Færslur: Samgönguframkvæmdir

Myndskeið
13 kílómetrar, 400.000 fermetrar af malbiki og 50 menn
Breikkun Hringvegarins á milli Hveragerðis og Selfoss gengur vel, en þar vinna um 50 manns við að leggja um 400 þúsund fermetrar af malbiki. Gott tíðarfar gæti flýtt fyrir að hægt verði að aka fyrstu hluta vegkaflans.
Myndskeið
125 götur fá endurnýjun og COVID hjálpaði til
125 götur eða gatnahlutar í Reykjavík, um 23 kílómetrar, verða endurnýjaðir í sumar. Markmiðið er að vinna upp þann halla á viðhaldi sem varð til eftir hrun. Minni umferð vegna faraldursins hjálpar þar til.
Sjónvarpsfrétt
Vilja breyta lánasamningum til að létta á skuldabyrði
Til greina kemur að ríkið breyti hluta af lánum til Vaðlaheiðarganga í hlutafé. Viðræður Vaðlaheiðarganga og ríkisins vegna fjárhagslegrar endurskipulagningar ganganna standa nú yfir.
Græn borg: Miklabraut og Sæbraut í stokk
Dagur B. Eggertsson borgarstjóri Reykjavíkur segir stefnt að því á næstu tíu árum að borgin verði framúrskarandi hjólreiðaborg á alþjóðamælikvarða. Þetta kom fram á kynningarfundi borgarstjórnar um græna borg í morgun.
Hyggjast bjóða út verk að verðmæti 139 milljarða
Áætlað er að varið verði 139 milljörðum til ýmissa framkvæmda af hálfu hins opinbera á árinu 2021. Þetta kom fram á útboðsþingi Samtaka iðnaðarins (SI) í gær þar sem ellefu fulltrúar kynntu þau verk sem fara eiga í útboð á árinu. Reykjavíkurborg, Vegagerðin og Framkvæmdasýsla ríkisins boða viðamestu framkvæmdirnar á árinu.
Myndskeið
Samgönguráðherra: „Þetta er óásættanleg staða“
Það er grafalvarlegt og óásættanlegt að bikblæðingar skuli verða á vegum landsins. Þetta segir samgönguráðherra. Hann ætlar að kalla eftir upplýsingum um málið frá óháðum sérfræðingum.
Viðtal
Vegagerðin getur lítið gert vegna tjörublæðinga
Mikið tjón hefur orðið og hætta skapast vegna tjörublæðinga á vegum á Norður- og Vesturlandi á undanförnum dögum. G. Pétur Matthíasson, upplýsingafulltrúi Vegagerðarinnar, segir að staðan sé vissulega slæm. Lítið sé hægt að gera annað en að malbika sem sé afar kostnaðarsamt.
15.12.2020 - 12:18
Milljónatjón á bílum: „Stórhættulegt og stóralvarlegt“
Framkvæmdastjóri Vörumiðlunar á Sauðárkróki hefur tilkynnt Vegagerðinni um milljónatjón á fjölmörgum vörubílum fyrirtækisins, vegna blæðinga á vegum á Norður- og Vesturlandi. Hann segir að það sé stórhættulegt að vera í umferðinni við þessar aðstæður.
15.12.2020 - 08:11
Vegurinn hefur verið lokaður 40 sinnum í ár
Sveitarstjórn Tálknafjarðarhrepps hefur þungar áhyggjur af samgönguöryggi á sunnanverðum Vestfjörðum núna þegar vetur er að ganga í garð. Það sem af er ári hefur Klettsháls verið lokaður í fjóra klukkutíma eða meira í alls 40 skipti.
Sundabraut í einkaframkvæmd og þar verði veggjöld
Fjórir þingmenn Sjálfstæðisflokksins hafa lagt fram þingsályktunartillögu um að einkaaðili annist heildarfjármögnun Sundabrautar og að veggjöld verði innheimt þar. Um sé að ræða eina dýrustu einstöku framkvæmd sem sé til skoðunar í íslenska vegakerfinu og til að standa straum af kostnaðinum þyrfti annaðhvort að auka umtalsvert opinber framlög til nýframkvæmda eða draga úr þeim á öðrum stöðum.
Leggja til að endurhanna Landeyjahöfn
Líklega þyrfti að endurhanna Landeyjahöfn til þess að hún verði nógu djúp fyrir þær siglingar sem henni er ætlað að sinna. Þær endurbætur sem hingað til hafa verið gerðar hafa ekki dugað hingað til og ætla má að erfitt sjólag utan hafnar muni áfram takmarka siglingar nýrrar ferju. Þetta kemur fram í nýrri skýrslu sem unnin var um fyrstu skref að óháðri úttekt á framkvæmd og nýtingu hafnarinnar.
Hagstæðasta lausnin á Sundabraut „gerð ómöguleg“
Eyþór Arnalds, oddviti Sjálfstæðisflokksins í borgarstjórn Reykjavíkur, segir að hagstæðasta leið Sundabrautar hafi verið gerð ómöguleg vegna skipulags borgarinnar við Vogabyggð. Dagur B. Eggertsson borgarstjóri segir hins vegar að sú leið hafi reynst umdeild, bæði á meðal íbúa í Laugardal og Grafarvogi, og því komi nú helst til greina að Sundabraut verði í jarðgöngum.
Sigurður Ingi: Sundabraut kallar á 2.000 störf
Gerð Sundabrautar mun kalla á 2.000 störf til viðbótar segir Sigurður Ingi Jóhannsson, samgöngu- og sveitastjórnarráðherra.
Vegurinn var lokaður í um 40 daga af 90
Vegurinn um Súðavíkurhlíð, á milli Súðavíkur og Ísafjarðar, var lokaður um 40 sinnum, á fyrstu þremur mánuðum ársins, stundum hátt í tvo sólarhringa í senn. Bragi Þór Thoroddsen, sveitarstjóri Súðavíkurhrepps, segir að staða samgöngumála á svæðinu hamli byggðaþróun og kallar eftir göngum á milli Álftafjarðar og Skutulsfjarðar.
900 milljarðar í samgönguframkvæmdir
Um 8700 störf verða til á næstu árum í tengslum við framkvæmdir vegna samgönguáætlunar. Samgönguáætlun til fimmtán ára var samþykkt samhljóða á Alþingi í gær. Jafnframt  samþykkt lög um samvinnuverkefni í vegaframkvæmdum sem heimila bæði gjaldtöku og  samstarf hins opinbera og einkaaðila. „Það var auðvitað bara stórkostlegt og mjög ánægjulegt að sjá hvað það var stór meirihluti sem var á bak við allt saman,“ segir samgönguráðherra.
Borgarlínan enn á áætlun þrátt fyrir verri efnahag
Ríkisstjórnin hyggst leita allra leiða til að fara í umfangsmiklar samgönguframkvæmdir á höfuðborgarsvæðinu þrátt fyrir að efnahagsaðstæður hafi versnað til muna eftir að ríki og sex sveitarfélög gerðu með sér samgöngusáttmála í haust. Helmingur 120 milljarða er enn ófjármagnaður en áður en kórónuveirufaraldurinn braust út var stefnt að því að að fjármagna þann hluta með söluandvirði Íslandsbanka.