á að virk samkeppni þarfnist virks eftirlits.
16.06.2021 - 23:06
Eimskip greiðir 1,5 milljarða í sekt
Eimskip og Samkeppniseftirlitið undirrituðu í dag sátt vegna samkeppnisbrota Eimskips árin 2008-2013. Með sáttinni viðurkennir Eimskip brot gegn samkeppnislögum og fellst á að greiða einn og hálfan milljarð króna í stjórnvaldssekt vegna þeirra. Þetta kemur fram í tilkynningu frá Samkeppniseftirlitinu.
16.06.2021 - 18:02
Fjármálaráðherra ánægður með ganginn í hlutafjárútboði
Fjármálaráðherra segir að það gætu fengist vel yfir fimmtíu milljarðar fyrir hlutinn sem ríkið hyggst selja í Íslandsbanka. Honum líst vel á stóru erlendu fjárfestingasjóðina sem hafa skuldbundið sig til að gerast kjölfestufjárfestar í bankanum.
Kallar eftir aukinni samkeppni á lyfjamarkaði
Minni hömlur á netverslun með lyf og auknar heimildir til sölu lausasölulyfja utan apóteka eru líkleg til að auka samkeppni og lækka verð til neytenda. Þetta kemur fram í áliti Samkeppniseftirlitsins sem sent hefur verið heilbrigðisráðherra.
02.06.2021 - 08:56
Samruni Kjarnafæðis og Norðlenska samþykktur
Samkeppniseftirlitið hefur samþykkt samruna matvælafyrtækjanna Kjarnafæðis og Norðlenska. Eftirlitið hefur haft málið til meðferðar síðan sumarið 2020 þegar fyrirtækin komust að samkomulagi um samruna.
13.04.2021 - 12:11
„Vorum neyddir til að selja reksturinn“
Fyrrverandi eigandi Mjólku og Mjókurbúsins Kú fagnar því að Hæstiréttur hafi staðfest ákvörðun Samkeppniseftirlitsins um að sekta Mjólkursamsöluna fyrir samkeppnislagabrot. Hann telur brot MS hafa valdið sér miklu tjóni og ætlar að krefjast skaðabóta. 
Goldman Sachs og fleiri gera bindandi tilboð í Advania
Sjóður í eigu fjárfestingabankans Goldman Sachs, ásamt danska fjárfestingasjóðnum VIA Equity, lykilstjórnendum á Norðurlöndum og nokkrum smærri hluthöfum hafa gert bindandi kauptilboð í  meirihluta hlutafjár upplýsingatæknifyrirtækinu Advania.
15.02.2021 - 07:44
Bankarnir áfram um að tryggja endurskipulagningu
Jóhannes Þór Skúlason, framkvæmdastjóri Samtaka ferðaþjónustunnar, segir sér hafa sýnst að bankar leggi áherslu á að vinna með ferðaþjónustufyrirtækjum við endurskipulagningu fjármála þeirra. Bankarnir séu opnari á frystingar og frestanir en yfirtökur nú en var eftir Hrunið.
Hætt við að bankar hamli samkeppni í ferðaþjónustu
Samkeppniseftirlitinu hafa borist ábendingar um að aukið eignarhald íslensku viðskiptabankanna í ferðaþjónustufyrirtækjum kunni að hamla samkeppni. „Það eru uppi áhyggjur af því að það geti endurtekið sig vandamál sem sköpuðust í hruninu, þegar bankarnir öðluðust yfirráð yfir fyrirtækjum í ýmsum atvinnugreinum,“ segir Páll Gunnar Pálsson, forstjóri Samkeppniseftirlitsins, í samtali við fréttastofu. 
Viðtal
Verði öðrum víti til varnaðar
Mikilvægt er að hæstiréttur hafi staðfest í dag að Byko hafi brotið alvarlega gegn samkeppnislögum, segir forstjóri Samkeppniseftirlitsins. Dómurinn þurfi að vera öðrum víti til varnaðar á tímum efnahagssamdráttar. Keppinautar á fákeppnismarkaði þurfi að gæta sín sérstaklega í samskiptum sín í milli og að hafa ekki verðsamráð sem sé til þess fallið að hækka vöruverð.
Byko og gamla Húsasmiðjan brutu samkeppnislög
Hæstiréttur staðfesti í dag dóm þess efnis að Byko hafi brotið gegn samkeppnislögum og einnig ákvæði EES- samningsins með umfangsmiklu ólöglegu samráði við gömlu Húsasmiðjuna.
Þrír af hverjum tíu stjórnendum skynja samráð á markaði
Þrír af hverjum tíu stjórnendum íslenskra fyrirtækja skynja samráð um samkeppnishamlandi aðgerðir á mörkuðum. Einn af hverjum tíu telur að markaðsráðandi fyrirtæki misnoti stöðu sína.
23.12.2020 - 18:34
Forlagið og Storytel falla frá samruna
Storytel AB og Forlagið, stærsta bókaútgáfa landsins, hafa fellt úr gildi samning sem þau gerðu í sumar um samruna fyrirtækjanna og sölu meirihluta Forlagsins til Storytel. Fyrirtækin undirrituðu í dag nýjan langtímasamning um dreifingu hljóð- og rafbóka í staðinn.
21.12.2020 - 15:48
Leitar umsagna vegna samruna Kjarnafæðis og Norðlenska
Samkeppniseftirlitið hefur nú óskað eftir sjónarmiðum þeirra sem telja sig hafa hagsmuna að gæta vegna fyrirhugaðs samruna Norðlenska og Kjarnafæðis. Aðgangur er gefinn að samrunaskrá og horft verður bæði til hagsmuna bænda og neytenda við mat á samrunanum.
15.10.2020 - 17:29
Ógilda samruna myndgreiningarfyrirtækja
Samkeppniseftirlitið ógilti í dag samruna tveggja læknisfræðilegra myndgreiningarfyrirtækja. Nýstofnað félag Myndgreiningar ehf. fyrirhugaði að kaupa Læknisfræðilega myndgreiningu ehf. og Íslenska myndgreiningu ehf.
26.08.2020 - 13:52
Óljóst hvort kæra Rio Tinto verður rannsökuð formlega
Samkeppniseftirlitið þarf að afla frekari upplýsinga frá Rio Tinto og Landsvirkjun áður en tekin verður ákvörðun um hvort kæra Rio Tinto til embættisins verður tekin til rannsóknar.  Páll Gunnar Pálsson, forstjóri Samkeppniseftirlitsins, segir að þessi vinna taki einhverjar vikur. Ákvörðunin um hvort hafin verði formleg rannsókn á grundvelli kvörtunarinnar liggi í fyrsta lagi fyrir í ágúst.
23.07.2020 - 16:44