Neytendasamtökin áætla að vatnsveitur landsins hafi ofrukkað viðskiptavini sína um milljarða króna frá því ný lög um vatnsveitur tóku gildi árið 2016.

Einbreiðar brýr á Hringveginum, þjóðvegi 1 eru nú 33 talsins að meðtalinni bráðabirgðabrú yfir Fellsá sem enn er í notkun. Þeim fækkaði um fjórar á síðasta ári.

Gert er ráð fyrir að Breiðafjarðarferjan Baldur sigli á ný á morgun. Verið er að tryggja að ný túrbína sem fengin var um helgina sé í lagi. Samgönguráðherra fundar nú með sveitarfélögum um Baldur.

Sigurður Ingi Jóhannsson, samgöngu- og sveitastjórnarráðherra segir að með þeim tillögum sem nú er unnið að í þinginu verði frumkvæðisskylda ráðherra afnumin um að bregðast við með beinum hætti þótt sveitarfélög telji ekki 250 manns núna eða eitt þúsund árið 2026.

Talsmaður hóps smærri sveitarfélaga fagnar því að ráðherra sveitarstjórnarmála kunni að falla frá ákvæði um lögbundinn lágmarksíbúafjölda í frumvarpi um sameiningu sveitarfélaga. Hann er bjartsýnn á að sátt náist um þetta mál.

Þrettán björgunarsveitir Slysavarnafélagsins Landsbjargar fengu í dag færanlegar rafstöðvar en alls verða þrjátíu slíkar afhentar á árinu. Með þessu á að draga úr líkum á rafmagns- og fjarskiptaleysi líkt og varð sums staðar á Norðurlandi í óveðri sem geisaði fyrir rúmu ári.

Tuttugu fámenn sveitarfélög hafa nú hafið formlegt samráð sín á milli. Þau neyðast til að sameinast ef boðaður þúsund manna lágmarksíbúafjöldi gengur eftir.

Árneshreppur á Ströndum hefur fengið 500 þúsund króna styrk af ráðstöfunarfé Sigurðar Inga Jóhannssonar, samgöngu- og sveitarstjórnarráðherra, til að tryggja áframhaldandi farsímasamband á stórum hluta vega í hreppnum.

Formaður Samtaka atvinnurekenda á sunnanverðum Vestfjörðum vill að jarðgöng komi í stað ónýtra fjallvega. Vegurinn um Mikladal er ónýtur og klæðning þar víða farin af. Endurbygging myndi kosta um milljarð króna.

Það er grafalvarlegt og óásættanlegt að bikblæðingar skuli verða á vegum landsins. Þetta segir samgönguráðherra. Hann ætlar að kalla eftir upplýsingum um málið frá óháðum sérfræðingum.

Fjórir þingmenn Sjálfstæðisflokksins hafa lagt fram þingsályktunartillögu um að einkaaðili annist heildarfjármögnun Sundabrautar og að veggjöld verði innheimt þar. Um sé að ræða eina dýrustu einstöku framkvæmd sem sé til skoðunar í íslenska vegakerfinu og til að standa straum af kostnaðinum þyrfti annaðhvort að auka umtalsvert opinber framlög til nýframkvæmda eða draga úr þeim á öðrum stöðum.

Líklega þyrfti að endurhanna Landeyjahöfn til þess að hún verði nógu djúp fyrir þær siglingar sem henni er ætlað að sinna. Þær endurbætur sem hingað til hafa verið gerðar hafa ekki dugað hingað til og ætla má að erfitt sjólag utan hafnar muni áfram takmarka siglingar nýrrar ferju. Þetta kemur fram í nýrri skýrslu sem unnin var um fyrstu skref að óháðri úttekt á framkvæmd og nýtingu hafnarinnar.